प्रेरित 5
5
हननिया सोनो सफिरा
1हननिया उर्मिलेउ तुबु अर्मि ले। होइ ओज्याइ उर्मि सफिरा ले। नुनिइ ब तपाता इंयाँबाँ वेयेकिनि। 2हैजैद नुनिइ सल्ला दाद जामा रुप्या इं नैद जामा रुप्या वाज हननियावइ स्यो रुप्या ङारैनै हैलेद प्रेरितरलाइ यायोकेउ। 3हुकिं पत्रुसवइ हननियालाइ हैदोकेउ, “ए हननिया, नयुउँल सैतानलाइ कैजैद एन्दाउ नयोउ? याँबाँ वेयेसिउ जामा रुप्या मुँद नेलाइ पबित्र आत्मास नग्वार्ज्या? 4नो याँबाँ जिंमावेयेथाकब जिं जिंमि ज ले। सोनो नो याँबाँ वेयेसिउ रुप्या ब जिं जिंमि ज जिंइच्छावइ याउ जिंदु। तर कैजैद अमदिउ ग्वार्न्या जिंसम्झिउ? जिं अर्मिरास म्हा परमेस्वरस जिंग्वारके।” 5पत्रुसवइ हननियालाइ आउ अस्पाँ हैओदोउ पन्याज नाम्ल दलिद उसु फ्याके, हुकिं आउ अस्पाँ थैन्या स्यो अर्मिर छेकेर। 6हैजैद याँराउ छोरार राद हननियावइ ओलास्लाइ क्वावइ लोम्थैद लाँदि लाँद गादिकेर।
7हननिया उसिउ सों घन्ता छिंङि ओज्या ब भितर्ल राके। नोइ ओरे उसिउ अस्पाँ मासैंज्याउ ले। 8पत्रुसवइ नोलाइ अस्गेंकेउ, “ङालाइ है गदाँङाद, याँबाँ वेयेसिउ स्यो रुप्या नाकना ज रो?”
नोइ ब हैदोकेउ, “अँ नाकानाल ज गिंवेयेउ।”
9हुकिं पत्रुसवइ नोलाइ हैदोकेउ, “जिं जोर्निइ ज नेलाइ प्रभुइ ओआत्मालाइ बिचारिउ जिंस्पैके? थैको, नरेलाइ गादिनान्या अर्मिर बाभा याम्क कलेस्रैलेर। नालाइ ब नोराइ नजैद ज गादिन्या लेर।” 10हैओदोउ पन्याज पत्रुसवइ उखुँतेक दलिद होकज उसु फ्याके। छोरार भितर्ल याराक नोइ उसु ओफ्यालेउ राँद नोइ ओलास्लाइ ब लाँद ओरेइ ओखोकाक गादिकेर। 11आउ घतना उघतिउ छिंङि मन्दलिलाउ अर्मिर सोनो आउ अस्पाँ थैन्या स्यो अर्मिर अचम्ब छेकेर।
अचम्बलाउ एन्र सोनो चिनोर
12प्रेरितराइ अर्मिराइ याखार्ल भ्या अचम्बलाउ एन्र दाद चिनोर यास्तैंकेर। प्रभु येसुत बिस्वास दान्यार स्योज सोलोमनवइ घ्यो ओप्रतिछ्यालयल सिप् अस्दुसिर। 13गुँ अर्मिराइ नोरलाइ मान समानते यादोर, हुदिब नोरास मिलिन्या आँत मादादुकेर। 14प्रभुत बिस्वास दाद सलेपा मिमा, स्यो अर्मिर झन भ्या बदिनाकेर। 15अर्मिराइ याजोरो राज्याउरलाइ यातैंस रैद घ्वायाल यासुरुर। नेलाइलेक पत्रुस नोतलाँ ओराक ओछायाँवइ दिब गराँन्या लेर हैलेद आस दोर। 16यरुसलेम आखै होकै यालाउ सहरयालिं ब अर्मिराइ भ्या याजोरो राज्याउर सोनो भुत लागिउरलाइ यारैकेर हुकिं नोर स्यो गराँकेर।
प्रेरितरलाइ सतावत राउ
