मुध चेलर 16
16
पावलस अउर सिलासस गने तिमोथिस ही भेट
1पावलस डर्बी मन्तेम लुस्तरा नू अड़सियस। असन तिमोथी नामे मन्जका ओरोत पत्त'उस रहचस। आस ओरोत पत्त'ऊ यहुदी आली ही तंग्दस रहचस। लेकिन आस ही तम्बस ग्रिक रहचस। 2लुस्तरा अउर आइकोनियन ता पत्त'ऊ भ'इय्योर नू आस ही नामे चलरकी रहचा। 3पावलस तिमोथिसिन तंग्हय गने हो'आ काला गे बिद्दियस। अउर आ अड्डा गुट्ठी नू मन्जका यहुदिर करने आसिन होच्चस की खतना नन्जस चिच्चस। एन्देरगेका तम्बस ग्रिक हिकदस ब'अनन होरमर अख़'आ लगियर। 4अउर सहर-सहर मन्नुम काला लगियर ख़ने आर यरुसलेम ता मुध चेलर अउर अगुवर नन्जका निर्नय गुट्ठिन मनके बाचर की पत्त'उरिन बाचर। 5एन्नेकी कलिसिया गुट्ठी पत्त'अना नू बड़ियर मन्नुम अउर गिन्ती नू सगरो उल्ला बढ़रनुम केरा।
त्रो'आस नू पावलस ही देखार
6नेम्हा बोलतस आरिन एसिया नू दवसमाचार तेंगा गे छेकचका करने आर फ्रिगिया अउर गलातिया छेत्र मन्नुम केरर। 7मा'इसिया छेत्र ही सिमाना नू अड़सियर ख़ने आर बिथिनिया छेत्र काना विचार नन्जर। लेकिन येसुस ही बोलतस आरिन असन हूँ मला काला चिच्चस। 8ताबसिले मा'इसिया मन्जर की आर त्रो'आस नू केरर। 9माख़ा पावलस ओन्टा देखार ख़क्खियस। आ देखार नू माकेडोनिया ता ओरोत आलस इज्जस की आसिन बिन्ती नना लगियस, “माकेडोनिया बरा अउर एमरिन संगरा नना।” 10एकाबिरी आस ई देखारन ख़क्खियस, चाँड़ेम एम#१६:१० एम: “एम” सब्दद लुकस तान आ डहरे एकना नू मन्जका मनेन बुझर'आ ओंगतार'ई। माकेडोनिया काला गे सपड़ारकम। एम बुझरकम का धर्मेस आरिन दवसमाचार तेंगा गे एमन मिख़कादस।
फिलिप्पी नू लिडिया येसुसिन पत्ताचा
11ताब एम त्रो'आस सहर ती कोहाँ डोँगा अरगकम की सोझे सामोथ्राके टापू तरा केरकम अउर दोसरा उल्ला नियापोलिस सहर नू बरचकम। 12अउर अस्ते ती एम डहरे एकनुम माकेडोनिया प्रदेस ता मुध सहर फिलिप्पी नू बरचकम। आ सहर रोमिर ही अधिन नू रहचा। असन एम जोक्क उल्ला गुटी रहचकम। 13जिरारना-उल्ला नू सहर ता बली ती बाहरी ख़ाड़ ही गन्डा नू केरकम, एन्देरगेका असन गोहरारना अड्डा र'ई ब'आ की एम सोच्चका रहचकम। अउर असन ख़ोड़रका मुक्कर गने कच्छनखर'आ हेल्लरकम। 14थि'आटिरा सहर नू लिडिया नामे मन्जका ओरोत आली रहचा। आद बैजनी झुला गुट्ठी ही व्यापार नना लगिया। आद धर्मेसिन ओहमा ननू आली रहचा। पावलस बाचका कत्थन ध्यान चि'आ की मेना नेक'आ ब'आ की धर्मेस अदी ही जियन खुल्लियस चिच्चस। 15एकाबिरी आद अउर अदी ही एड़पन्ता होरमर ही बप्तिस्मा मन्जा, ताबसिले आद एमन बिन्ती नन्जा, “अगर निम एंगन धर्मेस ही पत्त'ऊ बुझरदय होले एंग्हय एड़पा नू बरा की र'आ।” अउर आद एमन बड़पेलहा नन्जा।
