Sekaria 2

1 # Esk 40:3; Sek 1:16. Keteluo akakonye kete, ido koany, etuŋanan loitinit auno nakitemis kakanike. 2#Apu 11:1. Kasodi atemar ebe, “Ai bo ilosi ijo?” Katema ŋesi eoŋ atiar, “Aitem Yerusalem, aanyun alalauke, ka aoiauke da.” 3Ido koany, koloma emalaika lokinera keoŋ, kolom eeemalaika aisiriamar ŋes. 4#Esk 36:10. Kotema ŋes atiar, “Koker, kinera kekatumunan kanol ebe, ‘Ejaunos luibojete ko Yerusalem kwape koreria lumam ebwaitai, kanuka aipues naka ituŋa ka ibaren kotoma. 5#Sab 46:11; Isa 4:5; Apu 21:23. Naarai ebala EJAKAIT ebe, Araun eoŋ arwatat naka akim airimor ŋes, araun da aibuses kidiŋike.’”

6 # Ikis 28:64. Yesi ba, ebala EJAKAIT ebe, Yesi ba, kokerata anyoun kakwap naka agolitomei: naarai ebala EJAKAIT ebe, Kesiarisiari yes kwape kikwamin iwonon luka akuj. 7Ŋo ba, Sion, koyuun bon, ijo loiboiete kakoku naka Babulon. 8#2 Ses 1:6. Naarai inera EJAKAIT loka ajoresio kwanata ebe: Akaulo kaibuses abu kejuk eoŋ mama ejaas atekerin nukinatarito jo: naarai ŋin yenikitirori jo etirorit eeopot loka akonuke: 9“Naarai, koany, elakilaki akakan kamakee, eraunos amejei mama ejaas ŋul lueiaanakinete kes. Ŋenunete do ebe kejuku EJAKAIT loka ajoresio eoŋ. 10#Leb 26:12; 2 Kor 6:16. Koye, kolel, ijo akoku naka Sion; naarai ebala EJAKAIT ebe, Koany, abuni, eboikini mamakon. 11#Isa 2:2,3; Any 12:49; Esk 33:33. Imorikikinos atekerin nuipu mama ejai EJAKAIT kapaaran kaŋin, eraunos ikatuŋa; eboikini mamakon, iienunete do ebe kejuku EJAKAIT loka aioresio eoŋ mamakono 12#Ikis 32:9. Irumi EJAKAIT Yuda bala ewaike kakwap nakalaunan, eseuni bobo Yerusalem.”

13 # Sab 46:10; Kbk 2:20; Rom 3:19. Kililinata, awat kere, kakonyen nuka EJAKAIT: naarai akwenyu ŋesi anyoun kaiboisike nakalaunan.

Currently Selected:

Sekaria 2: AOV1961

Highlight

Copy

Compare