मुध चेलर 15
15
यरुसलेम ता सभा
1जोक्क समे खोख़ा जोक्क आलर यहुदिया प्रदेस ती एन्टि'ओखिया नू बरचर की पत्त'ऊ भ'इय्योरिन एन्ने सिखाब'आ लगियर, “निम मोसस ही व्यवस्था लेखा खतना मला नन्जकर होले निम बछरनन ख़क्खा पोल्लोर।”#लेविर १२:३; मुध चेलर १५:७; १०:१-४३ 2पावलस अउर बरनाबसस आर गने कोहड़े आना-नखरर। औंगे पावलस, बरनाबासस अउर एन्टि'ओखिया ता जोक्क पत्त'ऊ भ'इय्योर यरुसलेम नू केरर की अस्ता मुध चेलर अउर अगुवर गने ई कत्था ही पत्त नू कच्छनखर'ओत ब'आ की चज्जियर।
3कलिसिया ता पत्त'उर आरिन अस्ते ती बिदा नन्जर। आर फोनिके अउर सामरिया ती मन्नुम काला लगियर ख़ने नन-यहुदिर उर्बसिन इन्जरका कत्थन अस्ता पत्त'उरिन तिंगियर। ई खबर ती आ पत्त'उर कोहड़ेम रिझरर। 4एकाबिरी आर यरुसलेम नू अड़सियर ताब आरिन कलिसिया ता पत्त'उर, मुध चेलर अउर अगुवर स्वागत नन्जर। आर असन मन्जका आलरिन धर्मेस आर ती नन्जका हुरमी कत्था ही पत्त नू तिंगियर। 5आर ही कत्थन मेन्जर की उर्बस नू पत्त'ऊ जोक्क फरिसिर इज्जर की एन्ने बाचर, “नन-यहुदिर ही खतना मन्ना अउर आरिन मोसस ही व्यवस्थन पेसकन पेसरना र'ई।”
6ई पत्त नू सोच-विचार नना गे मुध चेलर अउर अगुवर ख़ोड़रर। 7कोहड़े आना-नखरका ख़ोख़ा पतरुसस चोचस की बाचस, “अना भ'इरो, निम अख़दर दुम, नन-यहुदिर उर्बा येसुस ही दवसमाचार मेना की पत्त'आ नेक'आ ब'आ की धर्मेस एंगन निम्हय मझी ती चज्जियस।#मुध चेलर १०:१-४३ 8जिया ता कत्थन अख़'ऊ धर्मेस नमा गे चिच्चका नेम्हा बोलतस आर गे हूँ चिच्चस की इन्जरका कत्थन नमा गे एदाचस।#मुध चेलर २:४; १०:४४ 9आस नम्हय अउर नन-यहुदिरिन छिन्डा-छिन्डी मला नन्जस लेकिन आर पत्ताचका करने धर्मेस आर ही जियन सुध नन्जस चिच्चस। 10औंगे नन-यहुदी पत्त'उर ही कन्हा नू पगसी उइदर की एन्देरगे धर्मेस ही परिक्छा नन्दर? ई पगसी न तो नम्हय पुरखर न तो नाम चेड़'आ ओङ्गकत। 11अन्ने मला ननोत, एन्देरगेका एम हूँ आर लेखम नम्हय उर्बा येसुस ही अनुग्रह ती बछरका रअदम बआकी पत्त'अदम।”
12आ बेड़ा होरमर छछेम रहचर, अउर पावलस अउर बरनाबासस नन-यहुदिर ही मझी नू धर्मेस आर ती नन्जका हयकट नलख गुट्ठी ही पत्त नू तिंगियर ख़ने होरमर ध्यान चिच्चर की मेन्जर। 13आर कच्छनखरका ख़ोख़ा याकुबस एन्ने बाचस, “भ'इरो, एंग्हय कत्थन मेना, 14धर्मेस तंग्हय नामे ही खतरी नन-यहुदिर ती तंग्हय खतरी तंग्हय आलरिन चाजका कत्थन सिमोन पतरुसस भखरेम तिंगियस। 15ई कत्था अउर अगमजानिर ही बचन हूँ ओन्टम र'ई, एकदा एन्नेकी लिखिरकी र'ई,
16‘इदिही ख़ोख़ा एन किर्रोन,
अउर धसरका एड़पा लेखा मन्जका दा'उदस ही राजिन फेर कम'ओन,
आस ही धसरका अड्डन एन फेर कम'ओन चि'ओन,
अउर अदिन फेर इज्त'ओन,