17प्रधान पुजारि सोनो नोइ सदुकि उरिजाराइ प्रेरितरास अचम्ब खिस् दोकेर। 18हैजैद नोराइ प्रेरितरलाइ कोलोद सार्बजनिक झ्यालखानाल याझाकेर। 19तर होछ्याम् रिइल परमप्रभुइ उदुतवइ झ्यालखानावइ ओयाम् फैद नोरलाइ लाँदि अस्पुलुइद हैयादोकेउ, 20“अब परमेस्वरवइ ओमन्दिरल हिंच्यो हैजैद च्याँद अर्मिरलाइ सारो जिबनवइ ओबारेलाउ अप्चाउ खबर हैयादाच्यो।” 21हुकिं नोराइ नोइ हैओलेउ अस्पाँ थैद जुर्मुरु परमेस्वरवइ ओमन्दिरल हिंद अर्मिरलाइ यास्पैकेर।
प्रधान पुजारि सोनो नोइ उरिजाराइ इस्राएलिराइ याअगुवारलाइ महासभाल याखुल्केर। हैजैद नोराइ झ्यालखानालिं प्रेरितरलाइ होक रैन्या अर्मिर यास्परिंकेर। 22तर सिपाहिराइ झ्यालखानाल राद याराँक प्रेरितरलाइ मास्दैकेर। हुकिं नोर ओल्द हिंद हैयादोकेर, 23“झ्यालखानालाउ याम् ते पक्का जैद चाबि लैसिउ ले सोनो पाल्यार ब याम्कज अर्गुज्याउ लेर। तर याम् फैद गेराँक सु ग्यामाराँके।” 24परमेस्वरवइ ओमन्दिरलाउ कप्तान सोनो मुख्ये पुजारिराइ आउ अस्पाँ थैद अब कै जास्ते क्या हैलेद छक् परिकेर। 25होबेलाक ज तुबु अर्मि राद नोरलाइ हैयादोकेउ, “थैच्यो, जे झ्यालखानाल ज्यारुउ अर्मिर ते परमेस्वरवइ ओमन्दिरल हिंद अर्मिरलाइ सिछ्या यायाज्यार।” 26आउ अस्पाँ थैद कप्तान ब सिपाहिरास प्रेरितरलाइ च्योनान्या हिंके। हुकिं अर्मिराइ लुँइ होर्द सैसिरते हैलेद याछेउराइ नोरलाइ जबर्जस्ति मादाद अप्सेल्द यारैकेर।
27हुकिं सिपाहिराइ प्रेरितरलाइ महासभावइ उबरिक यारैकेर हैजैद प्रधान पुजारिवइ नोरलाइ यास्गेंकेउ, 28“गे जेलाइ येसुइ उर्मित सुरलाइ निउ तास्पैच्यो हैगेदाच्योउ म्हा रो? जे ते जन जेसिछ्या यरुसलेम भरि जेफैलौ। नो येसुलाइ सैसिउ दोस ब गेलाइ लौ जेस्पैंज्या#मत्ति २७:२५।”
29तर पत्रुस सोनो गुँ प्रेरितराइ अइलेद जबाफ यायोकेर, “गे अर्मिराइ हैयादासिउ अस्पाँ म्हा, परमेस्वरवइ हैओलेउ अस्पाँ थौ परि। 30जे क्रुस्त जुन्दैद जेसौ येसुलाइ गिपिता पुर्खाराइ यापरमेस्वरवइ सिउङि जिंदो जैद नौ। 31परमेस्वरवइ इस्राएलाउ अर्मिराइ यापाप स्विकारिद यापाप छेमा गस्दैरक हैलेद येसुलाइ मुक्तियान्या अर्गे जैद ओर्फताउ आदर योग्य पोत सप्चैंकेउ। 32गे आउ स्यो अस्पाँवइ ओसाछि गिलिज्या सोनो परमेस्वरवइ ओस्पाँ थैन्यारलाइ ओवायोउ पबित्र आत्मावइ ब साछि याज्या।”
33हुकिं आउ अस्पाँ थैद महासभाल अस्दुसिलेउ अर्मिर भ्या यायुउँ चोद प्रेरितरलाइ सउ अस्पैंकेर। 34तर महासभाल स्योराइ यामानिज्याउ गमलिएल उर्मिलेउ तुबु फरिसि मोसाइ ओनियम अस्पैन्यावइ सोद प्रेरितरलाइ तफेको लागि सभालिं लाँदि पुलुस्न्या आदेस यायोकेउ। 35हैजैद गमलिएलवइ सभालाउ अस्दुसिलेउ अर्मिरलाइ हैयादोकेउ, “इस्राएलिर, आउ अर्मिरलाइ कैजौ जेस्पैंज्याउ? हुस्यार लेच्यो! 