Mui Psalm 44
44
1God, Emi ronoa oto ana ikire mui weuwamami e unu tatara ana mai huni emi: ana mui palonga o daui oto kau ana mui qeunge ikire oto i nao.
2O ohea mui komu ni inoni oto ana nimemu, na o hasire kau: O haa hieie ahutana mwala, na o haa tatangainire.
3Tae e kaa ana mui naihi ni ohota ikire ni kire helesie mui henue ana, na e kaa nimada lou ni e haaurire: na tae qaloqalomu, na nimemu oto, na raranana Mamu aena ana o sae diana huniro.
4Ioe oto Alaha hahieu God: Oke unue walamu na Jacob kesi ileilenimae oto.
5Aena oto Ioe nge emi kei papatainie mui maeloonga huni emi: na ana satamu oto emi kei uri pulisie hou mwala ko taelai honosi emi.
6Tae nou saa putoo ike ana mu pesi na lou naihi ni ohota e saa roroa haaurieu.
7Na nge o haauri madau amami mwaanie mui maeloonga iemi: na O haamausire nga mwala ko ngingiduupu huni emi.
8Emi ko tohaini emi suli heidinge ilalo ana God: na emi ke palahea satamu oto di.
9Tae O toliasi emi oto, na osi neie hunie emi ke nei ola ni hei leledinge: na o kaa peipei emi oto ana ohota.
10O dau hunie emi ke opa mwaanie mui maeloonga: na muini ko ngingiduupu huni emi ko leuleue tootoolamami.
11O toliasi emi mala nga Sheep hunie saunilana: na osi tatangaini emi inaona kira puo.
12O haa holingeinie muini ioe kaa ani tooha: na nga meola kaa isita mai hunio ana meola kire holire ani.
13O dau hunie emi ke nei ola ni maleledinge hunie mwala iemi: hunie ola ni mwamwakatainie na ni haaero ana hunie mwala e io kalikeliei amami.
14O neie hunie mwala e io ni puo ke alaalahu amami: uri nga muini kei alaalaqau i tehulaani.
15Maleledi leku susue atowa haileku: na masanga ko eluhieu taane oto.
16Aena ana ini ko ere ni ketanga na ni maleledinge: aena maelonganga na ni suusuu olanga.
17Muolana e hite amami, tae emi kaa pulongosio: na emi kaa hai holotai eroero ike.
18Saemami kaa liu aopa: na aemami kaa takalo mwaanie tala ioe.
19Uri o makasi emi oto ana iohana mui Jackal: na mamalutana maenga e mamalu hahi emi.
20Uri emi pulonosie satana God iemi: na uri emi lalaai nime hunie nga God aopa.
21Nge a God e saa haitale onimei ana leune? ana muola ni sae e saa mumuni ike mwaanie.
22Siue, aena ioe saunilamami susue atowa haileku: idumilamami mala mui Sheep huni saunilada.
23Oke liolio, aena nga taa oko maahu, Lord? O kaa liolio oto, mwane o toliasi emi oto di oto di.
24Aena nga taa oko mumunie maamu mwaani emi: na o pulongosie oto ionga ni haaamasilamami ko pilingi emi hai ano.
25Ana maurihaamami ko amwaoro i ano: roromai saemami ko rarao oto peie mwakano.
26Oke taelai huni peilamami: Oke tapaolisi emi aena amasinge ioe.
Currently Selected:
Mui Psalm 44: apbPSA
Highlight
Share
Copy
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