17अउर बछरका आलर अउर नन-यहुदिर हूँ धर्मेसिन बेद्दा नेक'आ,
ने-ने एंग्हय नामे नू मेख़तारका र'अनर, उर्बस ब'अदस ने इबड़ा हुरमी कत्थन नन्दस।
18आस इबड़ा कत्थन ढेर अगुतिम एदाचका रहचस।’#आमोसस ९:११, १२
19“औंगे एंग्हय विचार इदुम हिके का, धर्मेस तरा किर्रका नन-यहुदिरिन नाम दुक्खे मला चि'ओत। 20लेकिन अक्कू नाम ई कत्थन लिख'ओत की आर गे त'इय्योत, मुर्तिन अरगका ओन्ना-मोख़नन मला मोख़के, बेभिचार मा ननके, टोटा चिपचका की पिटका जानबर ही अहड़न मला मोख़के अउर एन्दर'उम ही ख़ेसन हूँ मला मोख़के।#उरख़ाकाना ३४:१५-१७; लेविर १७:१०-१६; १८:६-२३ 21एन्देरगेका अगू ता पिढ़ी तिम नगरे-नगरे नू मोसस ही व्यवस्था तेंगतार'आ लगी, अउर इद यहुदिर ही सभा'एड़पा नू हुरमी जिरारना-उल्ला नू पढ़तार'आ लगी।”
नन-यहुदी पत्त'उर गे लिखिचका चिट्ठी
22ताबसिले मुध चेलर, अगुवर अउर हुरमी कलिसिया ता पत्त'उर मिल्रर की तम्हय मझी ती कय गोड़े आलरिन चज्जियर की पावलस अउर बरनाबासस गने एन्टि'ओखिया नू त'इय्या गे निर्नय नन्जर, अउर पत्त'उर मधे ती मुध आलर, बारसाबास ब'अना यहुदस अउर सिलाससिन चज्जियर। 23आर एन्ने चिट्ठी ती चार गोड़े आलर ही ख़ेक्खा नू त'इय्यर चिच्चर,
“एम यरुसलेम ता निम्हय भ'इय्योर मुध चेलर अउर अगुवर तरती, एन्टि'ओखिया, सिरिया अउर किलिकिया नू मन्जका नन-यहुदी पत्त'ऊ भ'इय्योरिन गोड़ लग्गदम। 24एम्हय मझी ती केरका एका-एका आलर बिड़दो कत्था सिखाबचर की निमरिन दुक्खे चिच्चर ब'अना कत्थन एम मेन्जका र'अदम। लेकिन एम आ आलरिन मला त'इकम। 25औंगे होरमर ख़ोड़रकम की एम निर्नय नन्जकम की निम्हय गुसन त'इय्या गे जोक्क आलरिन चज्जकम की एम्हय चोन्हा संगेर बरनाबासस अउर पावलस गने त'इना विचार नन्जकम। 26आर नम्हय उर्बा येसू ख्रिस्तस ही सेवा नू तम्हय जिन्गिन सोपचका र'अनर। 27औंगे एम आर गने यहुदस अउर सिलाससिन त'इय्या लगदम। एम लिखिचका कत्थन आर तामुम निमरिन हूँ तेंगोर। 28नेम्हा बोलतस अउर एमा गे इद बेस्स लग्गिया का चाड़ मन्जका कत्था बाहेक दोसरा ओत्था निमरिन चेड़त'आ गे मला मनो। 29निम मुर्तिन अरगका ओन्ना-मोख़नन मला मोख़के, बेभिचार मा ननके, टोटा चिपचका की पिटका जानबर ही अहड़न मला मोख़के अउर एन्दर'उम ही ख़ेसन हूँ मला मोख़के। इबड़ा कत्था ती गेच्छा र'ओय होले दव मनो। एम ब'अना कत्था इरम र'ई।”
30अदिही ख़ोख़ा अबड़ा चार गोड़े आलर एन्टि'ओखिया नू बरचर अउर कलिसिया ता होरमा पत्त'उरिन ख़ोड़चर की आ चिट्ठिन चिच्चर। 31चिट्ठी नू मन्जका डिढ़ चि'अना कत्थन पढ़चर की आर खुसमारर। 32यहुदस अउर सिलासस तामुम हूँ अगमजानी मन्जका करने पत्त'ऊ भ'इय्योरिन बग्गे बचन ती डिढ़ चिच्चर की आरिन बड़ियर नन्जर। 33आर जोक्क उल्ला असन रहचका ख़ोख़ा अस्ता भ'इय्योर आरिन त'इय्युर गुसन बेस्स कुना कला बाचर की आरिन त'इय्यर। 34[लेकिन सिलासस गे असनुम र'आ गे दव लग्गिया।]