36नेलाइलेक फ्याँ ब तुबु थुदास हैयादाज्याउ अर्मि ब मैहुँ लेद घ्यो जैसिके। हुकिं नोइ उछिंत चार्सय जना वा अर्मिर लेर, नोलाइ सैकेर हुकिं उछिंत लागिउर ब स्यो ततरबितर जास्द नोइ ओनाउ निसाना मितिके। 37हैजैद जनगनना बेला गालिल्लाउ यहुदा हैयादाज्याउ तुबु अर्मि राके। होइ उछिंत ब लेमाले अर्मिर लागिकेर। होलाइ ब सैकेर हुकिं नोइ उछिंत लागिन्यार ब ततरबितर जास्केर। 38होकारन आउ अर्मिराइ याबारेल ङा जेलाइ हैङादाच्योज्या, आउ अर्मिरलाइ कैताजैच्यो, बरु आरलाइ यारास्च्यो नेलाइलेक आराइ आउ याएन् सोनो याबिचार्र अर्मिराङि राउकिंलेक आउ ओल्ज हरिद हिंते। 39तर आउ परमेस्वरङि राउकिंलेक जे आउ अर्मिरलाइ ज्यामाउँदु। उल्तो जे परमेस्वरवइ उबिरोधल जेउथिउ मदिउ जास्।”
40हुकिं सभालाउ अस्दुसिलेउ अर्मिराइ गमलिएलवइ ओसल्ला भैंकेर। हैजैद नोराइ प्रेरितरलाइ बितर्ल खुल्द याथतैकेर “येसुइ उर्मित फिरि खर्क प्रचार तादाच्यो” हैलेद कदा आग्या याद यारास्केर। 41हुकिं प्रेरितराइ गे येसुइ उर्मित अपमान सहिन्या योग्यलाउर गेलेउ हैलेद रैं-रैं महासभाङि पुलुस्द हिंकेर। 42हैजैद नोराइ दिनादिन् परमेस्वरवइ उझिम् सोनो अर्मिराइ याझिम्याल हिंद येसु ज मुक्ति यान्या ख्रिस्त हैलेद अप्चाउ खबर हैदान्या मारास्केर।
Currently Selected:
प्रेरित 5: MAIK
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
प्रेरित 5
5
हननिया सोनो सफिरा
1हननिया उर्मिलेउ तुबु अर्मि ले। होइ ओज्याइ उर्मि सफिरा ले। नुनिइ ब तपाता इंयाँबाँ वेयेकिनि। 2हैजैद नुनिइ सल्ला दाद जामा रुप्या इं नैद जामा रुप्या वाज हननियावइ स्यो रुप्या ङारैनै हैलेद प्रेरितरलाइ यायोकेउ। 3हुकिं पत्रुसवइ हननियालाइ हैदोकेउ, “ए हननिया, नयुउँल सैतानलाइ कैजैद एन्दाउ नयोउ? याँबाँ वेयेसिउ जामा रुप्या मुँद नेलाइ पबित्र आत्मास नग्वार्ज्या? 4नो याँबाँ जिंमावेयेथाकब जिं जिंमि ज ले। सोनो नो याँबाँ वेयेसिउ रुप्या ब जिं जिंमि ज जिंइच्छावइ याउ जिंदु। तर कैजैद अमदिउ ग्वार्न्या जिंसम्झिउ? जिं अर्मिरास म्हा परमेस्वरस जिंग्वारके।” 5पत्रुसवइ हननियालाइ आउ अस्पाँ हैओदोउ पन्याज नाम्ल दलिद उसु फ्याके, हुकिं आउ अस्पाँ थैन्या स्यो अर्मिर छेकेर। 6हैजैद याँराउ छोरार राद हननियावइ ओलास्लाइ क्वावइ लोम्थैद लाँदि लाँद गादिकेर।
7हननिया उसिउ सों घन्ता छिंङि ओज्या ब भितर्ल राके। नोइ ओरे उसिउ अस्पाँ मासैंज्याउ ले। 8पत्रुसवइ नोलाइ अस्गेंकेउ, “ङालाइ है गदाँङाद, याँबाँ वेयेसिउ स्यो रुप्या नाकना ज रो?”
