Mui Psalm 105
105
1Tohungei lahea Lord, tohungana saie satana: tohunanga houleinie mui palonga ingeie hunie mui inoni.
2Tohungana kana nana, ani sikili lana mu eu nana na ani ladolana mu anoa ingeie e daui.
3Tohungei norutoo amiu isulie satana e maai: saeda ke looloohia Lord ke ileilenimwae.
4Tohungei naolainie a Lord, tohungei heitalea maana Lord taraurei.
5Tohungei neinei sae ana mu anoa e daui: na mu esunge na wala ni leilei.
6Komu a Abraham inoni ingeie: mui kalena Jacob ini lio huni lana e lae.
7Ingeia Lord God ikie: wala ni leinge ineie i laona ahutana walumalau.
8Ko talei lolodosae tarau ana halunge ingeie: ana mu wala e haatolai hunie molani qeunge ani.
9Ana a mei wala na Abraham e hai holotai: ana mu wala e qongii hunia Isaac.
10Ana e haa oaie tolaha ni haananaunge a Jacob: hai holotainge oto hu nana Israel.
11Uri, Noko niie hunio hanue i Canaan: oke io hu ileune.
12Ana idumilada kei lae: pulita ni inoni reu mola e io ni deunge i henue.
13Kire ko laelae hailiu ana taenanga hanue: mwaanie eta walumalau ani henue aopa.
14E kaa toliasie nga ini ke taungeinire: E ere ana mu alaha aena ikire.
15Mwaanie nimana na ini e helehele takoie mwala ineu nou neisae paine ada: mwane omu daudeu tataala ana mu Prophet ineu.
16Eunue hiolonga kei tolea hanue: e taasie mui naohai ngeula.
17E holai usungeinie inoni: Joseph holilana huni inoni esuesu.
18Kire haa motahie aeaena ani hoosilana: na maurihaana e kokoro ilaona hau.
19Lai hule ana dinge walana e oa: nge walana Lord esi meuri ana.
20Alaha e usungeinie nga ini huni haa isitangainire: nga naohai mwane paine, luhesilana walo hoohoo esi lae mwaanie.
21E si haauresie hunie ke lioisulie nume ingeie: ni alaha hahie tootoolana.
22Na esi haa loire muini huni hoosilada: ni ereere nana mu repo ni mwane.
23Na Israel esi lai Misraim: na Jacob e io ni deunge ana hanue i Ham.
24Esi deu hunie mwala ingeie ke hunge liuta: Esi da kire ke ramo liuta ana kira ngiduupu hunire.
25Na e huisie saeda kire ke ngiduupu hunie mwala ingeie: huni eroero hailiu ana mwala ingeie.
26E usungeinie a Moses inoni ingeie: Aron e lio hilisie.
27Kirerue da mui tolima ingeie i matolada: ani deu anoa ana hanue i Ham.
28E unue rodohono, esi rodohono: na kire kaa tola ana walana.
29E da mu wei ke nei epu eni: na e suheineie taenanga ie.
30Na hanue ikire e asi talakau ani qeri: ilaona mu nume mui alaha.
31E ere, oto mu lango apuru esi teiinuinu mei: na mui tehule esi io ana taenanga leu.
32Na e olisie ana nemo mautaa: na dunge esi eso kalie hanue ikire.
33Na e pili memesoa mu Vine na mu fig: na e hele oioie taenanga dango ana taenanga leu.
34E unue walana oto mu oru e aqa hahie hanue ikire: na mui muno o saa idu suheni.
35Kire ngau mangoa mu tatapo ana hanue ikire: na kire ngau suheinie mu ngeula ikire.
36Na e saunie mui naohai mwela ana hanue ikire: na mu naohai ola e ramo ada.
37Na e haa isitangainire ani Silver na ani gold: e kaa ini ke haamauoa ahutana mu komu.
38Misraim e sae mango ana kire isita: ana maunge e siho hahire.
39E holasie salo ni mamalu hahire: na dunge hunie ke mataqa i rodo.
40Kire suke, oto e niie mu menu: E haa potera ani bread urei lengi.
41E tahanie aehu, oto wai e hureita: na wai peine esi kone tatanga ana taenanga leu.
42Ana e amasitoo ana walana e maai: isulie Abraham inoni ingeie.
43E haa isitangainie mwala ingeie ani sae mangonga: na muini e lio hilisire e mawa ani sae diananga.
44Na e niie mu henue mu mwala aopa nada: na kire si io hahie mwakano ni ngeula ikire.
45Ana kire kei luluisulie mu wala ni heiusungeinge: na ni kakalie haatolanga.
Currently Selected:
Mui Psalm 105: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
