प्रेरित 4
4
महासभावइ उबरिक पत्रुस सोनो युहन्ना
1पत्रुस सोनो युहन्नानि अर्मिरास इंस्पाँज्याक, पुजारिर, परमेस्वरवइ ओमन्दिरलाउ कप्तानर सोनो सदुकिर नोराइ यालेउक राकेर। 2नुनिइ येसु सिउङि जिंदो दाले, होकारन गुँ अर्मिर ब जिंदो जास्न्या लेर हैलेद हैयादाज्याउ थैद नोर यायुउँ चोके। 3हैजैद नोराइ युहन्ना सोनो पत्रुसनिलाइ कोलोद तरिपुरु झ्यालखानाल यारुकेर, नेलाइलेक होबेला नम् झ्याउ ले। 4तर नुनिइ इंस्पाँ थैद भ्या अर्मिराइ बिस्वास दोकेर, हैजैद बिस्वास दान्या अर्मिर बदिनाद पाँच हजार ह्वाकाना जास्केर।
5होइ ओपराति सासकर, अगुवार सोनो मोसाइ ओनियम अस्पैन्यार यरुसलेम्ल अस्दुसिकेर। 6आउ सभाल प्रधान पुजारि हन्नास, कैयाफा, युहन्ना, अलेक्जेन्दर सोनो प्रधान पुजारिवइ ओपर्यालिर स्यो होक लेर। 7नोराइ पत्रुस सोनो युहन्नानिलाइ सभावइ उबरिक रैद “जिं सुइ ओसक्तिवइ, सुइ उर्मितिं आउ दुँदालाइ जिंसगराँउ?” हैलेद यास्गेंकेर।
8पत्रुस पबित्र आत्मावइ भरिपुर्न जास्द नोरलाइ हैयादोकेउ, “अर्मिराइ यासासक सोनो अगुवार, 9आछिम् आउ दुँदा अर्मिलाइ दया दाद गिंसगराँउ अप्चाउ एन्को लागि हिसाब जेङिज्याकिंलेक सोनो आउ अर्मि कैजैद गराँया हैलेद जेस्गेंसिकिंलेक, 10अब जे सोनो इस्राएललाउ स्यो अर्मिराइ आउ बुजैच्यो, नासरतलाउ येसु ख्रिस्तवइ उर्मितिं आउ अर्मि गराँद जिबरिक च्याँद ले। येसुलाइ ते जे क्रुस्त जुन्दैद जेसैके, तर परमेस्वरवइ येसुलाइ सिउङि जिंदो जैद नौ। 11येसुइ ओबारेल परमेस्वरवइ ओबचनल आउ अस्पाँ अप्सरसिउ लिज्या,
‘झिम् जैन्या अर्मिराइ काम मालागि हैलेद अर्बिसिउ लुँ ज
झिम्ताउ स्योर भन्दा काम लागिन्या लुँ जास्के#भजनसंग्रह ११८:२२।’
12येसु ख्रिस्त बाहेक गुँ सुत मुक्ति माले, नेलाइलेक गे मुक्ति अस्दैन्याको लागि मादमिल येसुइ उर्मि बाहेक गुँ अर्मि यासिउ माले।”
