Mui Psalm 135
135
1Omu saidiana ana Lord; omu saidiana ana Satana Lord: mu inoni a Lord, omu saidiana ana.
2Muini e ure inuma Lord: na ilalona lolata a God ikie.
3Omu saidianaana Lord; ana Lord e diana: omu sulu kananga ana Satana e lai kohi.
4Aena a Lord e liohunia Jacob nana: Israel huni toolana.
5Ineu, nou manatainia Lord e alaha: na ana Lord e liutaana taena nga lioa.
6Ko haamadaue muola e saetooani: tai ilengi na mai haha, wa i laona asi wa i kaona lade mae.
7Ko lolosie waha mwaanie ngengedena salo: ko holaie waariri na nemo; ko haaisitaangainie oru mwaanie mu nume ikire.
8E saunie mui naohai mwela i Misraim: ani inoni na hulaana mui poo.
9E niie mu tolimaa na mui anoa hahio, Misraim: na hahia Pharaoh na mu inoni ingeie.
10E suheinie taena nga hanue: nae saunie mu alaha.
11A Sihon ni Amori, Og i Bashan: na mui komu ni Canaan.
12E toliasie hanue ikererue huni henue hu: huni tootoolana Israel mwala ingeie.
13Lord, Satamu oto hu: Lord neisaengamu sulie nga qaunge ni inoni.
14Aena ana Lord kei sapeie pulita ingeie: kei neisae amasie mui inoni ingeie.
15Mui nunuiola mwala hunge mu tooha hau heliite: talana mu ninimei inoni.
16E too wawada, na kire kaa ereere: e too maada, na kire kaa liolio.
17E too alingada, na kire kaa rorongo: na kire kaa mamango ana wawada.
18Mwala e lodora kire urihana lou ikire: na muini e norutooada.
19Komu a Israel, ke lahea Lord: komu a Aaron, ke lahea Lord.
20Komu a Levi, ke lahea Lord: kira haamau ana Lord, omu ke lahea Lord.
21Mui Sion, omu ke lahea Lord e io i Jerusalem: omu ke saidiana ana a Lord.
Currently Selected:
Mui Psalm 135: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