नोइ ब हैदोकेउ, “अँ नाकानाल ज गिंवेयेउ।”
9हुकिं पत्रुसवइ नोलाइ हैदोकेउ, “जिं जोर्निइ ज नेलाइ प्रभुइ ओआत्मालाइ बिचारिउ जिंस्पैके? थैको, नरेलाइ गादिनान्या अर्मिर बाभा याम्क कलेस्रैलेर। नालाइ ब नोराइ नजैद ज गादिन्या लेर।” 10हैओदोउ पन्याज पत्रुसवइ उखुँतेक दलिद होकज उसु फ्याके। छोरार भितर्ल याराक नोइ उसु ओफ्यालेउ राँद नोइ ओलास्लाइ ब लाँद ओरेइ ओखोकाक गादिकेर। 11आउ घतना उघतिउ छिंङि मन्दलिलाउ अर्मिर सोनो आउ अस्पाँ थैन्या स्यो अर्मिर अचम्ब छेकेर।
अचम्बलाउ एन्र सोनो चिनोर
12प्रेरितराइ अर्मिराइ याखार्ल भ्या अचम्बलाउ एन्र दाद चिनोर यास्तैंकेर। प्रभु येसुत बिस्वास दान्यार स्योज सोलोमनवइ घ्यो ओप्रतिछ्यालयल सिप् अस्दुसिर। 13गुँ अर्मिराइ नोरलाइ मान समानते यादोर, हुदिब नोरास मिलिन्या आँत मादादुकेर। 14प्रभुत बिस्वास दाद सलेपा मिमा, स्यो अर्मिर झन भ्या बदिनाकेर। 15अर्मिराइ याजोरो राज्याउरलाइ यातैंस रैद घ्वायाल यासुरुर। नेलाइलेक पत्रुस नोतलाँ ओराक ओछायाँवइ दिब गराँन्या लेर हैलेद आस दोर। 16यरुसलेम आखै होकै यालाउ सहरयालिं ब अर्मिराइ भ्या याजोरो राज्याउर सोनो भुत लागिउरलाइ यारैकेर हुकिं नोर स्यो गराँकेर।
प्रेरितरलाइ सतावत राउ
17प्रधान पुजारि सोनो नोइ सदुकि उरिजाराइ प्रेरितरास अचम्ब खिस् दोकेर। 18हैजैद नोराइ प्रेरितरलाइ कोलोद सार्बजनिक झ्यालखानाल याझाकेर। 19तर होछ्याम् रिइल परमप्रभुइ उदुतवइ झ्यालखानावइ ओयाम् फैद नोरलाइ लाँदि अस्पुलुइद हैयादोकेउ, 20“अब परमेस्वरवइ ओमन्दिरल हिंच्यो हैजैद च्याँद अर्मिरलाइ सारो जिबनवइ ओबारेलाउ अप्चाउ खबर हैयादाच्यो।” 21हुकिं नोराइ नोइ हैओलेउ अस्पाँ थैद जुर्मुरु परमेस्वरवइ ओमन्दिरल हिंद अर्मिरलाइ यास्पैकेर।
प्रधान पुजारि सोनो नोइ उरिजाराइ इस्राएलिराइ याअगुवारलाइ महासभाल याखुल्केर। हैजैद नोराइ झ्यालखानालिं प्रेरितरलाइ होक रैन्या अर्मिर यास्परिंकेर। 22तर सिपाहिराइ झ्यालखानाल राद याराँक प्रेरितरलाइ मास्दैकेर। हुकिं नोर ओल्द हिंद हैयादोकेर, 23“झ्यालखानालाउ याम् ते पक्का जैद चाबि लैसिउ ले सोनो पाल्यार ब याम्कज अर्गुज्याउ लेर। तर याम् फैद गेराँक सु ग्यामाराँके।” 24परमेस्वरवइ ओमन्दिरलाउ कप्तान सोनो मुख्ये पुजारिराइ आउ अस्पाँ थैद अब कै जास्ते क्या हैलेद छक् परिकेर। 25होबेलाक ज तुबु अर्मि राद नोरलाइ हैयादोकेउ, “थैच्यो, जे झ्यालखानाल ज्यारुउ अर्मिर ते परमेस्वरवइ ओमन्दिरल हिंद अर्मिरलाइ सिछ्या यायाज्यार।” 26आउ अस्पाँ थैद कप्तान ब सिपाहिरास प्रेरितरलाइ च्योनान्या हिंके। हुकिं अर्मिराइ लुँइ होर्द सैसिरते हैलेद याछेउराइ नोरलाइ जबर्जस्ति मादाद अप्सेल्द यारैकेर।