13जब महासभालाउ अर्मिराइ पत्रुस सोनो युहन्नानि इंजोस्-जाँगर राँकेर, सोनो आनि ते मापरिउ साधारन अर्मिनि इंजासो हैलेन्या सैंद, नोर छक् परिकेर हैजैद नोराइ आनि ब येसुस लिज्याउनि इंजासो हैलेद सैंकेर। 14तर नो गराँउ अर्मि ब युहन्ना सोनो पत्रुसनिस च्याँद ओलेउ राँद नोराइ कैमादादुकेर। 15हैजैद नोराइ नुनिलाइ सभाङि लाँदि हिंन्या आग्या यायोकेर हुकिं या-या अइलेद सल्ला दोकेर, 16“अब आनिलाइ गे कैजैन्या? नेलाइलेक यरुसलेम्लाउ स्यो अर्मिराइ आनिइ इंदोउ अचम्बलाउ आउ एन् सैंद नैर, अब गे आउ अस्पाँलाइ म्हा ब हैगेमालेदु। 17तर आउ अस्पाँ गुँ अर्मिराइ तासैंरक। होकारन नुनिलाइ ‘आकिं फिरि जिं येसुइ ओबारेल निउ तास्पाँचिं’ हैलेद चेताउनि याउ परि।”
18हैजैद पत्रुस सोनो युहन्नानिलाइ खुल्द, “अबकिं जिं खर्क ब येसुइ ओबारेल सुरलाइ तास्पैचिं” हैलेद चेताउनि यायोकेर। 19तर पत्रुस सोनो युहन्नानिइ नोरलाइ “अब अर्मिराइ हैयालेउ अस्पाँ थैन्यासिं, परमेस्वरवइ हैओलेउ अस्पाँ थैन्या? जेज बिचार दाच्यो। 20नेलाइलेक गिंते गिंथौ सोनो गिंराँउ अस्पाँ हैमादाद छपक् गिंमालेदु” हैलेद जवाफ यायोकिनि। 21स्यो अर्मिराइ पत्रुस सोनो यहुन्नानि इंदोउ अचम्बलाउ एन् राँद परमेस्वरवइ ओप्रसंसा दाज्याउर लेर। होकारन महासभालाउ अर्मिराइ नुनिलाइ दोस लैन्या कारन यामास्दौवइ फिरि धम्कि याद यारास्केर। 22नेलाइलेक नो अचम्बङि गराँज्याउ अर्मिवइ उ उमेर चालिस बर्स भन्दा भ्या जासो ले।
बिस्वासिराइ याप्राथना
23नुलिं इंपुलुसो पन्याज पत्रुस सोनो युहन्नानि इंरिजाराइ यालेउक हिंकिनि, हैजैद नुनिइ मुख्ये पुजारि सोनो अगुवाराइ नुनिलाइ हैयादोउ अस्पाँर स्यो हैयादोकिंनि। 24आउ अस्पाँ थैद नोर स्योज मिलिद अइजैद प्राथना दोकेर, “हे सर्ब सक्तिमान परमप्रभु परमेस्वर नम्, मादमि सोनो समुद्र हुकिं होलाउ लिज्याउ स्यो थोक नजैके#प्रस्थान २०:११; नहेम्याह ९:६; भजनसंग्रह १४६:६। 25ना पबित्र आत्माङि नसेबक गिपुर्खा दाउदवइ ओयाङि अइ नलेले,
‘गुँ जातिर नेलाइ यायुउँ चोज्या,
हुकिं नेलाइ अर्मिराइ ओकाम मालेउ योजना दाज्यार#भजनसंग्रह २:१-२?