35पावलस अउर बरनाबासस जोक्क उल्ला गुटी एन्टि'ओखिया नू और बग्गे आलर गने उर्बस ही बचनन सिखाब'अनुम तेंगा लगियर।
पावलस अउर बरनाबासस छिन्डिरका
36जोक्क उल्ला ख़ोख़ा पावलस बरनाबाससिन बाचस, “कला, एका-एका नगरे नू उर्बस ही बचनन नाम तिंगकत रहचकत आ नगरे गुट्ठी नू किर्रोत की कलोत की पत्त'ऊ भ'इय्योरिन ख़क्खोत अउर आर एकसे र'अनर अदिन एरोत।” 37बरनाबासस मरकुस ब'अना युहन्नसिन आर ही संगे नू हो'आ बिद्दियस। 38लेकिन पावलस मरकुससिन संगे नू हो'अना ठिक मला सम्झारस, एन्देरगेका आस पामफिलिया ती आर गने छिन्डरस की केरका रहचस, अउर आर गने दवसमाचार तेंगना ही नलख नू मला केरका रहचस।#मुध चेलर १३:१३ 39आर ही मझी नू ई कोहाँ आना-नखरना मन्जा का आर ताम-ताम ती छिन्डरर अउर बरनाबासस मरकुससिन संगे नू होच्चस की सा'इप्रस तरा केरस। 40लेकिन पावलस सिलाससिन चज्जियस, अउर पत्त'ऊ भ'इय्योर ती धर्मेस ही अनुग्रह नू तंगन सोंपचस की केरस। 41पावलस सिलासस गने सिरिया अउर किलिकिया मन्जस की काला लगियस ख़ने अस्ता कलिसियन ता पत्त'उरिन पत्त'अना नू बड़ियर नन्नुम केरस।
Currently Selected:
मुध चेलर 15: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
मुध चेलर 15
15
यरुसलेम ता सभा
1जोक्क समे खोख़ा जोक्क आलर यहुदिया प्रदेस ती एन्टि'ओखिया नू बरचर की पत्त'ऊ भ'इय्योरिन एन्ने सिखाब'आ लगियर, “निम मोसस ही व्यवस्था लेखा खतना मला नन्जकर होले निम बछरनन ख़क्खा पोल्लोर।”#लेविर १२:३; मुध चेलर १५:७; १०:१-४३ 2पावलस अउर बरनाबसस आर गने कोहड़े आना-नखरर। औंगे पावलस, बरनाबासस अउर एन्टि'ओखिया ता जोक्क पत्त'ऊ भ'इय्योर यरुसलेम नू केरर की अस्ता मुध चेलर अउर अगुवर गने ई कत्था ही पत्त नू कच्छनखर'ओत ब'आ की चज्जियर।
3कलिसिया ता पत्त'उर आरिन अस्ते ती बिदा नन्जर। आर फोनिके अउर सामरिया ती मन्नुम काला लगियर ख़ने नन-यहुदिर उर्बसिन इन्जरका कत्थन अस्ता पत्त'उरिन तिंगियर। ई खबर ती आ पत्त'उर कोहड़ेम रिझरर। 4एकाबिरी आर यरुसलेम नू अड़सियर ताब आरिन कलिसिया ता पत्त'उर, मुध चेलर अउर अगुवर स्वागत नन्जर। आर असन मन्जका आलरिन धर्मेस आर ती नन्जका हुरमी कत्था ही पत्त नू तिंगियर। 5आर ही कत्थन मेन्जर की उर्बस नू पत्त'ऊ जोक्क फरिसिर इज्जर की एन्ने बाचर, “नन-यहुदिर ही खतना मन्ना अउर आरिन मोसस ही व्यवस्थन पेसकन पेसरना र'ई।”
