Popular Bible Verses from Mui Psalm 103

Share

Saeku oke lahea Lord: mwane o pulopulongosie niilana.

Ko saeasie ahutana mu tataalanga ioe: ko haaurio mwaanie mui maela. Ko henuie mangomu mwaanie kalinge: ka tooni hahio ana amasinge na saediananga. Ko haapoteo ana muola diana: o kei io aailaa mala mu hada manikuluanga.

Saeku oke lahea Lord: maurihaaku oke lahea satana e maai.

Mala a mama ko amaamasie mu kalena: aitana noone a Lord hunie muini ko haahaamau ana.

Mala mu leu tae e haataulie mu leu hau; nge ka nei haatau urine ana mu heitohenga ikie mwaanikie.

A Lord ko heiheianasi, na saena e malumu: e kaa saesaewasu leuae, na manata dianana ingeie e paine.

E saa suuraie hunikie ke adona mu orahaa ikie: na e saa suue huni kie ana mu tataalanga ikie. Mala salo e sasala tai hahoka; aitana manata diananga ingeie e lolo urine hahie muini ko haahaamau ana.

A Lord e roroie naunekume ni alaha ingeie tai salo: ko alaha hahie walutana nga ola.