1 Иоанн 3

1 # Ин. 3:16; Рим. 5:8; Эф. 2:4 || Мф. 5:9; Ин. 1:12; 1 Ин. 5:1; Рим. 8:14 || Ин. 16:3; 17:25Адавыстың биске кайы хире ханы ынакшаанын бодап көрүңер даан. Ол бисти ажы-төлүвүс деп адаан-дыр! Шынап-даа болза, бис Ооң ажы-төлү-дүр бис! А бо делегейниң улузу Ону хүлээп көрбейн турар болгаш, бисти база хүлээп көрбес-тир.

2 # Рим. 8:15-16; Гал. 3:26; Эф. 1:5 || Рим. 8:29; 2 Кор. 3:18; Флп. 3:21 || Иов 19:26; Ыд. ыр. 16:15; 1 Кор. 13:12; Ажыд. 22:4Ханы ынак эш-өөрүм! Бис ам дээрезинде Бурганның ажы-төлү-дүр бис. Келир өйде кандыг болу бээривис ам-даа көскү эвес-тир: Христос ээп кээрге, шупту Аңаа дөмей апаарывысты билир бис, чүге дээрге Ол херек кырында кандыг-дыр, Ону ындыг кылдыр көрүп каар бис. 3# 2 Кор. 7:1Бодунуң идегелин Христос-биле холбаштырган кижи бүрүзү, Ооң арыы ышкаш, бодун ынчалдыр арыглап алыр.

4Бачыт кылып турар кижи бүрүзү ыдыктыг хоойлуну хажыдып турар-дыр, ону хажыдары дээрге-ле бачыт-тыр. 5# Ин. 1:29; Евр. 9:26 || 1 Пет. 2:22; 2 Кор. 5:21; Евр. 4:15Христос улустуң бачыдын чайладып аппаар дээш келгенин, Ооң Бодунда бачыт чогун билир силер. 6# 3 Ин. 1:11Ооң-биле харылзаалыг апарган кижи бүрүзү бачыт кылбастай бээр. Бачыт кылырын уламчылап чоруур улустуң аразындан кым-даа Ону көрбээн база билип албаан.

7 # Мк. 13:5; 1 Ин. 2:26; Кол. 2:8; 2 Фес. 2:3Ажы-төлүм, силер кымга-даа дуурайлатпаңар. Чөптүг-шынныг чорук кылып чоруур кижи, Христостуң чөптүү дег, чөптүг болур. 8# Ин. 8:44 || Евр. 2:14Бачыт кылырын уламчылап чоруур кижи эрликке хамааржыр, чүге дээрге эрлик эң эгезинден-не бачыт үүлгедип келген. А Бурганның Оглу эрликтиң ажыл-херээн дазылындан тура тыртар дээш чедип келген. 9# Ыд. ыр. 118:3; 1 Ин. 5:18Бурганның ажы-төлү болу берген улустуң кайызы-даа бачыт кылырын уламчылавас, чүге дээрге Бурганның Үрезини#3:9 Бурганның Үрезини – Бурганның Сүлдези, медээзи азы бүдүжү дээн уткалыг бооп чадавас. ол кижиге артып каар база Бурган ооң Адазы апарган ужурунда, ол оон ыңай бачыт кылып шыдавастай бээр. 10# 1 Ин. 4:8, 20Кым – Бурганның ажы-төлү, а кым – эрликтиң ажы-төлү боорун мынчаар билип ап болур: чөптүг-шынныг чорук кылбас болгаш бодунуң ха-дуңмазынга ынак эвес кижи Бурганга хамаарышпас.

Бот-боттарыңарга ынак болуңар

11 # Лев. 19:18; Ин. 13:34; 1 Ин. 1:5; 2:24; 2 Ин. 1:5Бот-боттарывыска ынак болур ужурлуг бис деп медээни эң эгезинден-не дыңнап келдиңер. 12# Ин. 8:44 || Э. д. 4:3-8; Иуда 1:11; Евр. 11:4Эрликке хамааржы бергеш, бодунуң дуңмазын өлүрүп каан Каинге дөмейлешпес ужурлуг бис. Ол чүге дуңмазын соп алганыл? Чүге дээрге ооң ажыл-херээ бузуттуг-бак, а дуңмазының ажыл-херээ чөптүг-шынныг болган-дыр. 13# Мк. 13:13; Ин. 7:7; 15:18Бо делегейниң улузу силерни көөр хөңнү чок болза, элдепсинмейн көрүңер, ха-дуңма. 14# Ин. 5:24Өлүмден амыдыралче шилчээнивисти билир бис, чүге дээрге ха-дуңмавыска ынак-тыр бис. Кым ынак эвезил, ол өлүг бооп артар. 15# Мф. 5:22; Ажыд. 21:8Бодунуң ха-дуңмазын көөр хөңнү чок кижи бүрүзү – өлүрүкчү-дүр, а кандыг-даа өлүрүкчү мөңге амыдыралдыг болбас дээрзин билир-ле болгай силер.

16 # Ин. 10:11; 15:13Христос Бодунуң амы-тынын бис дээш берген, бис ынакшыл деп чогум чүл ол дээрзин оон билир апарган бис. Ынчангаш бис база боттарывыстың амы-тынывысты ха-дуңмавыс дээш бээр ужурлуг бис. 17# Ы. х. к. 15:7; У. ч. 21:13; Иак. 2:15-16Бир эвес бо делегейге бай-шыдалдыг чурттап-даа чорааш, эжи түрегдеп чоруурун көргеш, ону кээргеп, дузалавас кижи бар болза, ындыг кижиде Бурганның ынакшылы бар деп канчап чугаалап шыдаар бис?! 18# Иак. 1:22; Рим. 2:13Ажы-төлүм! Бистиң ынакшылывыс чүгле сөс, чугаа кырында эвес, а херек кырында бар, ёзулуг ынакшыл болур ужурлуг.

Бурганның мурнунга бүзүрелдиг боору

19-20Ооң ачызы-биле алыс шынга хамааржырывыс билдине бээр. Арын-нүүрүвүс бисти буруудадып-даа турар болза, Бурганның мурнунга дөмей-ле сорук кирип шыдаар бис, чүге дээрге Бурган бистиң арын-нүүрүвүстен артык улуг база Ол бүгү чүүлдү билир. 21# 1 Ин. 2:28Ханы ынак эш-өөрүм, арын-нүүрүвүс бисти буруудатпайн турар болза, Бурганче коргуш чок чоокшулап шыдаар бис. 22# Мф. 7:7-8; Ин. 14:13-14Бургандан дилээн чүвевисти дөгерезин ап турар-дыр бис, чүге дээрге Ооң айтыышкыннарын сагып, Аңаа таарымчалыг херектерни кылып чоруур-дур бис. 23# Ин. 6:29Бурганның биске айтыышкыны бо-дур: Ооң Оглу Иисус Христостуң адынга бүзүреп, Иисустуң биске чагааны дег, бот-боттарывыска ынак болур ужурлуг бис. 24# Ин. 6:56; 15:4-5 || Рим. 8:9, 16Бурганның айтыышкыннарын сагып чоруур кижи Ооң-биле тудуш харылзаалыг амыдыраар, Бурган ол кижи-биле харылзаа тудар. Бурган-биле харылзаалыг болганывысты Ооң биске хайырлааны Сүлдениң ачызында билип ап шыдаар бис.

Currently Selected:

1 Иоанн 3: Ы.Б.2025

Highlight

Copy