6ई पत्त नू सोच-विचार नना गे मुध चेलर अउर अगुवर ख़ोड़रर। 7कोहड़े आना-नखरका ख़ोख़ा पतरुसस चोचस की बाचस, “अना भ'इरो, निम अख़दर दुम, नन-यहुदिर उर्बा येसुस ही दवसमाचार मेना की पत्त'आ नेक'आ ब'आ की धर्मेस एंगन निम्हय मझी ती चज्जियस।#मुध चेलर १०:१-४३ 8जिया ता कत्थन अख़'ऊ धर्मेस नमा गे चिच्चका नेम्हा बोलतस आर गे हूँ चिच्चस की इन्जरका कत्थन नमा गे एदाचस।#मुध चेलर २:४; १०:४४ 9आस नम्हय अउर नन-यहुदिरिन छिन्डा-छिन्डी मला नन्जस लेकिन आर पत्ताचका करने धर्मेस आर ही जियन सुध नन्जस चिच्चस। 10औंगे नन-यहुदी पत्त'उर ही कन्हा नू पगसी उइदर की एन्देरगे धर्मेस ही परिक्छा नन्दर? ई पगसी न तो नम्हय पुरखर न तो नाम चेड़'आ ओङ्गकत। 11अन्ने मला ननोत, एन्देरगेका एम हूँ आर लेखम नम्हय उर्बा येसुस ही अनुग्रह ती बछरका रअदम बआकी पत्त'अदम।”
12आ बेड़ा होरमर छछेम रहचर, अउर पावलस अउर बरनाबासस नन-यहुदिर ही मझी नू धर्मेस आर ती नन्जका हयकट नलख गुट्ठी ही पत्त नू तिंगियर ख़ने होरमर ध्यान चिच्चर की मेन्जर। 13आर कच्छनखरका ख़ोख़ा याकुबस एन्ने बाचस, “भ'इरो, एंग्हय कत्थन मेना, 14धर्मेस तंग्हय नामे ही खतरी नन-यहुदिर ती तंग्हय खतरी तंग्हय आलरिन चाजका कत्थन सिमोन पतरुसस भखरेम तिंगियस। 15ई कत्था अउर अगमजानिर ही बचन हूँ ओन्टम र'ई, एकदा एन्नेकी लिखिरकी र'ई,
16‘इदिही ख़ोख़ा एन किर्रोन,
अउर धसरका एड़पा लेखा मन्जका दा'उदस ही राजिन फेर कम'ओन,
आस ही धसरका अड्डन एन फेर कम'ओन चि'ओन,
अउर अदिन फेर इज्त'ओन,
17अउर बछरका आलर अउर नन-यहुदिर हूँ धर्मेसिन बेद्दा नेक'आ,
ने-ने एंग्हय नामे नू मेख़तारका र'अनर, उर्बस ब'अदस ने इबड़ा हुरमी कत्थन नन्दस।
18आस इबड़ा कत्थन ढेर अगुतिम एदाचका रहचस।’#आमोसस ९:११, १२
19“औंगे एंग्हय विचार इदुम हिके का, धर्मेस तरा किर्रका नन-यहुदिरिन नाम दुक्खे मला चि'ओत। 20लेकिन अक्कू नाम ई कत्थन लिख'ओत की आर गे त'इय्योत, मुर्तिन अरगका ओन्ना-मोख़नन मला मोख़के, बेभिचार मा ननके, टोटा चिपचका की पिटका जानबर ही अहड़न मला मोख़के अउर एन्दर'उम ही ख़ेसन हूँ मला मोख़के।#उरख़ाकाना ३४:१५-१७; लेविर १७:१०-१६; १८:६-२३ 21एन्देरगेका अगू ता पिढ़ी तिम नगरे-नगरे नू मोसस ही व्यवस्था तेंगतार'आ लगी, अउर इद यहुदिर ही सभा'एड़पा नू हुरमी जिरारना-उल्ला नू पढ़तार'आ लगी।”
नन-यहुदी पत्त'उर गे लिखिचका चिट्ठी
22ताबसिले मुध चेलर, अगुवर अउर हुरमी कलिसिया ता पत्त'उर मिल्रर की तम्हय मझी ती कय गोड़े आलरिन चज्जियर की पावलस अउर बरनाबासस गने एन्टि'ओखिया नू त'इय्या गे निर्नय नन्जर, अउर पत्त'उर मधे ती मुध आलर, बारसाबास ब'अना यहुदस अउर सिलाससिन चज्जियर। 23आर एन्ने चिट्ठी ती चार गोड़े आलर ही ख़ेक्खा नू त'इय्यर चिच्चर,
