Psalms 32
32
PSALM XXXII.
Better own fauts an’ be forgien, an’ do weel; nor gang yer ain thrawn gate, till be schuten atowre frae God wi’ stang or bridle, like senseless, menseless brute beiss.
Maschil#Headins, & c. o’ David’s.
1Weel for them, whase ill’s#Ps 85:2; Rom 4:6, 7, 8 forgien; whase wrang-doen ’s happit.
2Weel for the wight the Lord wytes wi’ nae ill; an’ in breath#32:2 Heb. ghaist or spreit. o’ his ain is nae double-dealin.#John 1:47
3Held I my peace, my banes thow’d awa; or e’en gin I rowtit the lee-lang day.
4For day an’ night, yer han’ was owre me a lade; my seep wrought by till the drouth o’ simmer: Selah.
5My wrang-doen syne I lat wit till thee; an’ the ill that I kent, I did-na hap it. Quo’#Prov 28:13; Isaiah 65:24; 1 John 1:9 I, I’se mak shrift o’ my sins till the Lord; an’ ye freely pat-by the ill o’ my doen: Selah.
6Wharthro’, till#Isaiah 55:6; John 7:34 yersel sal ilk likely ane pray, whan he lights on a faut#32:6 Heb. lightness, or faut, o’ his ain, that’ll thole mendin. Our Inglis taks a’ this clean anither gate. till men’. Whan spates o’ergang o’ watirs thrang, till him they sal ne’er win ben.
7Yersel#Ps 9:9; 27:5; 31:20; 119:114 hae been howf till me; in stretts ye hae stoopit me; ye hae graithet me roun wi’ sangs o’ gaen-free: Selah.
8I sal weise ye, quo’ God; I sal wear ye the gate ye maun gae; I sal tent ye fu’ gleg wi’ my ee.
9Be-na#Prov 26:3; James 3:3 ye like naig or like mule, that gang wi’ nae thought o’ their ain; whase chowks maun be chackit wi’ branks an’ kewl,#32:9 Haltir that gangs owre the head an’ atween the chowks — guid eneugh for-ony mule, be’t beast or body. in case be they yoke on yerlane.
10Fu’#Prov 13:21 mony a stoun ’s till the ill-doen loon; bot wha lippens the Lord, gude gree sal graith him roun.
11Be#Ps 64:10; 68:3 blythe i’ the Lord, an’ fu’ fain, a’ ye that#32:11 Heb. rightous, or right-doen folk. do the right pairt; an’ lilt fu’ loud for joye, a’ ye that are straught o’ heart.
Currently Selected:
Psalms 32: SCOWAD
Highlight
Share
Compare
Copy
Want to have your highlights saved across all your devices? Sign up or sign in
Published as The Psalms: frae Hebrew intil Scottis in 1871.
