1 Иоанн 4

Меге медээчилер дугайында сагындырыг

1 # 1 Кор. 14:29; 1 Фес. 5:20-21; Ажыд. 2:2 || Ы. х. к. 13:1-3; Иер. 14:14; 23:16; 29:8; Мф. 7:15; Мк. 13:22; 2 Пет. 2:1Ханы ынак эш-өөр! «Өттүр билип медеглээр сүлделиг мен» дээр кижи бүрүзүнге-ле бүзүревеңер, харын оларның сүлделери Бургандан келген бе дээрзин үргүлчү хынап көрүңер. Чүге дээрге бо делегейге хөй санныг меге медээчи келгеш, тарай берген-дир. 2# Ин. 1:14; 1 Тим. 3:16; Евр. 2:14 || 1 Кор. 12:3Бурганның Сүлдезин мынчаар билип ап болур силер: Иисус Христостуң чер кырынга ёзулуг мага-боттуг чедип келгенин хүлээп көөр сүлде бүрүзү Бургандан келген сүлде-дир. 3# 1 Ин. 2:18, 22; 2 Ин. 1:7А Иисусту хүлээп көрбес өттүр билип медеглээр кижи бүрүзүнүң сүлдези Бургандан келбээн-дир. Ол дээрге Христостуң удурланыкчызының сүлдези-дир. Силер ооң чедип кээриниң дугайында дыңнаан силер, ол амдыгааштан-на бо делегейде бар-дыр.

4Ажы-төлүм! Силер Бурганга хамааржыр силер, ол меге медээчилерни тиилээн силер, чүге дээрге силерде бар Бурганның Сүлдези бо делегейге хамааржыр улуста бар сүлдеден арта бээр-дир. 5# Ин. 3:31; 8:23; 15:19Меге медээчилер бо делегейге хамааржыр. Ынчангаш оларның чугаалап турар чүүлү бо делегейден үнер, бо делегейниң улузу оларны дыңнап турар. 6# Ин. 18:37 || Ин. 14:17 || 1 Тим. 4:1А бис Бурганга хамааржыр бис. Бурганны билип ап алган кижи бисче кулак салып, дыңнаар. Кым Бурганга хамаарышпазыл, ол кижи бисти дыңнавас. Улуска алыс шынны эккээр Сүлдени база улусту мегелээр сүлдени бис ынчалдыр ылгап шыдаар-дыр бис.

Бурган – ынакшыл-дыр

7 # 1 Кор. 13:1-13; 1 Ин. 3:10-11Ханы ынак эш-өөр! Бот-боттарывыска ынак болуп көрээли, чүге дээрге ынакшыл Бургандан кээр-дир. Ынакшаан кижи дээрге Бурганның төлү апаргаш, Бурганны билип алган кижи-дир. 8А кымда ынакшыл чогул, ол кижи Бурганны угаап билбээн-дир, чүге дээрге Бурган – ынакшыл-дыр. 9# Ин. 3:16Улус Ону дамчыштыр мөңге амыдыралды алзын дээш, Бодунуң эр чаңгыс Оглун бо делегейже чорудупкаш, Бурган ооң-биле биске Бодунуң ынакшылын көргүскен-дир.

10 # Ин. 1:29; 1 Ин. 4:10 || Ин. 3:16; Рим. 5:8Ёзулуг ынакшыл бистиң Бурганга ынакшый бергенивисте эвес, а Ооң биске ынакшылын көргүзүп, бачыттарывысты арылдырар өргүлдү – Бодунуң Оглун бисче чорутканында. 11Ханы ынак эш-өөр, Бурган биске ынчалдыр ынакшаан болганда, бис база бот-боттарывыска ынак болур ужурлуг бис. 12# Хост. 33:20; Ин. 1:18; 1 Тим. 6:16 || 1 Ин. 2:5Бурганны кым-даа, кажан-даа көрүп көрбээн, ынчалза-даа бот-боттарывыска ынак болзувусса, Бурган бис-биле тудуш харылзаалыг амыдырай бээр база Ооң бисте бар ынакшылы эчизинге чеде бээр.

13 # 1 Ин. 3:24Бурган-биле харылзаалыг амыдырай бергенивисти база Ол бистиң-биле кады амыдырай бергенин Ооң биске Бодунуң Сүлдезин хайырлаанындан билип ап болур бис. 14# Ин. 3:17Бурган Ада Бодунуң Оглун бо делегейниң улузун камгалазын дээш чорудупканын көрген бис, ону херечилеп тур бис. 15# Мф. 14:33; 1 Ин. 5:5Иисусту Бурганның Оглу-дур деп хүлээп көөр кижи-биле Бурган тудуш харылзаалыг-дыр, ол кижи Бурган-биле харылзаа тудар. 16Бурганның биске ынакшылын билип алгаш, аңаа бүзүреп, ону хүлээп алдывыс. Бурган дээрге ынакшыл-дыр, ынчангаш ынакшылга бүргедип амыдырап чоруур кижи Бурган-биле харылзаалыг артар боорга, Бурган ооң-биле кады амыдыраар. 17# 1 Ин. 2:28; 3:21Бистиң ынакшылывыс эчизинге чеде берген болганда, шииткел хүнүнде коргуш чок болур бис, чүге дээрге бо делегейге Христоска дөмейлешкен-дир бис.

18Ынакшыл бар болза, коргуушкун шуут турбас. Харын-даа эчизинге четкен ынакшыл коргуушкунну үндүр сывырыптар. Коргуушкун кеземче-биле харылзаалыг, а коргуп чоруур кижи ынакшылдың эчизинге четпээн кижи болур.

19Бурган баштай биске ынакшаан боорга, бис ынак-тыр бис. 20# 1 Ин. 2:9; 3:10«Бурганга ынак мен» – дээр, а бодунуң ха-дуңмазын көөр хөңнү чок кижи – мегечи-дир. Көрүп чорууру эжинге ынак эвес кижи көрүп көрбээни Бурганга канчап ынак боорул? 21# Лев. 19:18; Мф. 19:19; 22:39; Мк. 12:31Христостуң биске арттырып каан чагыы бо-дур: «Бурганга ынак кижи бодунуң ха-дуңмазынга база ынак болур ужурлуг».

Currently Selected:

1 Иоанн 4: Ы.Б.2025

Highlight

Copy