Sekaria 3

1 # Kag 1:1; Yob 1:6; Esr 5:2; Apu 12:10. Abu ŋesi ketodik eoŋ Yosua esasedoti lopeti, ebwoi kakonyen nuka emalaika loka EJAKAIT, ebwoi Satan da kakekan nakoteten araun loka surupike. 2#Sab 109:31; Mat 4:10; Luk 22:31; Yud 1:9; Rom 16:20; 8:33; 11:5. Kotema EJAKAIT Satan atiar, “Kitoron EJAKAIT jo, Satan! Eebo, EJAKAIT loabu koseu Yerusalem kitoron jo! Mere lo akalas naalemuna kakim?” 3#Isa 64:6. Konapit Yosua inapen lumodok, ebwoi kakonyen nuka emalaika. 4#Apu 19:8. Koboŋok, kolimok ŋul luebwoete kakonyeneke ebe, “Kolacak ŋes inapen lumodok.” Kotema ŋes atiar, “Koany, alaca numam edolitokon kamakon, ketanapi do jo igoen luejokuka cut.” 5#Any 29:6. Kabala ebe, “Kitanapikis ŋes egoe loelai lokieniena akouke.” Kitanapikis ca egoe loelai lokieniena akouke, kitanap da inapen; kobwo emalaika loka EJAKAIT kodieke.

6Kitogogon emalaika mama ejai Yosua kobala ebe, 7#Ikis 17:9.“Inera kwanata EJAKAIT loka aioresio ebe: Arai ilosenenei korotinika, arai da iricit aicorakineteka, ŋes konyet itubokinia ekatogo, idari da alaroika, kainakini eoŋ jo aibois alomunun nepepe kanul luebwoete kodie. 8#Isa 42:1; 4:2; Yer 23:5; 33:15; Sek 6:12. Kopup bo ijo, Yosua, esasedoti lopeti, ijo ka ipaupakon luibojete kakonyenekon; naarai kes ituŋa lueraas aanyunet; naarai koany, etolomikini ekakeiaanakinan Atenut. 9#Isa 28:16; 53:4; Apu 5:6. Naarai koany, amoru naebwaikinit kakonyen nuka Yosua; ejaas akonye akanykaarei kamoru: koany, ebala EJAKAIT loka aioresio ebe, Egirakini emaeareteke, alemari da numam adolit naka akwap kana kadiopepaaran. 10#1 Ika 4:25; Mik 4:4. Ebala EJAKAIT loka ajoresio ebe, Kapaaran kaŋin inyaraunete yesi ŋinitunanan ekeidunyet kwap kemusabibuke ido kwap ketinike.”

Currently Selected:

Sekaria 3: AOV1961

Highlight

Copy

Compare