पावलस अउर सिलासस जेहेल नू
16एकाबिरी एम गोहरारना अड्डा नू काला लक्कम ख़ने, मलदव बोलता मन्जका ओरोत नोकरनी कुके गने एम्हय भेट मन्जा, ने मलदव बोलता ही सवंग ती आलर ही जोखना एरर की अदी ही उरुबर ही खतरी बग्गे ढिवा अर्ज'आ चि'आ लगिया। 17आद पावलस अउर एम्हय ख़ोख़ा लग्गिया की एन्ने ब'अनुम चिच्चियार'आ हेल्लरा, “इबड़ा आलर हुरमी ती कोहाँ धर्मेस ही सेवा ननुर हिकनर। इर निमरिन बछाब'अना डहरे ही पत्त नू ढोलहा अस्सनर।” 18आद बग्गे उल्ला गुटी एन्ने नन्ते रहचा। ताबसिले पावलस गे दिक्क लग्गिया अउर कयरारस की किर्रियस की आ मलदव बोलतन बाचस, “येसू ख्रिस्तस ही नामे नू एन निंगन अदी ती उरख़य ब'अदन की पेसदन।” अउर आ मलदव बोलता आबाकिम उरख़ा केरा। 19लेकिन अदी ही उरुबर आर ही ढिबा आर्ज'अना डहरे बन्द मन्जकन इरियर की पावलस अउर सिलाससिन धरचर की बजार ता चोक नू सासकर गुसन घिस्या'अनुम होच्चर। 20ख़ने आरिन सहर ता सासकर गुसन ओन्दरर की बाचर, “ई आलर यहुदी हिकनर। इर एम्हय सहर नू होहल्ला नन्नर की दुक्खे चि'अनर। 21इर एन्ने विधी गुट्ठी सिखाब'अनर एकदन एम रोमिर ही नियम लेखा इन्जर'आ गे या अदी लेखा नना गे पोल्लोम।” 22औंगे असन ख़ोड़रका आलर पावलस अउर सिलाससिन लो'आ गे ख़ोड़रर अउर सहर ता सासकर हूँ आर ही झुलन चर्रियर की आरिन डन्डा लेके लो'आ गे पेसर।
23आर पावलस अउर सिलाससिन बग्गे बेर लोचर की आरिन जेहेल नू सज्जर। अउर जेहेल ता हाकिमसिन बेस्स कुना आरिन ख़पा बाचर की पेसर। 24एन्ने पेसकन ख़क्खियस की आस आरिन जेहेल ता भितरी कोठली नू होच्चस की आर ही ख़ेड्डन ढ़िंगरा ही मजही नू हेताचस चिच्चस।
25लेकिन आधहा माख़ा तरा पावलस अउर सिलासस गोहरारनुम धर्मेस ही डन्डी पाड़ा लक्का रहचर। अउर दोसरा कैदिर अदिन मेना लगियर। 26आबाकिम अनचोख'एम ख़ेख़ेल अकय कोहड़े नुक्रा। अउर जेहेल ता जग गुट्ठी नुक्रा अउर चाँड़ेम हुरमी बली गुट्ठी तिस्गरा अउर कैदिर ही हुरमी हेरका सिकड़ी गुट्ठी खोल्लरा। 27जेहेल ता हाकिमस ख़न्दरना ती एज्जरस अउर जेहेल ता बली गुट्ठी तिस्गरकन इरियस की कैदिर होरमर बोंगर केरर होत्'एन बाचस की आस टड़रिन ओत्थरस की तंगन पिटा बिद्दियस। 28लेकिन पावलस जोरसे चिच्चियारस की एन्ने बाचस, “निन निंगन एन्दरा हूँ मला नना, एन्देरगेका एम होरमर इसानुम र'अदम।”
29ताबसिले बिल्ली नेचस की आस बोंगनुम भितरी बरचस। अउर इल्चका ती अस्रनुम पावलस अउर सिलासस ही अगू नू मुक लिद्दरस। 30आरिन बाहरी ओन्दरस की बाचस, “बछरनन ख़क्खा गे एंगा एन्दरा नना पड़ार'ओ?”