26परमप्रभु सोनो ओल् ओछानिउ ओजनवइ उबिरोध्ल,
मादमिलाउ अर्गेर सोनो सासकर स्यो अस्दुसिलेर।’
27नेलाइलेक ना नछानिउ नमि पबित्र सेबक येसुइ उबिरोध्ल, हेरोद सोनो पन्तियस पिलातस, सोनो गुँ जातिर, इस्राएलिरास आउ सहरल अस्दुसिउ लेर#मत्ति २७:१-२; मर्कुस १५:१; लुका २३:१,७-११; युहन्ना १८:२८-२९। 28ना नइच्छ्या अनुसार ओजास्क हैलेद, बरिदि ज नयुउँल नसम्जिउ अस्पाँ नोराइ दोकेर। 29हे परमप्रभु, नोराइ यायासिउ धम्कि थैद गे नसेबकरलाइ नबचन माछेद अस्पाँन्या सक्ति यासिको। 30सोनो गेलाइ ना पबित्र नसेबक येसुइ उर्मितिं बिमारिरलाइ सगराँन्या सोनो अचम्बलाउ एन्र दाद चिनोर अस्तैंन्या सक्ति यासिको।”
31अइजैद प्राथना यादोउ छिंङि नोर यास्दुसिलेउ पो हल्लिके। हुकिं नोर स्योराइ पबित्र आत्मा अस्दैद परमेस्वरवइ ओबचन माछेद अस्पाँकेर।
बिस्वासिराइ याखार्लाउ सम्पति
32प्रभुलाइ बिस्वास दान्या स्यो अर्मिर तुबु युउँलाउ जास्द लिज्याउर लेर। नोर सुराइ ब याखार्लाउ सम्पति, आउ ङा ङामि हैलेद हैमालेकेर। तर नोरास लिज्याउ स्यो सम्पति याखार्ल ले#प्रेरित २:४४-४५। 33नो प्रेरितराइ सक्ति अस्दैद प्रभु येसु सिउङि जिंदो दाद ले हैलेद गवाहि यायोकेर। हैजैद परमेस्वरवइ नो स्योरलाइ दया दाद आसिस यायोकेउ। 34-35नोर सुरलाइ ब निउ चिजवइ उमि खाँचो माजास्के, नेलाइलेक याझिम् यायाँबाँलेउराइ हो वेयेद हुतिं राउ रुप्या प्रेरितराइ यालेउक रैर, हुकिं नोराइ नो रुप्या जोरलाइ खाँचो परि होरलाइ यायोर।
36लेबि कुल्लाउ योसेफ उर्मिलेउ तुबु अर्मि ले। नो साइप्रस हैयादाज्याउ देसल जर्मिउ ले। नोलाइ प्रेरितराइ बारनाबास उर्मि नैद यासिउ ले। बारनाबासवइ ओअर्थ हौसला यान्या अर्मि। 37नोइ ब प्रेरितराइ यालेउक ओयाँ वेयेद रुप्या रैद यायोकेउ।
Currently Selected:
प्रेरित 4: MAIK
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
प्रेरित 4
4
महासभावइ उबरिक पत्रुस सोनो युहन्ना
1पत्रुस सोनो युहन्नानि अर्मिरास इंस्पाँज्याक, पुजारिर, परमेस्वरवइ ओमन्दिरलाउ कप्तानर सोनो सदुकिर नोराइ यालेउक राकेर। 2नुनिइ येसु सिउङि जिंदो दाले, होकारन गुँ अर्मिर ब जिंदो जास्न्या लेर हैलेद हैयादाज्याउ थैद नोर यायुउँ चोके। 3हैजैद नोराइ युहन्ना सोनो पत्रुसनिलाइ कोलोद तरिपुरु झ्यालखानाल यारुकेर, नेलाइलेक होबेला नम् झ्याउ ले। 4तर नुनिइ इंस्पाँ थैद भ्या अर्मिराइ बिस्वास दोकेर, हैजैद बिस्वास दान्या अर्मिर बदिनाद पाँच हजार ह्वाकाना जास्केर।
5होइ ओपराति सासकर, अगुवार सोनो मोसाइ ओनियम अस्पैन्यार यरुसलेम्ल अस्दुसिकेर। 6आउ सभाल प्रधान पुजारि हन्नास, कैयाफा, युहन्ना, अलेक्जेन्दर सोनो प्रधान पुजारिवइ ओपर्यालिर स्यो होक लेर। 7नोराइ पत्रुस सोनो युहन्नानिलाइ सभावइ उबरिक रैद “जिं सुइ ओसक्तिवइ, सुइ उर्मितिं आउ दुँदालाइ जिंसगराँउ?” हैलेद यास्गेंकेर।
