Mui Psalm 106
106
1Omu ke lahea Lord ana ingeie e diana: ana e amasi taraurei,
2Atei kei soie mui palonga paine a Lord: atei kei houleinie ahutana mui tatarohaie ana?
3Muini ko hele ana wala ni leinge saeda ke hahuei diana: na atei ko esu tarau ana odoodonga.
4Lord oke neisae aku maholo okei amasie mwala ioe: Oke lae peie maurihaamu mei takoieu.
5Neke si leesie ionga diana nana muini lio huni lada: nesi io ni sae mango peire ana hanue hu ioe.
6Mu amamami na mu weuwamami e orahaa: emi deu aela oto, ani deu aelanga.
7Mui weuwamami i Misraim e kaa amasitoo ana mui anoa ioe, kaa neineisae an molani amasinge ioe: na kire mwaka ana i reune asi, asi nonoroa.
8Tae e haaurire isulie satana: na e haalio saire ana ramonga ingeie.
9E ere honosie asi nonoroa, oto e mwaa: esi da kire ke liu i matolana asi mala tala i anohu.
10E haaurire mwaanie nimada ngiduupu hunire: esi tola alihoi ada mwaanie nimada maeloonga.
11Ahe e papatainire mango ileune: nga taataa ini ada kaa mauri.
12Nge kire si hiwalaimoli ana walana: nge kire si sulu kana ana houhoulana.
13Na lauleu kire pulongasie lou mui palonga ingeie: na kire kaa maohie wala ni haausulinge ingeie.
14Tae kire si saesae hanali liuta i henue sala: kire malaahonga ana God ilaona mei meesu.
15E si niie hunire meola ni eitanainge: mei maela esi io i saeda.
16Kire lio naima hunia Moses ilaona mui apaapa ikire: na Aaron mwane maai a Lord.
17Mwakano e opa hailiu esi onomia Dathan: esi pou hahie kira Abiram.
18Na dunge esi weruhie na muini ada: na sakahaana dunge esi madorohie kira orahaa.
19Kire lodoa kalei Cow i Horeb: kire poruru honose nunui ola.
20Kire hari hunie nunui Cow ko ngeungeu hahalisi: mwaanie tohungei naohai ola ikire.
21Kire kaa amasitoo ana God e haaurire: ana e asuie mui palonga paine i Misraim.
22Mui anoa ana hahue i Ham: na muola e lio ni meunge ilaona asi nonoroa.
23Na uri hunie ke horoire oto, tae a Moses ini lio huni lana e lae: e ure honose ana maholona; hunie ke aliu mwaanie saewasunge mwane horo maeada.
24Kire maleledie hanue e lai kohi: kaa hiwalaimoli ana walana.
25Kire io peie uqanga ilaona mui apaapa ikire: kaa qarongo isulie walana Lord.
26Isulie leune nge esi susueinie nimana ilengi: ni qelusire ilaona mei meesu.
27Huni qelu tekelainie mui kaleda i matolana taenanga mwala: ni deu tatangainire ana taenana hanue.
28Na kire hataainie a Baal‐peor: kire si nga mui ngeula kire unui i saana mui akalo.
29Kotahilada hunie mui palonga ikire: oto maemaeha esi seunire lou.
30Isulie meolana nge a Phinehas esi ure huni leilei: nge maemaeha esi mou.
31Na neisaenga ana uri e odotai: isulie taena nga qaunge oto di oto di.
32Kire dau haa saewasulia lou ana wai i Meribah: nge leinge esi hitaana Moses aena ikire.
33Isulie kire hurosie saena: nge esi ere pele ana ngidune.
34Na kire kaa horo suheinie ahutana mwala: God e usungeinire kau hunie.
35Na kire hiku peira puo: na mui esunge ikire e diana oto nada.
36Kire si palopaloa mui nunui ola ikire: kire si erora urine.
37Na toohu kire si horohoroie mu kaleda ani mwane na ani keni: huni unui i saana mui lioa eroero.
38Kire haaahesie apune kira maneko, apune mu kaled; mwane na mu keni: huni unure i saana mui nunui ola i Canaana na hauue esi madaa ana apu.
39Kire dau madaa ada maraada ana palongada: na saeda huni ionga oto mola.
40Nge saewasunge a Lord esi weru mala dunge hunire: e maleledire muini ana hanue ni hele hu ana.
41E usu asire i laona nimada taenanga mwala: nge kire ngiduupu hunire esi alaha hahire.
42Na kira maeloonga esi deu tataala ada: nge kire si qeutou i hahana nimada.
43E tola hadai ada hungehungaa, tae kire lalawa mola isulie mui neisaenga ikire: mu roroanga ikire nge e dau tekelainire.
44Tae ko mama kerehie taane ionga ni sae huunge ikire: na ko rorongoa taane awaranga ikire
45Na esi amasitoo ana haalunge ingeie: nge esi onisae itehulaana amasinge ingeie.
46E taase muini taasilada e lae kau: huni amasilada lou.
47Haauri emi, Lord God iemi, tarakoni emi mwaanie matolana mwala: emi kesi lahea satamu e maai, kesi nei emi ana houhoulemu.
48Deidehie a Lord God Israel mala otowaite na oto waite: ahutana mwala ke unue uri, Amen.
Currently Selected:
Mui Psalm 106: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