31ख़ने आर बाचर, “उर्बा येसू ख्रिस्तस नू पत्त'आ अउर निन बछरनन ख़क्खोय अन्नेम निंग्हय परिवारर हूँ बछरनन ख़क्खोर।” 32आर आसिन अउर आस ही एड़पा नू मन्जका होरमारिन उर्बस ही बचनन मेन्ताचर। 33ताबसिले माख़ा ता बेड़ा नू आस आरिन होच्चस की खादिन नुड़ियस चिच्चस। ख़ने आस अउर आस ही परिेवारर चाँड़ेम बप्तिस्मा होच्चर। 34अदिही ख़ोख़ा आरिन एड़पा नू ओन्दरस की ओन्ताचस मोख़ताचस। अउर धर्मेस नू पत्ताचका करने आस अउर आस ही होरमा परिवारर रिझरर।
35लेकिन बिज्जिया ख़ने सहर ता हाकिमर सिपाहिरिन इदिन पेसस की त'इय्यस, “अबड़ा आलरिन अम्बा चि'आ।”
36ताबसिले जेहेल ता हाकिमस पावलसिन ई कत्थन तिंगियस, “सहर ता हाकिमस निमरिन अम्बा गे पेसका र'अदस। औंगे अक्कू उरख़ा की सान्ती ती कला।”
37लेकिन पावलस आरिन बाचस, “एम रोमी आलम हिक्दम। आर एम्हय दोस मला ख़क्खियर किम एमन आलर ही अगू नू लोचर। अउर जेहेल नू हूँ सज्जर। अउर अक्कू एमरिन छछेम ओथर'आ बेद्दनर? इद मला मना उंगी। आर तामुम बर'आ नेक'आ अउर एमरिन ओथर'आ की हो'आ काला नेक'आ।”
38आ सिपाहिर सासकरिन इबड़ा कत्थन मेन्ताचर। पावलस अउर सिलासस तो रोमी आलर हिकनर ब'अनन मेन्जर की आर इल्चियर। 39आर बरचर की पावलस अउर सिलासस गने छेमा नेचर, अउर आरिन बाहरी होच्चर अउर सहरन अम्बा की कला गे बिन्ती नन्जर। 40आर जेहेल ती बाहरी उरख़र की लिडिया ही एड़पा नू केरर। असन पत्त'ऊ भ'इय्योर गने ख़क्ख-नक्खरर की आर गे डिढ़ चिच्चर की अस्ते ती केरर।
Currently Selected:
मुध चेलर 16: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
मुध चेलर 16
16
पावलस अउर सिलासस गने तिमोथिस ही भेट
1पावलस डर्बी मन्तेम लुस्तरा नू अड़सियस। असन तिमोथी नामे मन्जका ओरोत पत्त'उस रहचस। आस ओरोत पत्त'ऊ यहुदी आली ही तंग्दस रहचस। लेकिन आस ही तम्बस ग्रिक रहचस। 2लुस्तरा अउर आइकोनियन ता पत्त'ऊ भ'इय्योर नू आस ही नामे चलरकी रहचा। 3पावलस तिमोथिसिन तंग्हय गने हो'आ काला गे बिद्दियस। अउर आ अड्डा गुट्ठी नू मन्जका यहुदिर करने आसिन होच्चस की खतना नन्जस चिच्चस। एन्देरगेका तम्बस ग्रिक हिकदस ब'अनन होरमर अख़'आ लगियर। 4अउर सहर-सहर मन्नुम काला लगियर ख़ने आर यरुसलेम ता मुध चेलर अउर अगुवर नन्जका निर्नय गुट्ठिन मनके बाचर की पत्त'उरिन बाचर। 5एन्नेकी कलिसिया गुट्ठी पत्त'अना नू बड़ियर मन्नुम अउर गिन्ती नू सगरो उल्ला बढ़रनुम केरा।
त्रो'आस नू पावलस ही देखार
