Mui Psalm 136
136
1Omu ke saidiana ana Lord; ana Ingeie e diana: anae amasi taraurei.
2Omu ke saidiana ana God liutaada taena nga god: anae amasi taraurei.
3Omu ke saidiana ana Lord liutaada taena nga lord: anae amasi taraurei.
4Tae Ingeie e da mu anoa: anae amasi taraurei.
5A haaholaa salo suli saenanaunge Ingeie: anae amasi taraurei.
6E holasie anohu ilengine asi: anae amasi taraurei.
7E haahola mu ola ni sisineli: anae amasi taraurei.
8Sato huni alaha honotana atowa: anae amasi taraurei.
9Warowaro na mu heu huni alaha honotana rodo: anae amasi taraurei.
10E horoire mu naohai mwela i Misraim: anae amasi taraurei.
11E haaisitaangainira Israel mwaanie i matolada: anae amasi taraurei.
12Ana nime ni ramo Ingeie na nime susuei: anae amasi taraurei.
13E waahitelie Asi Nonoroa: anae amasi taraurei.
14E uluheinia Israel: anae amasi taraurei.
15E suheinira Pharaoh ilaona Asi Nonoroa: anae amasi taraurei.
16E okea mu apoloa Ingeie ilaona hanue sala: anae amasi taraurei.
17E suheinire mu alaha paine: anae amasi taraurei.
18E saunire mu nikei alaha e manikulue: anae amasi taraurei.
19A Sihon alaha nana mu Amori: anae amasi taraurei.
20Na a Og alaha nana mui Bashan: anae amasi taraurei.
21E toliasie hanue kererue huni henue hu: anae amasi taraurei.
22Huni henue hu nana Israel ini Ingeie: anae amasi taraurei.
23E nei sae ana ionga haamasilaka: anae amasi taraurei.
24Anae haaurikie mwaanira ngidu upu huni kie: anae amasi taraurei.
25E nii ngeula hunie taena nga inoni: anae amasi taraurei.
26Omu ke saidiana ana God tai salo: anae amasi taraurei.
Currently Selected:
Mui Psalm 136: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
