Kufuma 15
15
Lwimbo lwakua Musa
1 #
Nfy 15.3
Musa ni Baizraeli i lubaamwimbiile Yawe lwimbo balanda nangue,
“Ndikumwimbila Yawe pa mulandu wa bwanzio bwakue bwa bulumba,
farasi ni museli bakipoozua mu lyezi.
2 #
Mlb 118.14; Isa 12.2 Yawe i maka ane ni lwimbo lwane,
wene i bwanzio bwane.
Wene i Leza wane, ni ne ndikumutasia,
wene i Leza wakua tawe, ni ne ndikumulumba.
3Yawe i kalwisia wa bului.
Yawe i Liina lyakue.
4“Wene wakipooza matyakala akua Farao ni libumba lyakue mu lyezi.
Babiloolo bakue baswapiilue bakitibiziiwa mu Lyezi lya Kasi.
5Buziba bwakibakupilila.
Bakitibiziiwa mu buziba nga libue.
6“Kuboko kobe kwa kulio we Yawe, ni kwa buvinde ni maka.
Kuboko kobe kwa kulio we Yawe, kulikwasansa balwani.
7Ku bwingi bwa maka obe, balwani bakiponiiziwa pansi.
Kikonko kyobe kyakibafita nga makapa omine.
8Na mupuze wa mu myona yobe, menda akiseziiwa.
Mabimbi akiimana nga kibumba.
Buziba bwakikwatana mu mutima wa lyezi.
9Mulwani waitantamwine walanda, ‘Ndikubakonka ni kubakwata.
Ndikubapoka bunonsi bwabo, ndikububombia muntoneene.
Ndikwisumba kipanga kyane, kuboko kwane kulikubalovia.’
10Inzi wewe wakipuza na mupuze obe, ni lyezi lyakibakupilila.
Bakitibila nga libue mu menda engi.
11“We Yawe, pa baleza bonse nani ali nga wewe?
Nani ali nga wewe mu bulumba ni buzuuke?
Nani aliwatiinia mu kutasiiwa kwakue lu-aliwakita tupapo?
12Wewe wakyolola kuboko kobe kwa kulio,
ni kyalo kyakiteleka balwani betu.
13Wewe na ntono yobe isili na mpeleezio, wakilombola bantu bawakilubula,
wewe na maka obe, wakibalombola kuya mu kifuka kyobe kizuuke.
14Ntundu yakyunvua ni kitutuma.
Bafilistini bakilwala na mwezo.
15Bakulu ba ku Edomu bakitooboka.
Bakindami ba ku Moabu bakikwaka.
Bakanaani bonse bakiswapulukua.
16Lubebue ni mwezo byakiba pali bene.
Na maka a kuboko kobe,
bakiikala tondolo nga libue.
Mpaka musita wakyabuka bantu bobe we Yawe,
bantu bobe bawaalubwile mu buzia.
17Wakaba kubengizia ni kubalimba mu lupili lwa bupyani bobe,
pa nkendo i waiteaniiziizie we Yawe kuba pa kwikala pobe,
pa kifuka kizuuke kiwaimikiile we mwine na kuboko kobe.
18We Yawe, kuteeka kobe ni kwa muyayaya ni muyayaya.”
Lwimbo lwakua Miriamu
19Farasi yakua Farao likolo wa ku Misri ni matyakala akue, ni baseli ba pa farasi lubaingiile mu lyezi pa musili uume, Yawe waabweziizie menda a lyezi pali bene. Inzi Baizraeli baendele pa musili uume mu lyezi.
20Ni pakako, kabika Miriamu, nkaziize kwa Haruni, waabuulile nghoma yakue, ni banakazi bonse baile bamukonkele balimukomba nghoma koku balimukukinda. 21Miriamu waabalombwele mukwimba nangue,
“Mwimbile Yawe pantu wa-anzia na bulumba.
Farasi ni amuselelepo bapoozua mu lyezi.”
Menda alulile
22Musa i lu-aalombwele Baizraeli kufuma ku Lyezi lya Kasi mpaka kuya kulapukila mu kaseeba ka Shuri. Baendele lwendo lwa nsiku itatu mu kaseeba pasili kumona menda. 23Lubaafikile pa kalambe ka Mara,#15.23 Mara: Leli liina mu Kiebrania i kulanda nangue “bululu.” ba-andilue kumina menda a pa ezio nkendo pantu aali alulile. Ni pakako, pa ezio nkendo i kipainikiilue Mara. 24Bantu baamwitendokeele Musa balimukumwipuzia nangue, “Tulikuminaki?” 25Musa i lu-aamuliliile Yawe kuti abakwasie, ni Yawe waamulangisiizie kaputu ka kamuti. Musa waakapoozele pa menda, ni menda awama.
Papo pa Mara, Yawe i pa-aabapeele Baizraeli mizilo ni mafunde pamo ni kubeezia amone kine kuti bamuketekela. 26Waalandile evi, “Kine mulikunvua lizui lyakua Yawe Leza wenu mwapoozeleko ni maano, ni kukita biweme pa menso akue, ni kufikilizia milao yakue, pamo ni kusunga mafunde akue onse, nene nsikamikanda na kumilwalika malwele onse analwalikile Bamisri pantu nene ndi Yawe aliwamikosia.”
27Pa kyamba kya kufuma pa Mara, Baizraeli baile kufika ku Elimu, koko kwaali tusulo lyanondo ni tubili twa menda ni bimuti 70 bya bikoma. Koko i kubaakuulile mitanda yabo pepi ni menda.
Currently Selected:
Kufuma 15: KBTP
Highlight
Share
Compare
Copy
Want to have your highlights saved across all your devices? Sign up or sign in
Kitaabua New Testament @The Word For The World Southern Africa. 2023.
