2 थिस्सलुनीकियो 1
1
अभिवादन
1 #
प्रेरि 17:1
आ चिठ्ठी पौलुस अर सिलवानुस अर तीमुथियुस री तरफ ऊं थिस्सलुनीकियों री कलीसिया रै नाम, जे म्हौरै पिता परमेसर अर परभु यीसु मसीह में है। 2म्हौरै पिता परमेसर अर परभु यीसु मसीह री तरफ ऊं थांनै अनुग्रह अर सानति मिळती रैवै।
न्याव रै दिन
3हे भाइयो, थौरे रै बारै में म्हौ नै हरैक वगत परमेसर रौ धन्यवाद करणौ चाहीजै, अर ओ सही भी है, क्यूंकै थौरो विसवास घणौ बढ़ रियौ है, अर थौरो सगळौ रौ परैम आपस मांय घणौ बढ़तौ रैवै है। 4इण वास्तै म्हौ आप परमेसर री कलीसिया में थौरे बारै में घमण्ड करौ हो की जितरा अत्याचार अर तकलीफ थै सहन करौ हो, उण सैंग मांय थौरी धीरज अर विसवास परगट होवै है।
5ओ परमेसर रै साचै न्याव रौ साफ सबूत है की थै परमेसर रै राज रै लायक ठैहरौ, जिणरै खातर थै दुख भी उठाओ हो। 6क्यूंकै परमेसर रै नैड़ौ ओ न्याव है की जिकौ थांनै दुख दैवै है, उणौनै बदळै में दुख दे। 7अर थांनै, जिकौ दुख मिळै है, म्हौरै साथै सैहन दैला। उण वेळा जद परभु यीसु मसीह आपरै सामरथी दूतो रै साथै, धधकती होई लाय में सरग ऊं परगट होवैला। 8अर जिकौ परमेसर नै नीं पिछांणै अर म्हौरै परभु यीसु रा सुभ संदेस नै नीं मांनै उणौ नै डंड मिळैला। 9वे परभु रै सांम्ही ऊं अर उणरी सगति रै तेज ऊं आगौ होयनै अनत विनास रौ डंड पावैला। 10ओ उण दिन होवैला, जद वो आपरै पवितर लोगां में महिमा पाने अर सगळै विसवास करणैवाळौ में अचूम्बे रा कारण होणै नै आवैला। उणमे थै लोग भी साथै होवोला क्यूंकै थां म्हारी गवाई माथै विसवास कियो।
11इण वास्तै म्हौ हमेसां थौरे वास्तै पराथना भी करौ हो की म्हौरौ परमेसर थांनै बुलाणै रै लायक समझै, अर भलाई री हरैक इछा अर विसवास रै हरैक कांम नै सामरथ समेत पूरौ करै, 12ताकी म्हौरै परमेसर अर परभु यीसु मसीह रै अनुग्रह रै अनुसार म्हौरै परभु यीसु रौ नाम थांरै मांय महिमा पावै, अर थै उण मांय।
Currently Selected:
2 थिस्सलुनीकियो 1: RWR
Highlight
Share
Copy
Want to have your highlights saved across all your devices? Sign up or sign in
© NLCI CC BY-NC-ND 4.0