मुध चेलर 17
17
थेसलोनिके नू पावलस अउर सिलासस
1पावलस अउर सिलासस अम्फिपोलिस अउर अपोल्लोनिया सहर ता डहरे मन्तेम थेसलोनिके नू बरचर। असन यहुदिर ही ओन्टा सभा'एड़पा रहचा। 2सगरो उल्ला लेखा पावलस आ यहुदिर ही सभा'एड़पा नू केरस। आस असन तिन जिरारना-उल्ला गुटी धरमपुथी ती आर गने कच्छनखरनुम रहचस। 3आस धरमपुथी ती खुल्लियस की एद'आ लगियस अउर आरिन एन्नेकी बुझाब'आ लगियस, “ख्रिस्तस दुक्खे खेपना अउर केच्चका ती उज्जा चो'अना दिम रहचा अउर एन निमन ई येसुस ही पत्त नू तेंगदन, इसुम ख्रिस्तस हिकदस।” 4आर मधे कय गोड़े पत्ताचर की पावलस अउर सिलासस तरा लग्गियर। धर्मेस ही भक्ती ननू बग्गे ग्रिकर अउर कय गोड़े मुध मुक्कर हूँ लक्का रहचर।
5लेकिन हिस्गाँहा ती निन्दरर की यहुदिर बजार ता बदमासरिन ख़ोड़चर की सहर नू हुलहुली नन्ताचर। अउर यासोनस ही एड़पा नू हमला नन्जर की पावलस अउर सिलाससिन आलर ही अगू नू ओन्दर'आ बिद्दियर। 6आरिन असन मला ख़क्खियर की यासोनस अउर जोक्क पत्त'ऊ भ'इय्योरिन सहर ता सासकर गुसन घिस्या'अनुम ओन्दरर अउर एन्ने बाचर की चिच्चियारर, “ख़ेख़ेलन उलटपुलट ननू ई आलर इसन हूँ अड़सियर केरका र'अनर। 7यासोनस आरिन तंग्हय एड़पा नू पाही उइका रहचस। अउर आर होरमर येसू ब'अना ओरोत दोसरेम बेलस र'अदस ब'आ की रोमी बेलस ही पेसका ही बिड़दो नू नलख नन्नर।” 8ई कत्थन मेन्जर की आलर अउर सहर ता सासकर घबरारर। 9आर यासोनस अउर आस ही संगे नू मन्जका आलर गने धरौटी होच्चर की आरिन अम्बियर चिच्चर।
बेरिया नू पावलस अउर सिलासस
10पत्त'ऊ भ'इय्योर तुरतेम पावलसिन अउर सिलाससिन माख़ाम बेरिया नू त'इय्यर चिच्चर। ख़ने एकाबिरी आर असन अड़सियर ख़ने आर यहुदिर ही सभा'एड़पा भितरी केरर। 11थेसलोनिके ता आलर ती बग्गे बेरिया ता आलर कोहड़े बेस्स कुना येसुस ही पत्त नू दव कत्था मेना की सगरो उल्ला पावलस बाचका कत्था मानी हिके का मल्ली ब'आ की धरमपुथी नू बेद्दा की पढ़'आ लगियर। 12औंगे असन बग्गे यहुदिर पत्ताचर। अन्नेम नामे चलरका ग्रिक मेतर मुक्कर हूँ पत्ताचर। 13लेकिन थेसलोनिके ता यहुदिर बेरिया नू हूँ पावलस धर्मेस ही दवसमाचारन तेंगदस ब'अना कत्थन अख़चर। आर असन हूँ बरचर की आलरिन पावलस ही बिड़दो नू हुचकाचर अउर हुल-हुली नना हेल्लरर। 14ताबसिले चाँड़ेम पत्त'उर पावलसिन समुन्दर गन्डा तरा कला गे त'इय्यर, लेकिन सिलासस अउर तिमोथिस असानुम रहचर। 15ख़ने पावलसिन अड़सतु'उर आसिन एथेन्स नू ओन्दरर। अउर आर “सिलासस अउर तिमोथिस एंग्हय गुसन चाँड़े बर'आ पड़ार'ओ” ब'अना पावलस ही खबर होच्चर की असते ती बिदा मन्जर।
