Mui Psalm 144
144
1Saidiana ana Lord, hau susu ineu: ko haasaie nimeku ana ohota, riiriiku ana halinge.
2Amasinge ineu ingeie, nume hau ineu saohai nume ineu e lai lengi, a haaurileku: mei talo ineu, nou norutoo ana: ko neie mwala ineu, huni io i mamaluteku.
3Lord, nga mei ta inoni okei saidiana ana: wa mu kale ni inoni okei haamau ana?
4Inoni e urihana mangoi ola mola: qongine e urihana nunui ola ko ehutata.
5Oke loule i salo, Lord, na oke siho mai: okei hele ana mui toloi henue kire kei qeuqeu.
6Atoli mei ana waariri, na oke ohe tatangainire: hanatainie mai mui omo ioe, hunie kei tatangainire.
7Niie mai nimemu urei lengi: Oke haaurieu, Oke suluieu mwaanie mui wei peine, na mwaanie mwala.
8Wawada ko ereere tauteu: na qaloqaloda qaloqaloi ola ni eronga.
9Nekei alele hunio, God, ani kana haalu: ani ngaratai eu, nekei kana ni palahelamu.
10Ingeie oto ko niie mai haauringe hunie mui alaha: ko haaurie a David mwaanie naahi ni Ohota.
11Oke wai ta aku, na oke haaurieu mwaanie nimana mwala talei lae: ngidude ni ere tauteu, na qaloqaloda e honu ani eronga.
12Mui kalemami kei urihana mui dango, kei peine taraasi i sanau haana: na mui kalemami ani keni haalu mala hoi heu ani susui para didilana oto hunie nume ni alaha.
13Mui haa iemi kire honu, ani taenanga ngaula ilaloni: mui sheep toolamami ani lehinge hule ana sinola, too ro sinola ilaona mui para iemi.
14Ana mui Cow iemi ko tola luda: e saa isita hailiu, e saa lalawa, e saa ngara isulie tala.
15Deidehire mwala ko oo urine: Deidehie mwala ngeena a God peenire a Lord.
Currently Selected:
Mui Psalm 144: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
