Mui Psalm 45
45
1Saeku ko la otoi honu makeato ana moola diana; noko houleinie suluheku hunia Inemauri: meaku oto ola ni usuusu nana ini ko la otoi usuusu ani manatanga.
2Ioe ni o lai kohi liutaada mu kale ni inoni; kire huie oto ngidumu eni niinge: isulie urinena God e haadianao oto di oto di.
3Oke lokoqaio hahio ani naihi ana sasahamu, mwaena Ramo: rarangamu ni ngeena na manikuluhaamu.
4Na oke lai taraasi taau peie manikuluhaamu, inunuhaana walaimolinge na sae malumu na odotainge: na qaloqalomu kesi haasaoi ana moola e too maumeutana.
5Mu omo ioe ko la otoi ala mwala ko ladamai i hahamu: kire too oto i saena mu maeloonga hunia Inemauri.
6Naunekume ni alaha ioe, God, ko oo oto hu: apaa ani alahanga ioe apaa ni odotainge ena.
7O harihunie odotainge, na o ngingidu upu hunie tataalaanga: aena ngeena God e suhio eni rumu ni sae rikanga liutaana mu oamu ne.
8Mu tooni ioe ko la otoi wesu mur na dango wauwesu na mu kasia: mu eu kire sikilii ana mu nume mu alaha e haadianaa oto saemu.
9Maeni keni mu kalena mu na King e ure i peire mu keni toro ioe: queen ko ure i qaloqalomu ani tooni gold urei Ophir.
10Oke qaarongo, pule, oke loonainie kau, na oke hahurei elinge mai: na oke pulongosie oto mwala ioe, na numa amamu.
11King kesi herihunie urine liohamu ko la otoi kohi: ana ingeie mone Alaha ioe; na oke neisae haamau ana.
12Na keni raorii ngeena urei Tur ileune na mu niinge noone ana: mwala e mwai ana mu apoloa kei haatohu emu.
13Keni raorii ngeene kalena king ngeie hai nume ko la otoi menikulue: mu tooni ingeie kire susuie ani gold.
14Tolalana saana king pei tooni kire haalaunii: talalana mai siemu mu keni raorii oana muini ko luluisulie oto.
15Tolalada mai ani saediananga na ani ilenimwaenga: kire kesi sili laona numa king.
16Mu kalemu kei olisie oto mu amamu: oke haauresire kire kei nei mu alaha ana ahutana walumalau.
17Neke da kire ke amasitoo ana satamu isulie taena nga qaunge: mu komu ni inoni kesi paalaheo oto di oto di.
Currently Selected:
Mui Psalm 45: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