8पत्रुस पबित्र आत्मावइ भरिपुर्न जास्द नोरलाइ हैयादोकेउ, “अर्मिराइ यासासक सोनो अगुवार, 9आछिम् आउ दुँदा अर्मिलाइ दया दाद गिंसगराँउ अप्चाउ एन्को लागि हिसाब जेङिज्याकिंलेक सोनो आउ अर्मि कैजैद गराँया हैलेद जेस्गेंसिकिंलेक, 10अब जे सोनो इस्राएललाउ स्यो अर्मिराइ आउ बुजैच्यो, नासरतलाउ येसु ख्रिस्तवइ उर्मितिं आउ अर्मि गराँद जिबरिक च्याँद ले। येसुलाइ ते जे क्रुस्त जुन्दैद जेसैके, तर परमेस्वरवइ येसुलाइ सिउङि जिंदो जैद नौ। 11येसुइ ओबारेल परमेस्वरवइ ओबचनल आउ अस्पाँ अप्सरसिउ लिज्या,
‘झिम् जैन्या अर्मिराइ काम मालागि हैलेद अर्बिसिउ लुँ ज
झिम्ताउ स्योर भन्दा काम लागिन्या लुँ जास्के#भजनसंग्रह ११८:२२।’
12येसु ख्रिस्त बाहेक गुँ सुत मुक्ति माले, नेलाइलेक गे मुक्ति अस्दैन्याको लागि मादमिल येसुइ उर्मि बाहेक गुँ अर्मि यासिउ माले।”
13जब महासभालाउ अर्मिराइ पत्रुस सोनो युहन्नानि इंजोस्-जाँगर राँकेर, सोनो आनि ते मापरिउ साधारन अर्मिनि इंजासो हैलेन्या सैंद, नोर छक् परिकेर हैजैद नोराइ आनि ब येसुस लिज्याउनि इंजासो हैलेद सैंकेर। 14तर नो गराँउ अर्मि ब युहन्ना सोनो पत्रुसनिस च्याँद ओलेउ राँद नोराइ कैमादादुकेर। 15हैजैद नोराइ नुनिलाइ सभाङि लाँदि हिंन्या आग्या यायोकेर हुकिं या-या अइलेद सल्ला दोकेर, 16“अब आनिलाइ गे कैजैन्या? नेलाइलेक यरुसलेम्लाउ स्यो अर्मिराइ आनिइ इंदोउ अचम्बलाउ आउ एन् सैंद नैर, अब गे आउ अस्पाँलाइ म्हा ब हैगेमालेदु। 17तर आउ अस्पाँ गुँ अर्मिराइ तासैंरक। होकारन नुनिलाइ ‘आकिं फिरि जिं येसुइ ओबारेल निउ तास्पाँचिं’ हैलेद चेताउनि याउ परि।”
18हैजैद पत्रुस सोनो युहन्नानिलाइ खुल्द, “अबकिं जिं खर्क ब येसुइ ओबारेल सुरलाइ तास्पैचिं” हैलेद चेताउनि यायोकेर। 19तर पत्रुस सोनो युहन्नानिइ नोरलाइ “अब अर्मिराइ हैयालेउ अस्पाँ थैन्यासिं, परमेस्वरवइ हैओलेउ अस्पाँ थैन्या? जेज बिचार दाच्यो। 20नेलाइलेक गिंते गिंथौ सोनो गिंराँउ अस्पाँ हैमादाद छपक् गिंमालेदु” हैलेद जवाफ यायोकिनि। 21स्यो अर्मिराइ पत्रुस सोनो यहुन्नानि इंदोउ अचम्बलाउ एन् राँद परमेस्वरवइ ओप्रसंसा दाज्याउर लेर। होकारन महासभालाउ अर्मिराइ नुनिलाइ दोस लैन्या कारन यामास्दौवइ फिरि धम्कि याद यारास्केर। 22नेलाइलेक नो अचम्बङि गराँज्याउ अर्मिवइ उ उमेर चालिस बर्स भन्दा भ्या जासो ले।
बिस्वासिराइ याप्राथना
23नुलिं इंपुलुसो पन्याज पत्रुस सोनो युहन्नानि इंरिजाराइ यालेउक हिंकिनि, हैजैद नुनिइ मुख्ये पुजारि सोनो अगुवाराइ नुनिलाइ हैयादोउ अस्पाँर स्यो हैयादोकिंनि। 24आउ अस्पाँ थैद नोर स्योज मिलिद अइजैद प्राथना दोकेर, “हे सर्ब सक्तिमान परमप्रभु परमेस्वर नम्, मादमि सोनो समुद्र हुकिं होलाउ लिज्याउ स्यो थोक नजैके#प्रस्थान २०:११; नहेम्याह ९:६; भजनसंग्रह १४६:६। 25ना पबित्र आत्माङि नसेबक गिपुर्खा दाउदवइ ओयाङि अइ नलेले,
‘गुँ जातिर नेलाइ यायुउँ चोज्या,
हुकिं नेलाइ अर्मिराइ ओकाम मालेउ योजना दाज्यार#भजनसंग्रह २:१-२?
