Lukas 3
3
Yohanès Pembaptis naꞌèg-oglèkh Gah Méj nòm Tuhan
(Mat 3:1-12; Mrk 1:1-8; Yoh 1:19-28)
1-2Hòj lamad nòm kerek nak, Allah nachal ma Yohanès kuwòt Sakariya, rik nagèl-gel èn pantil gurun. Bil nak, rajak Tibèrius hòj nabeperintah gerèk Rajak Rayak èn Roma untok limak belas tawon. Pontius Pilatus menterik rayak rik beperintah ma kenèmbek negerik Yudéya untok rajak Roma nak. Dak mok keꞌjèk tigak rajak rik beperintah èn negerik nak. Hèrodès rajak belah Galiliya. Kelok Hèrodès, Pilipus, rajak èn belah Ituréa ròb Trakonitis, dak Lisanias rajak belah Abiliné. Bil nak keꞌjèk, Hanas ròb Kayapas Imam Rayak sènꞌòy Yahudi.
3Dak anak Yohanès nawèk ma kenèmbek belah Òng Tibok Yordan dak naꞌèg-oglèkh gah nòm Tuhan, nachal: “Perak lah nòm dose nyob, dak los wèl ma Allah! Dak akal Allah naꞌampon dose nyob. Jok lah, yék ibaptis ma nyob sebab nyob chèn nyomhoh ma Allah.”
4Bil Nabi Yèsaya naterèylòy Gah Allah nèng-nèng tòp, nanak natulis tentang Yohanès gerèk doh: #Yès 40:3-5.
“Mok kuy sènꞌòy rik nabeꞌèh-éh èn pantil gurun,
‘Tuhan hòj namlãj! Tabéh lah hup nyob, gerèk sènꞌòy umtabéh nòng bil rajak namlãj.
Sèrjèkh lah nòng untok Rik Nak!
5Tiyab-tiyab luwag haros nabingkõs
dak kenèmbek pok ròb tangkòl haros umhèldey.
Nòng-nòng kenunah haros umjadik sejèkh,
dak nòng rik bechènlòkh haros umjadik hèldey.
6Dak kenèmbek sènꞌòy akal umnéh
Allah natèrgos ma sènꞌòy.’”
7Dak bil sènꞌòy jajéh umlãj ma Yohanès supaye nambaptis, Yohanès natèdchod ma umnak bok nachal, “Nyob sènꞌòy jèdhad gerèk tajuk èmpĩd! Agok lah nyob bèdlod nyob boléh da-dok nòm nèlꞌõl Allah rik akal nalãj bok nahukom ma nyob! #Mat 12:34; 23:33. 8Tapik perak lah ma dose nyob bok los ma Allah, dak pèrnéh lah nòm tènꞌèl nyob nak.
Agok lah nyob bebèdlod, ‘Abraham yak dòt bej èk, jadik Allah tok nabehukom ma èk.’ Lèkh lah, Allah boléh namjadik waris Abraham nòm batuk-batuk doh pon! #Yoh 8:33. 9Néh lah, puꞌdoh Allah hòj natabéh untok namhukom ma sènꞌòy, gerèk kapok nèꞌguk jehuk sampéy ma chantèng eh. Tiyab-tiyab jehuk rik kebek eh tok méj, akal naguk dak nabes ma kelòj os.” #Mat 7:19.
10Dak sènꞌòy jajéh nak umtanyak ma Yohanès, “Jadik, ilok rik haros kandék kimteꞌèl?”
11Yohanès nasaꞌod, “Chok rik mok nar léy bajuk, og lah ma sènꞌòy rik tok mèk-mok bajuk. Dak chok rik mok nèygéy, haros umsér ma sènꞌòy rik hèy-hõy.”
12Mok keꞌjèk sènꞌòy rik bechatuk duid chukay umlãj untok Yohanès nambaptis ma umnak. Dak anak umtanyak ma Yohanès, “Guruk, ilok rik haros kandék kimteꞌèl?” #Luk 7:29. 13Dak Yohanès nachal ma umnak, “Agok or sènꞌòy mubayar lebéh nòm chukay rik kerajaꞌan hòj umtetab.”
14Mok keꞌjèk askah rik umtanyak ma Yohanès, “Dak rèk lok ma kandék wèl? Ilok rik haros kandék kimteꞌèl?”
Yohanès nasaꞌod, “Agok nyanyak sènꞌòy, dak agok tanas ma sènꞌòy bèj-bòj supaye seyèj duid umnak. Sey hup lah nòm gajik nyob!”
15Dak sènꞌòy jajéh umda-deh bok umꞌas Mèsias rik Allah napèrhod namlãj. Jadik umnak umbetanyak-tanyak kelòj hup tentang Yohanès, kalòw rik nak lah Mèsias nak. 16Yohanès nachal ma umnak, “Yék ibaptis nyob nòm òng, tapik tok lamad wèl nalãj néy sènꞌòy rik lebéh rayak nòm yék. Yék tok behakak imtèg-teg talik kasod Eh pon. Nanak akal nabaptis nyob nòm Ruway Kudus ròb os. 17Rik Nak gerèk sènꞌòy rik napegakh gadang èn tikh eh untok nampèrmòy bak rik méj nòm sèngkok. Nanak akal napèrmòy sènꞌòy rik umpechaye ma Allah nòm sènꞌòy mòy, gerèk sènꞌòy naꞌtèk nakumpol bak rik méj èn tempad nèldol bak eh. Tapik akal nahukom ma sènꞌòy mòy nak rik umjèk ma Allah, gerèk sènꞌòy naꞌtèk nachur sèngkok, èn kelòj os rik tok dapad naped.”
