लुकस 5
5
येसुस ही तिन पहिल चेलर
(मत्तिस ४:१८-२२; मरकुस १:१६-२०; युहन्नस १:४०-४२)
1ओन्द उल्ला आलर धर्मेस ही कत्था मेना गे येसुस ही चौगुड़ती तुकुर-नखरा लगियर ख़ने आस गनेसरेत ताल#५:१ गनेसरेत ताल इद बग्गे कोहाँ मन्जका लेके इदिन गालिल ता समुन्दर बअनर। ही गन्डा नू इज्जका रहचस। 2आस ताल ही गन्डा नू दुई ठो डोंगा इरियस, लेकिन इन्जो पिटुर गुट्ठी डोंगान गन्डा नू उइयर की जल्ली नोड़ा लगियर। 3आ दुई ठो डोंगा मधे ओन्टा डोंगा सिमोनस ही रहचा। येसुस अइया नू अरगियस की आस डोंगान गन्डा ती थोरे गेच्छा सिमोनसिन होआगे बाचस। आस डोंगा नू उक्कियस की आलरिन सिखाबआ हेल्लरस।
4कच्छनखरका ख़ोख़ा, आस सिमोनसिन बाचस, “गड्डी तरा होआ की इन्जो पिटा गे निंग्हय जल्लिन हेबड़ा।”
5सिमोनस बाचस, “अना गुरू, एमा गे भैर माख़ा मेहनत नन्जकम लेकिन ओन्टा इन्जो हूँ मला बज्झरा, अन्नू हूँ निंग्हय बाचका कत्था लेखा जल्लिन हेबड्दन।” 6एकाबिरी आर अन्नेम नन्जर, ख़ने एका बग्गे इन्जो बज्झरा की अबड़र ही जल्ली हूँ चर्रआ हेल्लरा। 7ख़ने अबड़र दोसरा डोंगा नू रहचका संगेरिन बरआ की संगरा नना गे इसारा नन्जर, अउर आर बरचर की दुयो डोंगा नू इन्जो तरतू निन्दर, इय्या गुटी का डोंगा हूँ मुलख़ा हेल्लरा। 8इदिन इरयस की सिमोन पतरुसस येसुस ही अगु ख़ेड्ड मुली खत्तरस की बाचस, “अना उर्बायो, एंग्हय गुस्ते चइलकला, एन्देरगेका एन पपहा आलन हिकदन।”
9एन्देरगेका एका बग्गे इन्जो बज्झरकान इरियर की सिमोन पतरूसस अउर आस गने ने-ने रहचर आर हूँ छक्केम मन्जर। 10जब्दियास ही तंग्दस याकुबस अउर युहन्नास हूँ सिमोन पतरूसस गने रहचर, अबड़र हूँ छक्केम मन्जर। येसुस सिमोनसिन बाचस, “अमा एल्चा, अक्कू निन आलरिन धरए की एंग्हय गुसन ओन्दरना ही नलख ननोय।”
11इदिन मेन्जर की आर तम्हय डोंगान गन्डा नू ओन्दरर, अबड़र हुरमी कुच्छन अम्बियर की येसुस ही ख़ोख़ा लगियर।
येसुस कोढही रोग लक्का आलसिन कोड़े नन्दस
(मत्तिस ८:१-४; मरकुस १:४०-४५)
12ओन्द उल्ला येसुस ओन्टा सहर नू रहचस, असन ओरोत कोढही रोग लक्का आलस हूँ रहचस। एकाबिरी आस येसुसिन इरयस, की आस ही अगू नू ख़ोलख़रस की खतरस की बिन्ती नन्जस, “अना उर्बायो, निंग्हय मने र' ई होले निन एंगन कोड़े नना की सुध नना ओंग्दय।#५:१२ निंग्हय मने र' ई होले निन एंगन कोड़े नना की सुध नना ओंग्दय। यहुदी व्यवस्था लेखा, कोढही रोग लक्का आलर असुध मना लगियर। अन्ने आलर धर्मेस ही एड़पा नू कोरआ मला पबआ लगियर अउर आर सुध आलरिन ओसआ मला पबआ लगियर। ”