6नेम्हा बोलतस आरिन एसिया नू दवसमाचार तेंगा गे छेकचका करने आर फ्रिगिया अउर गलातिया छेत्र मन्नुम केरर। 7मा'इसिया छेत्र ही सिमाना नू अड़सियर ख़ने आर बिथिनिया छेत्र काना विचार नन्जर। लेकिन येसुस ही बोलतस आरिन असन हूँ मला काला चिच्चस। 8ताबसिले मा'इसिया मन्जर की आर त्रो'आस नू केरर। 9माख़ा पावलस ओन्टा देखार ख़क्खियस। आ देखार नू माकेडोनिया ता ओरोत आलस इज्जस की आसिन बिन्ती नना लगियस, “माकेडोनिया बरा अउर एमरिन संगरा नना।” 10एकाबिरी आस ई देखारन ख़क्खियस, चाँड़ेम एम#१६:१० एम: “एम” सब्दद लुकस तान आ डहरे एकना नू मन्जका मनेन बुझर'आ ओंगतार'ई। माकेडोनिया काला गे सपड़ारकम। एम बुझरकम का धर्मेस आरिन दवसमाचार तेंगा गे एमन मिख़कादस।
फिलिप्पी नू लिडिया येसुसिन पत्ताचा
11ताब एम त्रो'आस सहर ती कोहाँ डोँगा अरगकम की सोझे सामोथ्राके टापू तरा केरकम अउर दोसरा उल्ला नियापोलिस सहर नू बरचकम। 12अउर अस्ते ती एम डहरे एकनुम माकेडोनिया प्रदेस ता मुध सहर फिलिप्पी नू बरचकम। आ सहर रोमिर ही अधिन नू रहचा। असन एम जोक्क उल्ला गुटी रहचकम। 13जिरारना-उल्ला नू सहर ता बली ती बाहरी ख़ाड़ ही गन्डा नू केरकम, एन्देरगेका असन गोहरारना अड्डा र'ई ब'आ की एम सोच्चका रहचकम। अउर असन ख़ोड़रका मुक्कर गने कच्छनखर'आ हेल्लरकम। 14थि'आटिरा सहर नू लिडिया नामे मन्जका ओरोत आली रहचा। आद बैजनी झुला गुट्ठी ही व्यापार नना लगिया। आद धर्मेसिन ओहमा ननू आली रहचा। पावलस बाचका कत्थन ध्यान चि'आ की मेना नेक'आ ब'आ की धर्मेस अदी ही जियन खुल्लियस चिच्चस। 15एकाबिरी आद अउर अदी ही एड़पन्ता होरमर ही बप्तिस्मा मन्जा, ताबसिले आद एमन बिन्ती नन्जा, “अगर निम एंगन धर्मेस ही पत्त'ऊ बुझरदय होले एंग्हय एड़पा नू बरा की र'आ।” अउर आद एमन बड़पेलहा नन्जा।
पावलस अउर सिलासस जेहेल नू
16एकाबिरी एम गोहरारना अड्डा नू काला लक्कम ख़ने, मलदव बोलता मन्जका ओरोत नोकरनी कुके गने एम्हय भेट मन्जा, ने मलदव बोलता ही सवंग ती आलर ही जोखना एरर की अदी ही उरुबर ही खतरी बग्गे ढिवा अर्ज'आ चि'आ लगिया। 17आद पावलस अउर एम्हय ख़ोख़ा लग्गिया की एन्ने ब'अनुम चिच्चियार'आ हेल्लरा, “इबड़ा आलर हुरमी ती कोहाँ धर्मेस ही सेवा ननुर हिकनर। इर निमरिन बछाब'अना डहरे ही पत्त नू ढोलहा अस्सनर।” 18आद बग्गे उल्ला गुटी एन्ने नन्ते रहचा। ताबसिले पावलस गे दिक्क लग्गिया अउर कयरारस की किर्रियस की आ मलदव बोलतन बाचस, “येसू ख्रिस्तस ही नामे नू एन निंगन अदी ती उरख़य ब'अदन की पेसदन।” अउर आ मलदव बोलता आबाकिम उरख़ा केरा। 19लेकिन अदी ही उरुबर आर ही ढिबा आर्ज'अना डहरे बन्द मन्जकन इरियर की पावलस अउर सिलाससिन धरचर की बजार ता चोक नू सासकर गुसन घिस्या'अनुम होच्चर। 20ख़ने आरिन सहर ता सासकर गुसन ओन्दरर की बाचर, “ई आलर यहुदी हिकनर। इर एम्हय सहर नू होहल्ला नन्नर की दुक्खे चि'अनर। 21इर एन्ने विधी गुट्ठी सिखाब'अनर एकदन एम रोमिर ही नियम लेखा इन्जर'आ गे या अदी लेखा नना गे पोल्लोम।” 22औंगे असन ख़ोड़रका आलर पावलस अउर सिलाससिन लो'आ गे ख़ोड़रर अउर सहर ता सासकर हूँ आर ही झुलन चर्रियर की आरिन डन्डा लेके लो'आ गे पेसर।