18Gerèk nak lah, bok nòm ibuk nèlchal mòy keꞌjèk, Yohanès natèdchod ma sènꞌòy jajéh dak naꞌèg-oglèkh Gah Méj nòm Tuhan ma umnak.
19Dak bil mase mòy, Yohanès natèdchod keꞌjèk ma Rajak Hèrodès, sebab rajak nak hòj nabebabéy ma Hèrodias, léh kelok eh — dak sebab hòj nateꞌèl ibuk jènhad mòy keꞌjèk. #Mat 14:3,4; Mrk 6:17,18. 20Pas nak Hèrodès nateꞌèl jènhad rik lebéh wèl, dak natèrmòj Yohanès ma kelòj jél.
Yohanès nabaptis ma Yèsus
(Mat 3:13-17; Mrk 1:9-11)
21Tapik èn tèk-tik Yohanès tok namèj-mòj ma kelòj jél, bil tik nabebaptis ma kenèmbek sènꞌòy naꞌtèk, nanak keꞌjèk nabaptis ma Yèsus. Dak bil Yèsus napèꞌtak, langid napa-pog, 22#Jen 22:2; En 2:7; Yès 42:1; Mat 3:17; Mrk 1:11; Luk 9:35.dak anak Ruway Kudus nataw gerèk weg chèp kukur nabekabed èn balikh Yèsus. Dak mok kuy Allah nachal nòm langid, “Hãk lah Kuwòt Yék rik isayèkh. Hãk hasèrnang ma hup Yék.”
Yak dòt bej Yèsus
(Mat 1:1-17)
23Bil Yèsus natekèd kèrjak Eh, umor Eh kirak-kirak tigak puloh tawon. Benèdlod sènꞌòy èn anak Yèsus nak kuwòt Yusop,
Yusop nak kuwòt Èli,
24Èli nak kuwòt Matat,
Matat nak kuwòt Lèwi,
Lèwi nak kuwòt Malkhi.
Malkhi nak kuwòt Yanay,
Yanay nak kuwòt Yusop,
25Yusop nak kuwòt Matika,
Matika nak kuwòt Amos,
Amos nak kuwòt Nahum,
Nahum nak kuwòt Hèsli,
Hèsli nak kuwòt Nagay,
26Nagay nak kuwòt Maꞌat,
Maꞌat nak kuwòt Matika,
Matika nak kuwòt Siméy,
Siméy nak kuwòt Yosèkh,
Yosèkh nak kuwòt Yoda,
27Yoda nak kuwòt Yohanan,
Yohanan nak kuwòt Résah,
Résah nak kuwòt Sèrubabèl,
Sèrubabèl nak kuwòt Sèaltièl,
Sèaltièl nak kuwòt Nèri,
28Nèri nak kuwòt Malkhi,
Malkhi nak kuwòt Adi,
Adi nak kuwòt Kosam,
Kosam nak kuwòt Èlmadam,
Èlmadam nak kuwòt Èr,
29Èr nak kuwòt Yosuwa,
Yosuwa nak kuwòt Èliéser,
Èliéser nak kuwòt Yorim,
Yorim nak kuwòt Matat,
Matat nak kuwòt Lèwi,
30Lèwi nak kuwòt Simion,
Simion nak kuwòt Yèhudah,
Yèhudah nak kuwòt Yusop,
Yusop nak kuwòt Yonam,
Yonam nak kuwòt Èlyakim,
31Èlyakim nak kuwòt Mèliya,
Mèliya nak kuwòt Minah,
Minah nak kuwòt Matatah,
Matatah nak kuwòt Natan,
Natan nak kuwòt Rajak Daud,
32Rajak Daud nak kuwòt Isay,
Isay nak kuwòt Obèd,
Obèd nak kuwòt Boas,
Boas nak kuwòt Salmòn,
Salmòn nak kuwòt Nahasòn,
33Nahasòn nak kuwòt Aminadab,
Aminadab nak kuwòt Admin,
Admin nak kuwòt Arni,
Arni nak kuwòt Hèsron,
Hèsron nak kuwòt Pèrès,
Pèrès nak kuwòt Yèhudah,
34Yèhudah nak kuwòt Yakob,
Yakob nak kuwòt Isak,
Isak nak kuwòt Abraham,
Abraham nak kuwòt Tèrah,
Tèrah nak kuwòt Nahor,
35Nahor nak kuwòt Serug,
Serug nak kuwòt Réhu,
Réhu nak kuwòt Pèlèg,
Pèlèg nak kuwòt Ébèr,
Ébèr nak kuwòt Sélah,
36Sélah nak kuwòt Kénan,
Kénan nak kuwòt Arpakhsad,
Arpakhsad nak kuwòt Sèm,
Sèm nak kuwòt Nuh,
Nuh nak kuwòt Lamèkh,
37Lamèkh nak kuwòt Mètuselah,
Mètuselah nak kuwòt Hènokh,
Hènokh nak kuwòt Yarèd,
Yarèd nak kuwòt Mahalaleꞌèl,
Mahalaleꞌèl nak kuwòt Kénan,
38Kénan nak kuwòt Ènòs,
Ènòs nak kuwòt Sèt,
Sèt nak kuwòt Adam,
Adam nak kuwòt Allah.
Currently Selected:
Lukas 3: KKT
Highlight
Copy
Compare
Share
Want to have your highlights saved across all your devices? Sign up or sign in
© 2025 Wycliffe Bible Translators, Inc.
