Mui Psalm 103
103
1Saeku oke lahea Lord: maurihaaku oke lahea satana e maai.
2Saeku oke lahea Lord: mwane o pulopulongosie niilana.
3Ko saeasie ahutana mu tataalanga ioe: ko haaurio mwaanie mui maela.
4Ko henuie mangomu mwaanie kalinge: ka tooni hahio ana amasinge na saediananga.
5Ko haapoteo ana muola diana: o kei io aailaa mala mu hada manikuluanga.
6A Lord ko palopalo odotai: ko leilei ni amasinge nana kira siohaa.
7E haatainie tala ingeie ana Moses: na mui palongaana ana mu kalena Israel.
8A Lord ko heiheianasi, na saena e malumu: e kaa saesaewasu leuae, na manata dianana ingeie e paine.
9E saa dau ni kotakotanga onioni: na e saa iolohai oto oo.
10E saa suuraie hunikie ke adona mu orahaa ikie: na e saa suue huni kie ana mu tataalanga ikie.
11Mala salo e sasala tai hahoka; aitana manata diananga ingeie e lolo urine hahie muini ko haahaamau ana.
12Mala mu leu tae e haataulie mu leu hau; nge ka nei haatau urine ana mu heitohenga ikie mwaanikie.
13Mala a mama ko amaamasie mu kalena: aitana noone a Lord hunie muini ko haahaamau ana.
14Aena ana e manatainie sapeka uri kire ue: ko amasitoo isulikie uri nga mei mwakana mola.
15Inoni dongine domani hahalisi: ko meuri mala takai dango.
16Oru ko hitaana oto ko enguru: okei lio talea oto ana iohana.
17Na tae manata diananga a Load ingeii ue hahire nga muini ko haamau ana: na odoodonga ingeie hahire mu weuwada.
18Hahire muini e lohainie mu haalunge ingeie: pei amasitoonga ana haatolanga ingeie huni sulu isulie.
19A Lord e roroie naunekume ni alaha ingeie tai salo: ko alaha hahie walutana nga ola.
20Mui angel omu ke lahea Lord: na iomu mu ramo muini ko palopaloa walana, peie kira rongolana walana.
21Mui pulitaa ingeie omu ke lahea Lord: kira palopaloa walutana nga ola e saetooani.
22Taetaena nga ola omu ke lahea Lord ana mui leu e alaha ani: saeku oke lahea Lord.
Currently Selected:
Mui Psalm 103: apbPSA
Highlight
Copy
Compare
Share
Want to have your highlights saved across all your devices? Sign up or sign in
First published as part of the Anglican Prayer Book by the Melanesian Press, 1946.
