Mui Psalm 46
46
1God nga suu ikie na e ramo honotaka: amasinge e karaini ana dinge ni mamaelaanga.
2Aena ana kie saemaumeu, maala walumalau ko huitei: na mui toloi henue ko ahalai i laona asi.
3Maala asi ko kokohu wa ko poohirue: na mui toloi henue ko esu oloolo aena ko haa rekerekera.
4Wai peine taane, tae wai ingeie huni haasaemangoa God: leu maai leu ni ioio nana ini e liuta.
5God i matolana, na e saa asu oloolo oto oo: a God kei peie ana waale kei euhora.
6Mui komu maolaola, mu alahanga ko esu oloolo; walumalau e kulekule: e hatainie tolahana, walumalau esi ano talihu.
7A Lord Sabaoth pei kie: God Jacob mone tohungei toloi nume naka.
8Omu ke lae mai, omu ke leese kau palongana a Lord: ko da mu leu ana walumalau ke naonga.
9E mousie ohota hule i ngengedena walumalau: e oie mu pesi ikire, na e ngorie mu noma, e erehainie mui Kaata ana dunge.
10Omu ke toli rohu, na omu ke saenanau uri ineu a God: omu ke nei eu inaona mu apoloa uri nou liuta i laona walumalau.
11A Lord Sabaoth peieu: God Jacob toloi nume naka.
Currently Selected:
Mui Psalm 46: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