23आर पावलस अउर सिलाससिन बग्गे बेर लोचर की आरिन जेहेल नू सज्जर। अउर जेहेल ता हाकिमसिन बेस्स कुना आरिन ख़पा बाचर की पेसर। 24एन्ने पेसकन ख़क्खियस की आस आरिन जेहेल ता भितरी कोठली नू होच्चस की आर ही ख़ेड्डन ढ़िंगरा ही मजही नू हेताचस चिच्चस।
25लेकिन आधहा माख़ा तरा पावलस अउर सिलासस गोहरारनुम धर्मेस ही डन्डी पाड़ा लक्का रहचर। अउर दोसरा कैदिर अदिन मेना लगियर। 26आबाकिम अनचोख'एम ख़ेख़ेल अकय कोहड़े नुक्रा। अउर जेहेल ता जग गुट्ठी नुक्रा अउर चाँड़ेम हुरमी बली गुट्ठी तिस्गरा अउर कैदिर ही हुरमी हेरका सिकड़ी गुट्ठी खोल्लरा। 27जेहेल ता हाकिमस ख़न्दरना ती एज्जरस अउर जेहेल ता बली गुट्ठी तिस्गरकन इरियस की कैदिर होरमर बोंगर केरर होत्'एन बाचस की आस टड़रिन ओत्थरस की तंगन पिटा बिद्दियस। 28लेकिन पावलस जोरसे चिच्चियारस की एन्ने बाचस, “निन निंगन एन्दरा हूँ मला नना, एन्देरगेका एम होरमर इसानुम र'अदम।”
29ताबसिले बिल्ली नेचस की आस बोंगनुम भितरी बरचस। अउर इल्चका ती अस्रनुम पावलस अउर सिलासस ही अगू नू मुक लिद्दरस। 30आरिन बाहरी ओन्दरस की बाचस, “बछरनन ख़क्खा गे एंगा एन्दरा नना पड़ार'ओ?”
31ख़ने आर बाचर, “उर्बा येसू ख्रिस्तस नू पत्त'आ अउर निन बछरनन ख़क्खोय अन्नेम निंग्हय परिवारर हूँ बछरनन ख़क्खोर।” 32आर आसिन अउर आस ही एड़पा नू मन्जका होरमारिन उर्बस ही बचनन मेन्ताचर। 33ताबसिले माख़ा ता बेड़ा नू आस आरिन होच्चस की खादिन नुड़ियस चिच्चस। ख़ने आस अउर आस ही परिेवारर चाँड़ेम बप्तिस्मा होच्चर। 34अदिही ख़ोख़ा आरिन एड़पा नू ओन्दरस की ओन्ताचस मोख़ताचस। अउर धर्मेस नू पत्ताचका करने आस अउर आस ही होरमा परिवारर रिझरर।
35लेकिन बिज्जिया ख़ने सहर ता हाकिमर सिपाहिरिन इदिन पेसस की त'इय्यस, “अबड़ा आलरिन अम्बा चि'आ।”
36ताबसिले जेहेल ता हाकिमस पावलसिन ई कत्थन तिंगियस, “सहर ता हाकिमस निमरिन अम्बा गे पेसका र'अदस। औंगे अक्कू उरख़ा की सान्ती ती कला।”
37लेकिन पावलस आरिन बाचस, “एम रोमी आलम हिक्दम। आर एम्हय दोस मला ख़क्खियर किम एमन आलर ही अगू नू लोचर। अउर जेहेल नू हूँ सज्जर। अउर अक्कू एमरिन छछेम ओथर'आ बेद्दनर? इद मला मना उंगी। आर तामुम बर'आ नेक'आ अउर एमरिन ओथर'आ की हो'आ काला नेक'आ।”
38आ सिपाहिर सासकरिन इबड़ा कत्थन मेन्ताचर। पावलस अउर सिलासस तो रोमी आलर हिकनर ब'अनन मेन्जर की आर इल्चियर। 39आर बरचर की पावलस अउर सिलासस गने छेमा नेचर, अउर आरिन बाहरी होच्चर अउर सहरन अम्बा की कला गे बिन्ती नन्जर। 40आर जेहेल ती बाहरी उरख़र की लिडिया ही एड़पा नू केरर। असन पत्त'ऊ भ'इय्योर गने ख़क्ख-नक्खरर की आर गे डिढ़ चिच्चर की अस्ते ती केरर।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.