एथेन्स सहर नू पावलस
16पावलस एथेन्स सहर नू सिलासस अउर तिमोथिसिन असरा एःरा लगियस ख़ने आ सहर मुर्तिपुजा लेके निन्दरकन इरियस की आस गे कोहड़े दुक्खे लग्गिया। 17आस यहुदिर ही सभा'एड़पा नू केरस की यहुदी अउर धर्मेस ही भक्ती ननू ग्रिक जातिता आलर गने येसुस ही पत्त नू बहस नन्जस। अन्नेम सगरो उल्ला सहर ता मुध बजार नू कालू बर'ऊ आलर गने हूँ आस कोहड़े बहस नन्जस। 18इपिक्युरी अउर स्तो'इकी ब'अना गोहड़ा ता जोक्क गुरुर हूँ आस गने आना-नखरर। आर मधे ती कय गोड़ेर बाचर, “ई बकबक ननुस एन्दरा ब'अदस?” दोसरर बाचर, “इस तो दोसरा विदेसी देवि-देवतर ही कत्था तिंगुस लेखा एथेरदस।” एन्देरगेका पावलस येसुस ही अउर आस ही केच्चका ती उज्जा चो'अना ही पत्त नू तेंगा लगियस।
19ताबसिले आसिन अरियोपागस ब'अना सभा नू होच्चर अउर मेन्जर, “एन्दरा एम अख़'आ ओंगोम का निन पुना कत्था तेंगदय इद एन्दरा हिके? 20एन्देरगेका निन एमरिन पुना कत्था गुट्ठी मेन्त'आदय। औंगे ई कत्था ही मने एन्दरा हिके अदिन एम अख़'आ बेद्दम।” 21एन्देरगेका एथेन्स ता आलर अउर असन र'ऊ विदेसिर पुना-पुना कत्था मेन्ना अउर ब'अना नू बग्गे उल्लन खन्डा लगियर।
22औंगे अरियोपागस ब'अना सभा मझी नू पावलस इज्जस की आरिन एन्ने बाचस, “एथेन्स नू र'ऊ आलरो, निम कोहड़े धार्मिक र'अदर ब'अनन एन अख़चकन। 23एन्देरगेका एन कुद्दा लक्कन ख़ने निम पुजा नन्ना चिजन इरकन ख़ने एन ओन्टा एन्ने बेदी हूँ ख़क्खकन, अइय्या नू ‘मला अख़चका देवतस ही खतरी’ खोदचका की लिखचका इरकन। औंगे नेकन निम मला अख़दर किम पुजा नन्दर, एन अक्कुन आस ही पत्त नुम निमन तेंगदन। 24धर्मेस ने ई ख़ेख़ेल अउर इय्या नू मन्जका हुरमी चिजन कमचस, आस मेर्ख़ा अउर ख़ेख़ेल ता उर्बस हिकदस। औंगे आस आलर ही ख़ेक्खा ती कमचका मन्दिर गुट्ठी नू मला र'अदस। 25आसिन एक'अम चिज ही चाड़ पड़ारका लेखा आलर ही ख़ेक्खा ती आस ही सेवा मना पड़ार'ई ब'आ की मला सोच'आ। एन्देरगेका आसुम होरमर गे जिन्गी, सास अउर हुरमी चिजन चि'अदस।#१ बेलर ८:२७; यसायाहस ४२:५; मुध चेलर ७:४८ 26गोट्टा ख़ेख़ेल नू आलर र'आ नेक'आ ब'आ की आस ओन्टम आलस ती होरमा जतियरिन कमचस अउर आरिन गोट्टा ख़ेख़ेल नू र'आ चिच्चस। आर उज्जा पड़ारना बेड़ा अउर र'अना अड्डन आस पहलेतिम तोक्चका र'अदस। 27आलर आसिन बेद्दा नेक'आ अउर हुरमी तरा बिद्दनुम-बिद्दनुम आर आसिन ख़क्खा नेक'आ ब'अना असरा नू आस एन्ने नन्जस। अन्नू हूँ धर्मेस नम्हय ती गेच्छा मल्लस। 