13येसुस आ आलस तरा तंग्हय ख़ेक्खन ओसड़स की बाचस, “एंग्हय मने र' ई, का निन कोड़े मना की सुध मना कला” अउर आ बिरिम आस ही कोढही रोग लघलेम कोड़े मन्जा केरा। 14येसुस आस गे हुकुम चिच्चस की बाचस, “ई कत्थन नेकन हूँ अमके तेंगा। लेकिन नैगर हेद्दे कला की निन निंगन एदआ अउर अबड़र निंगन जाँचओर। मोसास ही पेसका लेखा निन सुध मन्जका ही दाँड़े अरगआके की होरमा आलरिन एदआके का निन सुध मन्जकय।”#लेविर १४:१-३२
15लेकिन येसुस ही पत्त ता कत्था और हूँ बग्गे बिड़रा, अउर एक्का बग्गे आलर आस ही कत्था मेना गे अउर तम्हय रोगे ती कोड़े मना गे बरआ हेल्लरर। 16लेकिन येसुस तो फिटकी अड्डा नू काला की गोहरारआ लगियस।
लकवा कोड़े मन्जका
(मत्तिस ९:१-८; मरकुस २:१-१२)
17ओन्द उल्ला येसुस आलर गे सिखाबआ लगियस, ख़ने असन यहुदी बअना फरिसिर अउर मोसास ही व्यवस्था सिखाबउर हेद्देम उक्का रहचर। अबड़र गालिल, यहुदिया प्रदेस ती अउर यरुसलेम ता हुरमी पद्दन्ती बरचका रहचर। धर्मेउर्बस ही कोड़े नन्ना सवंग आस गने रहचा। 18आलर ओन्टा लकवा बेमरहा आलसिन खटिया नू ओन्दरर की बरचर अउर अबड़र लकवा बेमार मन्जका आलसिन भितरी येसुस ही अगू नू ओन्दरआ बिद्दियर। 19लेकिन आलर ही गोहड़ा तरतू अबड़र आसिन भितरी ओन्दरआगे पोल्लर ख़ने अबड़र आ बेमरहासिन छपर मइयाँ होच्चर केरर, अउर अबड़र छपर ता खपड़न हटवाचर की आसिन खटिया झारी धिरेम येसुस ही अगुतरा एत्ताचर। 20येसुस अबड़र ही एन्ने पत्तअनन इरियस की बेमरहासिन बाचस, “ए आलयो, निंग्हय पाप गुट्ठी छेमा मन्जकी र' ई।”
21येसुस ही एन्ने कत्था बाचकन मेन्जर की मोसास ही व्यवस्था सिखाबउर अउर यहुदी बअना फरिसी आलर तम्हय जिया नू झक्आ हेल्लरर, “धर्मेस ही बिड़दो नू कच्छनखरऊ ई आलस ने हिकदस? पापन तो धर्मेस लेका छेमा नना ओंगोस।”
22लेकिन येसुस आर ही जिया ता कत्थन अख़चस की बाचस, “निम एन्देरगे निम्हय जिया नू एन्ने सोचआ लगदर? 23‘निंग्हय पाप गुट्ठी छेमा मन्जा’ बअना का ‘चोआ की एका’ बअना, एकदा सेब्बा र' ई? 24लेकिन धर्मेस तय्यका एन आल तंग्दस गे ख़ेख़ेल नू पापन छेमा नन्ना अधिकार र' ई बआ की निम अख़आ।” ताब आस लकवा बेमरहासिन बाचस, “एन निंगन बअदन, चोआ अउर खटियन उठ्बआ की एड़पा कला।”
25ख़ने आ आलस लघलेम आर ही अगू नू चोचस की तंग्हय खटियन उठ्बाचस की धर्मेस ही महबा नन्नुम तंग्हय एड़पा तरा केरस। 26ख़ने अबड़र होरमर छक्केम मन्जर अउर अबड़र धर्मेस ही महबा नन्जर, अउर इल्चियर की बाचर, “इन्ना नमा गे छक्केम पड़ारना नलख इरकत।”
