Mui Psalm 145
145
1God ineu King ineu, neke soi haamanikuluao: neke lahea satamu oto di oto di.
2Neke laheo suli heidinge: na neke paalahea satamu oto di oto di.
3A Lord e alaha, e malisine paalahelana liutaa: kira saa neisae huleitana painahaana.
4Eta qaunge kei houleinie helelamu hunie eta qaunge: na kei tarohainie palongaamu e saka.
5Neke lolodosae ana tarohamu e manikulue: na ana helelamu ni anoa.
6Mu inoni kesi unue helelamu e saka na e too maumeutana: na ineu neke houleinie oto painahaamu.
7Kire kei houlei tarau ana nga laladonga ana manata diananga ioe e liutaa: ani sulu isulie odotainge ioe.
8Saena a Lord e diana, sae ni amasinge nge ana: e kaa saesaewasu leuae, amasinge ingeie e paine.
9A Lord ko manata diana hunie taena nga ini: na saena ko otoi melumu hunie taena nga ola e haaholaa.
10Ahutana helelamu kei paalaheo, Lord: muini maai ioe kei laheo oto.
11Kire ke ere rarangana manikuluhaana alahanga ioe: ani unulana sakahaamu.
12Hunie haatainilana helelana e saka ana mu kale ni inoni: na alahanga ingeie e houlei na e manikulue oto.
13Alahanga ioe alahenga oto hu: na sakahaamu oto haadora mu qeunge mui inoni.
14A Lord ko helesie nimada muini ko doudomu: na ko suluie ahutana muini ko lai oromai iano.
15Maana ahutana mwala ko meni maohio oto: o si haadora ani ngeula suli maholo.
16Oke talengaisie nimemu, osi haatooa saehanalinge walutana nga ola.
17A Lord e odotai mango anaahutana tolahana: ahutana helelana e honu ani manata diananga.
18A Lord e susuhire ahutana muini ko soisoie: muini ngeena ko soisoie ani walaimolinge.
19Nge kei haatooa saehanalinge muini ko haamau ana: ngeii kei qaarongoisulie awaranga ikire na kei haaurire.
20A Lord ko kinetainie muini manatada e diana hunie: tae kei suuheinire mango kira orahaala.
21Wawaku kei ere ani paalahelelana Lord: ahutana hasio ke lahea satana e maai oto di oto di.
Currently Selected:
Mui Psalm 145: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