28एन्देरगेका नाम आस नू उज्जदत, कुद्दत-नुंगदत अउर आस नुम नम्हय जिन्गी र'ई। निम्हय जोक्क कविर एन्ने बाचका र'अनर, ‘नाम आस ही दुम ख़द्दत हिकदत।’ 29एन्नेकी नाम धर्मेस ही ख़द्दत मन्जका ती धर्मेसिन आलर ही बुद्धी अउर कला ती कमरका पखना, अउर सोना ही मुरुत लेखा मला बुझरके। 30औंगे आलर केरका उल्ला नू मल बुझरना नू नन्जका नलखन धर्मेस वास्ता मल नन्जस। लेकिन अक्कू धर्मेस होरमा आलरिन ‘तम्हय-तम्हय पापन अम्बा की जियन किर्त'आ’ ब'आ की पेसका र'अदस। 31एन्देरगेका आस ओन्द उल्ला तोक्चका चिच्चका र'अदस, एका उल्ला आस तान चाज्जका ओरोत आलस ती ख़ेख़ेल ता गोट्टे आलरिन इन्साफ ननोस। आसिन केच्चका ती उज्जताचस की आस होरमा आलरिन इदिही सबुत चिच्चका र'अदस।”
32एकाबिरी आर केच्चका ती उज्ज चो'अना ही पत्त नू मेन्जर ख़ने कय गोड़ेर अलखियर लेकिन कय गोड़ेर, “एम फेर ई पत्त नू निंग्हय कत्थन मेनोम।” बाचर। 33अदिही ख़ोख़ा पावलस आर ही मझी ती चले केरस। 34लेकिन जोक्क आलर आस ही संगे लग्गियर, अउर पत्ताचर। आर मधे अरियोपागस ब'अना सभा ता डियनुसियसस अउर दामारिस नामे मन्जका ओरोत आली, अउर दोसरर हूँ रहचर।
Currently Selected:
मुध चेलर 17: KRUX
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
मुध चेलर 17
17
थेसलोनिके नू पावलस अउर सिलासस
1पावलस अउर सिलासस अम्फिपोलिस अउर अपोल्लोनिया सहर ता डहरे मन्तेम थेसलोनिके नू बरचर। असन यहुदिर ही ओन्टा सभा'एड़पा रहचा। 2सगरो उल्ला लेखा पावलस आ यहुदिर ही सभा'एड़पा नू केरस। आस असन तिन जिरारना-उल्ला गुटी धरमपुथी ती आर गने कच्छनखरनुम रहचस। 3आस धरमपुथी ती खुल्लियस की एद'आ लगियस अउर आरिन एन्नेकी बुझाब'आ लगियस, “ख्रिस्तस दुक्खे खेपना अउर केच्चका ती उज्जा चो'अना दिम रहचा अउर एन निमन ई येसुस ही पत्त नू तेंगदन, इसुम ख्रिस्तस हिकदस।” 4आर मधे कय गोड़े पत्ताचर की पावलस अउर सिलासस तरा लग्गियर। धर्मेस ही भक्ती ननू बग्गे ग्रिकर अउर कय गोड़े मुध मुक्कर हूँ लक्का रहचर।
5लेकिन हिस्गाँहा ती निन्दरर की यहुदिर बजार ता बदमासरिन ख़ोड़चर की सहर नू हुलहुली नन्ताचर। अउर यासोनस ही एड़पा नू हमला नन्जर की पावलस अउर सिलाससिन आलर ही अगू नू ओन्दर'आ बिद्दियर। 6आरिन असन मला ख़क्खियर की यासोनस अउर जोक्क पत्त'ऊ भ'इय्योरिन सहर ता सासकर गुसन घिस्या'अनुम ओन्दरर अउर एन्ने बाचर की चिच्चियारर, “ख़ेख़ेलन उलटपुलट ननू ई आलर इसन हूँ अड़सियर केरका र'अनर। 7यासोनस आरिन तंग्हय एड़पा नू पाही उइका रहचस। अउर आर होरमर येसू ब'अना ओरोत दोसरेम बेलस र'अदस ब'आ की रोमी बेलस ही पेसका ही बिड़दो नू नलख नन्नर।” 8ई कत्थन मेन्जर की आलर अउर सहर ता सासकर घबरारर। 9आर यासोनस अउर आस ही संगे नू मन्जका आलर गने धरौटी होच्चर की आरिन अम्बियर चिच्चर।