लेविस ही मेख़तारना
(मत्तिस ९:१-१३; मरकुस २:१४-१७)
27इदिही ख़ोख़ा येसुस बाहरी केरस, अउर लेवी नामे मन्जका#५:२७ लेवी नामे मन्जका आसिन मत्ती बआ की हूँ चिनहआ लगियर। ओर्तोस बटी उठबुउस बटी अड्डा नू उक्का रहचका इरियस, अउर येसुस आसिन बाचस, “एंग्हय ख़ोख़ा बरा।” 28ताब आस हुरमी चिजन अम्बियस की येसुस ही ख़ोख़ा केरस।
29ख़ने लेविस येसुस गे तंग्हय एड़पा नू कोहाँ ओन्ना मोख़ना भोजे चिच्चस। असन बटी उठबुउर अउर और एक्का बग्गे आलर हूँ ओना गे उक्का रहचर। 30इदिन इरियर की यहुदी बअना फरिसिर अउर मोसास ही व्यवस्था सिखाबउर येसुस ही चेलर ही बिड़दो नू एन्ने बाचर की हिस्गाँहा नना हेल्लरर, “एन्देरगे निम बटी उठबुउर अउर पपहर गने ओन्दर मोख़दर?”
31लेकिन येसुस अबड़रिन बाचस, “कोड़े आलर गे मला, लेकिन रोगियर गे लेका डाक्टर ही चाड़ मनी। 32एन धर्मिरिन मला, लेकिन पपहरिन पापन अम्बा की जियन किर्तअना खतरी मेख़ा बरचका रअदन।”
उबसना ही पत्त नू मेन्ना ख़ोजना
(मत्तिस ९:१४-१७; मरकुस २:१८-२२)
33ख़ने एकअम आलर येसुसिन बाचर, “युहन्नास ही चेलर घड़ी-घड़ी उबुसनर अउर गोहरारनर अउर यहुदी बअना फरिसिर ही चेलर हूँ अन्नेम नन्नर, लेकिन निंग्हय चेलर होले ओन्नर मोख़नर।”
34ख़ने येसुस अबड़रिन बाचस, “एन्दरा एका गुटी दुलहास बरितियर गने रअदस आ गुटी एन्दरा निमा गे बरितियरिन उबसका रआ गे नन्तआ ओंग्दर का? 35लेकिन एन्ने उल्ला हूँ बरओ, एकाबिरी दुलहास अबड़र ती छिन्डरओस ताब अबड़र आ उल्ला नू उबसका रओर।”
36ख़ने आस अबड़रिन ओन्टा खिरी#५:३६ खिरी ख़ेख़ेल ता मानी मन्जका कत्था गुट्ठी नू आधारित खिरिन बुझवअना खतरी अदी ही गने मेसरना दोसरा मने चिई, अदिन खिरी बअनर। हूँ तिंगियस, “एकआम आलस हूँ पच्चा झुला नू पुना किचरी ही टुकरन मला टसओस। मला होले पुना चर्रओ, अउर पुना ती ओथरका टुकरा पच्चा गने मेल मला मोख़ो। 37एकआम आलस पुना अंगुर मध पच्चा चपटा ही कुड़वा#५:३७ चपटा ही कुड़वा अबड़ा उल्ला नू आलर अन्ने मध रासिन एन्ने चपटा ही कुड़वा नू उइया लगियर। नू मला सजओस, मला होले पुना बोड़ए चपटान चर्ररी, अउर अंगुर मध बिजरओ, अउर कुड़वा हूँ नास मनो। 38औंगे पुना अंगुर मध पुना कुड़वा गुट्ठी नू उइया पड़ारो, अउर दोनो जोगारओ। 39एकआम आलस पच्चा अंगुर ही मध ओनोस की पुना मला बेद्दस, एन्देरगेका आस बअदस ‘पच्चादुम बेस्स र' ई।’”
Currently Selected:
लुकस 5: KRUX
Highlight
Share
Compare
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
