Psalms 33
33
PSALM XXXIII.
The rightous maun daur till sing: The Lord that made a’, an’ that’s owre a’, is their ain heal-ha’din.
[By wha’s no said.]
1Sing sangs till the Lord, #Ps 97:12 ye rightous; sic liltin sets-weel the aefauld.#Ps 147:1
2Gie laud till the Lord on the harp; on the lut wi’ the tensome thairms,#Ps 92:3 lilt loud till him:
3Sing ye till himsel a new sang;#Ps 96:1; 98:1; 144:9; Isaiah 42:10; Rev 5:9 play weel, wi’ ane awsome sugh:
4For right is the Lord’s ain word; an’ ilk wark o’ his ain ’s intil truth.
5The right he lo’es, an’ right-rechtin a’;#Ps 45:7 the gude o’ the Lord the yirth fu’fills.#Ps 119:64
6By the word o’ the Lord the lifts war made;#Gen 1:6, 7; Hebr 11:3; 2 Peter 3:5 an’ their plenishin a’,#Gen 2:1 by the breath o’ his mouthe.#Job 26:13
7He sweel’d like a bing the bouk o’ the spates;#Gen 1:9; Job 26:10; 38:8 he hairstit in barns the laighest fludes.
8Fear the Lord, the hail yirth; quauk afore him, a’ ye that won i’ the warld.
9For himsel spak, an’ it was;#Gen 1:3; Ps 148:5 he bad, an’ it stude fu’ sikker.
10The will o’ the folk the Lord lats gang;#Isaiah 19:3 the thoughts o’ the peopil he dings till naething.
11The will o’ the Lord for ay sal stan’;#Job 23:13; Prov 19:21; Isaiah 46:10 the thoughts o’ his heart, frae ae kith-gettin#33:11 Heb. till kith-gettin an’ kith-gettin. till anither.
12Weel for the folk, whase God is the Lord; #Ps 65:4; 144:15 the folk that he waled for his ain hame-ha’din.
13The Lord frae the lift couth raik wi’ his een;#2 Chron 16:9; Job 28:24; Ps 11:4; 14:2 the bairns o’ yird, he sees ilk ane o’.
14Frae the bit whar he sits, he tents ilk dwaller on yirth.
15He schupes their hearts like ane; he minds upon a’ their doens.#Job 34:21; Jer 32:19
16Nae king’s made right by the feck o’ ane host;#Ps 44:6 nae#33:16 Heb. mighty man is nane redd. mighty man redd by his mighty pingle:
17A horse#Ps 147:10; Prov 21:31 for heal-ha’din ’s no till tryst; wi’ his strenth an’ a’, he canna redd-single.
18Bot,#Job 36:7; Ps 34:15; 1 Peter 3:12, the ee o’ the Lord ’s on wha fear himsel, o wha lippen a’ till his likan:#Ps 147:11
19Till redd out their saul frae diean-dune#33:19 or, frae dead.; an’ in dearth, till haud them thrivan#Job 5:20; Ps 37:19.
20Our life’s but a tryst on the Lord#Ps 62:1, 5; 130:6; our stoop an’ our schild is he.#Ps 115:9, 10, 11
21For our heart in himsel sal be fain; on#33:21 Heb. for, twice owre. his name sae halie traist we.
22Lat yer luve be atowre us, Lord, sae lang’s we lippen till thee.
Currently Selected:
Psalms 33: SCOWAD
Highlight
Share
Compare
Copy
Want to have your highlights saved across all your devices? Sign up or sign in
Published as The Psalms: frae Hebrew intil Scottis in 1871.