बेरिया नू पावलस अउर सिलासस
10पत्त'ऊ भ'इय्योर तुरतेम पावलसिन अउर सिलाससिन माख़ाम बेरिया नू त'इय्यर चिच्चर। ख़ने एकाबिरी आर असन अड़सियर ख़ने आर यहुदिर ही सभा'एड़पा भितरी केरर। 11थेसलोनिके ता आलर ती बग्गे बेरिया ता आलर कोहड़े बेस्स कुना येसुस ही पत्त नू दव कत्था मेना की सगरो उल्ला पावलस बाचका कत्था मानी हिके का मल्ली ब'आ की धरमपुथी नू बेद्दा की पढ़'आ लगियर। 12औंगे असन बग्गे यहुदिर पत्ताचर। अन्नेम नामे चलरका ग्रिक मेतर मुक्कर हूँ पत्ताचर। 13लेकिन थेसलोनिके ता यहुदिर बेरिया नू हूँ पावलस धर्मेस ही दवसमाचारन तेंगदस ब'अना कत्थन अख़चर। आर असन हूँ बरचर की आलरिन पावलस ही बिड़दो नू हुचकाचर अउर हुल-हुली नना हेल्लरर। 14ताबसिले चाँड़ेम पत्त'उर पावलसिन समुन्दर गन्डा तरा कला गे त'इय्यर, लेकिन सिलासस अउर तिमोथिस असानुम रहचर। 15ख़ने पावलसिन अड़सतु'उर आसिन एथेन्स नू ओन्दरर। अउर आर “सिलासस अउर तिमोथिस एंग्हय गुसन चाँड़े बर'आ पड़ार'ओ” ब'अना पावलस ही खबर होच्चर की असते ती बिदा मन्जर।
एथेन्स सहर नू पावलस
16पावलस एथेन्स सहर नू सिलासस अउर तिमोथिसिन असरा एःरा लगियस ख़ने आ सहर मुर्तिपुजा लेके निन्दरकन इरियस की आस गे कोहड़े दुक्खे लग्गिया। 17आस यहुदिर ही सभा'एड़पा नू केरस की यहुदी अउर धर्मेस ही भक्ती ननू ग्रिक जातिता आलर गने येसुस ही पत्त नू बहस नन्जस। अन्नेम सगरो उल्ला सहर ता मुध बजार नू कालू बर'ऊ आलर गने हूँ आस कोहड़े बहस नन्जस। 18इपिक्युरी अउर स्तो'इकी ब'अना गोहड़ा ता जोक्क गुरुर हूँ आस गने आना-नखरर। आर मधे ती कय गोड़ेर बाचर, “ई बकबक ननुस एन्दरा ब'अदस?” दोसरर बाचर, “इस तो दोसरा विदेसी देवि-देवतर ही कत्था तिंगुस लेखा एथेरदस।” एन्देरगेका पावलस येसुस ही अउर आस ही केच्चका ती उज्जा चो'अना ही पत्त नू तेंगा लगियस।
19ताबसिले आसिन अरियोपागस ब'अना सभा नू होच्चर अउर मेन्जर, “एन्दरा एम अख़'आ ओंगोम का निन पुना कत्था तेंगदय इद एन्दरा हिके? 20एन्देरगेका निन एमरिन पुना कत्था गुट्ठी मेन्त'आदय। औंगे ई कत्था ही मने एन्दरा हिके अदिन एम अख़'आ बेद्दम।” 21एन्देरगेका एथेन्स ता आलर अउर असन र'ऊ विदेसिर पुना-पुना कत्था मेन्ना अउर ब'अना नू बग्गे उल्लन खन्डा लगियर।