“एम यरुसलेम ता निम्हय भ'इय्योर मुध चेलर अउर अगुवर तरती, एन्टि'ओखिया, सिरिया अउर किलिकिया नू मन्जका नन-यहुदी पत्त'ऊ भ'इय्योरिन गोड़ लग्गदम। 24एम्हय मझी ती केरका एका-एका आलर बिड़दो कत्था सिखाबचर की निमरिन दुक्खे चिच्चर ब'अना कत्थन एम मेन्जका र'अदम। लेकिन एम आ आलरिन मला त'इकम। 25औंगे होरमर ख़ोड़रकम की एम निर्नय नन्जकम की निम्हय गुसन त'इय्या गे जोक्क आलरिन चज्जकम की एम्हय चोन्हा संगेर बरनाबासस अउर पावलस गने त'इना विचार नन्जकम। 26आर नम्हय उर्बा येसू ख्रिस्तस ही सेवा नू तम्हय जिन्गिन सोपचका र'अनर। 27औंगे एम आर गने यहुदस अउर सिलाससिन त'इय्या लगदम। एम लिखिचका कत्थन आर तामुम निमरिन हूँ तेंगोर। 28नेम्हा बोलतस अउर एमा गे इद बेस्स लग्गिया का चाड़ मन्जका कत्था बाहेक दोसरा ओत्था निमरिन चेड़त'आ गे मला मनो। 29निम मुर्तिन अरगका ओन्ना-मोख़नन मला मोख़के, बेभिचार मा ननके, टोटा चिपचका की पिटका जानबर ही अहड़न मला मोख़के अउर एन्दर'उम ही ख़ेसन हूँ मला मोख़के। इबड़ा कत्था ती गेच्छा र'ओय होले दव मनो। एम ब'अना कत्था इरम र'ई।”
30अदिही ख़ोख़ा अबड़ा चार गोड़े आलर एन्टि'ओखिया नू बरचर अउर कलिसिया ता होरमा पत्त'उरिन ख़ोड़चर की आ चिट्ठिन चिच्चर। 31चिट्ठी नू मन्जका डिढ़ चि'अना कत्थन पढ़चर की आर खुसमारर। 32यहुदस अउर सिलासस तामुम हूँ अगमजानी मन्जका करने पत्त'ऊ भ'इय्योरिन बग्गे बचन ती डिढ़ चिच्चर की आरिन बड़ियर नन्जर। 33आर जोक्क उल्ला असन रहचका ख़ोख़ा अस्ता भ'इय्योर आरिन त'इय्युर गुसन बेस्स कुना कला बाचर की आरिन त'इय्यर। 34[लेकिन सिलासस गे असनुम र'आ गे दव लग्गिया।]
35पावलस अउर बरनाबासस जोक्क उल्ला गुटी एन्टि'ओखिया नू और बग्गे आलर गने उर्बस ही बचनन सिखाब'अनुम तेंगा लगियर।
पावलस अउर बरनाबासस छिन्डिरका
36जोक्क उल्ला ख़ोख़ा पावलस बरनाबाससिन बाचस, “कला, एका-एका नगरे नू उर्बस ही बचनन नाम तिंगकत रहचकत आ नगरे गुट्ठी नू किर्रोत की कलोत की पत्त'ऊ भ'इय्योरिन ख़क्खोत अउर आर एकसे र'अनर अदिन एरोत।” 37बरनाबासस मरकुस ब'अना युहन्नसिन आर ही संगे नू हो'आ बिद्दियस। 38लेकिन पावलस मरकुससिन संगे नू हो'अना ठिक मला सम्झारस, एन्देरगेका आस पामफिलिया ती आर गने छिन्डरस की केरका रहचस, अउर आर गने दवसमाचार तेंगना ही नलख नू मला केरका रहचस।#मुध चेलर १३:१३ 39आर ही मझी नू ई कोहाँ आना-नखरना मन्जा का आर ताम-ताम ती छिन्डरर अउर बरनाबासस मरकुससिन संगे नू होच्चस की सा'इप्रस तरा केरस। 40लेकिन पावलस सिलाससिन चज्जियस, अउर पत्त'ऊ भ'इय्योर ती धर्मेस ही अनुग्रह नू तंगन सोंपचस की केरस। 41पावलस सिलासस गने सिरिया अउर किलिकिया मन्जस की काला लगियस ख़ने अस्ता कलिसियन ता पत्त'उरिन पत्त'अना नू बड़ियर नन्नुम केरस।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.