27हुकिं सिपाहिराइ प्रेरितरलाइ महासभावइ उबरिक यारैकेर हैजैद प्रधान पुजारिवइ नोरलाइ यास्गेंकेउ, 28“गे जेलाइ येसुइ उर्मित सुरलाइ निउ तास्पैच्यो हैगेदाच्योउ म्हा रो? जे ते जन जेसिछ्या यरुसलेम भरि जेफैलौ। नो येसुलाइ सैसिउ दोस ब गेलाइ लौ जेस्पैंज्या#मत्ति २७:२५।”
29तर पत्रुस सोनो गुँ प्रेरितराइ अइलेद जबाफ यायोकेर, “गे अर्मिराइ हैयादासिउ अस्पाँ म्हा, परमेस्वरवइ हैओलेउ अस्पाँ थौ परि। 30जे क्रुस्त जुन्दैद जेसौ येसुलाइ गिपिता पुर्खाराइ यापरमेस्वरवइ सिउङि जिंदो जैद नौ। 31परमेस्वरवइ इस्राएलाउ अर्मिराइ यापाप स्विकारिद यापाप छेमा गस्दैरक हैलेद येसुलाइ मुक्तियान्या अर्गे जैद ओर्फताउ आदर योग्य पोत सप्चैंकेउ। 32गे आउ स्यो अस्पाँवइ ओसाछि गिलिज्या सोनो परमेस्वरवइ ओस्पाँ थैन्यारलाइ ओवायोउ पबित्र आत्मावइ ब साछि याज्या।”
33हुकिं आउ अस्पाँ थैद महासभाल अस्दुसिलेउ अर्मिर भ्या यायुउँ चोद प्रेरितरलाइ सउ अस्पैंकेर। 34तर महासभाल स्योराइ यामानिज्याउ गमलिएल उर्मिलेउ तुबु फरिसि मोसाइ ओनियम अस्पैन्यावइ सोद प्रेरितरलाइ तफेको लागि सभालिं लाँदि पुलुस्न्या आदेस यायोकेउ। 35हैजैद गमलिएलवइ सभालाउ अस्दुसिलेउ अर्मिरलाइ हैयादोकेउ, “इस्राएलिर, आउ अर्मिरलाइ कैजौ जेस्पैंज्याउ? हुस्यार लेच्यो! 36नेलाइलेक फ्याँ ब तुबु थुदास हैयादाज्याउ अर्मि ब मैहुँ लेद घ्यो जैसिके। हुकिं नोइ उछिंत चार्सय जना वा अर्मिर लेर, नोलाइ सैकेर हुकिं उछिंत लागिउर ब स्यो ततरबितर जास्द नोइ ओनाउ निसाना मितिके। 37हैजैद जनगनना बेला गालिल्लाउ यहुदा हैयादाज्याउ तुबु अर्मि राके। होइ उछिंत ब लेमाले अर्मिर लागिकेर। होलाइ ब सैकेर हुकिं नोइ उछिंत लागिन्यार ब ततरबितर जास्केर। 38होकारन आउ अर्मिराइ याबारेल ङा जेलाइ हैङादाच्योज्या, आउ अर्मिरलाइ कैताजैच्यो, बरु आरलाइ यारास्च्यो नेलाइलेक आराइ आउ याएन् सोनो याबिचार्र अर्मिराङि राउकिंलेक आउ ओल्ज हरिद हिंते। 39तर आउ परमेस्वरङि राउकिंलेक जे आउ अर्मिरलाइ ज्यामाउँदु। उल्तो जे परमेस्वरवइ उबिरोधल जेउथिउ मदिउ जास्।”
40हुकिं सभालाउ अस्दुसिलेउ अर्मिराइ गमलिएलवइ ओसल्ला भैंकेर। हैजैद नोराइ प्रेरितरलाइ बितर्ल खुल्द याथतैकेर “येसुइ उर्मित फिरि खर्क प्रचार तादाच्यो” हैलेद कदा आग्या याद यारास्केर। 41हुकिं प्रेरितराइ गे येसुइ उर्मित अपमान सहिन्या योग्यलाउर गेलेउ हैलेद रैं-रैं महासभाङि पुलुस्द हिंकेर। 42हैजैद नोराइ दिनादिन् परमेस्वरवइ उझिम् सोनो अर्मिराइ याझिम्याल हिंद येसु ज मुक्ति यान्या ख्रिस्त हैलेद अप्चाउ खबर हैदान्या मारास्केर।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.