22औंगे अरियोपागस ब'अना सभा मझी नू पावलस इज्जस की आरिन एन्ने बाचस, “एथेन्स नू र'ऊ आलरो, निम कोहड़े धार्मिक र'अदर ब'अनन एन अख़चकन। 23एन्देरगेका एन कुद्दा लक्कन ख़ने निम पुजा नन्ना चिजन इरकन ख़ने एन ओन्टा एन्ने बेदी हूँ ख़क्खकन, अइय्या नू ‘मला अख़चका देवतस ही खतरी’ खोदचका की लिखचका इरकन। औंगे नेकन निम मला अख़दर किम पुजा नन्दर, एन अक्कुन आस ही पत्त नुम निमन तेंगदन। 24धर्मेस ने ई ख़ेख़ेल अउर इय्या नू मन्जका हुरमी चिजन कमचस, आस मेर्ख़ा अउर ख़ेख़ेल ता उर्बस हिकदस। औंगे आस आलर ही ख़ेक्खा ती कमचका मन्दिर गुट्ठी नू मला र'अदस। 25आसिन एक'अम चिज ही चाड़ पड़ारका लेखा आलर ही ख़ेक्खा ती आस ही सेवा मना पड़ार'ई ब'आ की मला सोच'आ। एन्देरगेका आसुम होरमर गे जिन्गी, सास अउर हुरमी चिजन चि'अदस।#१ बेलर ८:२७; यसायाहस ४२:५; मुध चेलर ७:४८ 26गोट्टा ख़ेख़ेल नू आलर र'आ नेक'आ ब'आ की आस ओन्टम आलस ती होरमा जतियरिन कमचस अउर आरिन गोट्टा ख़ेख़ेल नू र'आ चिच्चस। आर उज्जा पड़ारना बेड़ा अउर र'अना अड्डन आस पहलेतिम तोक्चका र'अदस। 27आलर आसिन बेद्दा नेक'आ अउर हुरमी तरा बिद्दनुम-बिद्दनुम आर आसिन ख़क्खा नेक'आ ब'अना असरा नू आस एन्ने नन्जस। अन्नू हूँ धर्मेस नम्हय ती गेच्छा मल्लस। 28एन्देरगेका नाम आस नू उज्जदत, कुद्दत-नुंगदत अउर आस नुम नम्हय जिन्गी र'ई। निम्हय जोक्क कविर एन्ने बाचका र'अनर, ‘नाम आस ही दुम ख़द्दत हिकदत।’ 29एन्नेकी नाम धर्मेस ही ख़द्दत मन्जका ती धर्मेसिन आलर ही बुद्धी अउर कला ती कमरका पखना, अउर सोना ही मुरुत लेखा मला बुझरके। 30औंगे आलर केरका उल्ला नू मल बुझरना नू नन्जका नलखन धर्मेस वास्ता मल नन्जस। लेकिन अक्कू धर्मेस होरमा आलरिन ‘तम्हय-तम्हय पापन अम्बा की जियन किर्त'आ’ ब'आ की पेसका र'अदस। 31एन्देरगेका आस ओन्द उल्ला तोक्चका चिच्चका र'अदस, एका उल्ला आस तान चाज्जका ओरोत आलस ती ख़ेख़ेल ता गोट्टे आलरिन इन्साफ ननोस। आसिन केच्चका ती उज्जताचस की आस होरमा आलरिन इदिही सबुत चिच्चका र'अदस।”
32एकाबिरी आर केच्चका ती उज्ज चो'अना ही पत्त नू मेन्जर ख़ने कय गोड़ेर अलखियर लेकिन कय गोड़ेर, “एम फेर ई पत्त नू निंग्हय कत्थन मेनोम।” बाचर। 33अदिही ख़ोख़ा पावलस आर ही मझी ती चले केरस। 34लेकिन जोक्क आलर आस ही संगे लग्गियर, अउर पत्ताचर। आर मधे अरियोपागस ब'अना सभा ता डियनुसियसस अउर दामारिस नामे मन्जका ओरोत आली, अउर दोसरर हूँ रहचर।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.