26परमप्रभु सोनो ओल् ओछानिउ ओजनवइ उबिरोध्ल,
मादमिलाउ अर्गेर सोनो सासकर स्यो अस्दुसिलेर।’
27नेलाइलेक ना नछानिउ नमि पबित्र सेबक येसुइ उबिरोध्ल, हेरोद सोनो पन्तियस पिलातस, सोनो गुँ जातिर, इस्राएलिरास आउ सहरल अस्दुसिउ लेर#मत्ति २७:१-२; मर्कुस १५:१; लुका २३:१,७-११; युहन्ना १८:२८-२९। 28ना नइच्छ्या अनुसार ओजास्क हैलेद, बरिदि ज नयुउँल नसम्जिउ अस्पाँ नोराइ दोकेर। 29हे परमप्रभु, नोराइ यायासिउ धम्कि थैद गे नसेबकरलाइ नबचन माछेद अस्पाँन्या सक्ति यासिको। 30सोनो गेलाइ ना पबित्र नसेबक येसुइ उर्मितिं बिमारिरलाइ सगराँन्या सोनो अचम्बलाउ एन्र दाद चिनोर अस्तैंन्या सक्ति यासिको।”
31अइजैद प्राथना यादोउ छिंङि नोर यास्दुसिलेउ पो हल्लिके। हुकिं नोर स्योराइ पबित्र आत्मा अस्दैद परमेस्वरवइ ओबचन माछेद अस्पाँकेर।
बिस्वासिराइ याखार्लाउ सम्पति
32प्रभुलाइ बिस्वास दान्या स्यो अर्मिर तुबु युउँलाउ जास्द लिज्याउर लेर। नोर सुराइ ब याखार्लाउ सम्पति, आउ ङा ङामि हैलेद हैमालेकेर। तर नोरास लिज्याउ स्यो सम्पति याखार्ल ले#प्रेरित २:४४-४५। 33नो प्रेरितराइ सक्ति अस्दैद प्रभु येसु सिउङि जिंदो दाद ले हैलेद गवाहि यायोकेर। हैजैद परमेस्वरवइ नो स्योरलाइ दया दाद आसिस यायोकेउ। 34-35नोर सुरलाइ ब निउ चिजवइ उमि खाँचो माजास्के, नेलाइलेक याझिम् यायाँबाँलेउराइ हो वेयेद हुतिं राउ रुप्या प्रेरितराइ यालेउक रैर, हुकिं नोराइ नो रुप्या जोरलाइ खाँचो परि होरलाइ यायोर।
36लेबि कुल्लाउ योसेफ उर्मिलेउ तुबु अर्मि ले। नो साइप्रस हैयादाज्याउ देसल जर्मिउ ले। नोलाइ प्रेरितराइ बारनाबास उर्मि नैद यासिउ ले। बारनाबासवइ ओअर्थ हौसला यान्या अर्मि। 37नोइ ब प्रेरितराइ यालेउक ओयाँ वेयेद रुप्या रैद यायोकेउ।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.