Iromayon 16

1Eturit Poibe kinaciwok kamakus, naerai akejaanakinan naka ekanisa loka Kenekerea, 2tetere isukunyikinete ŋes kotoma Ejakait kwape ibusakinitor lukalaunak, kisigalikis ŋes kotoma akirot kere naipuda kamakus, naarai arau ŋesi akeŋarakinan naka ituŋa luipu, ka eoŋ da elopet.

3 # Asw 18:2,18,26. Kiyogata Pirisika ka Akuila ikeswamak lukaupaka kotoma Kristo Yesu, 4luakapakina cut ajepario akwesikec kanuka aijaraka, luemalai, kwabo mere eoŋ bon konye ikanisan kere luka Imo, 5#1 Kor 16:15. kiyogata da ekanisa loejai togokec. Kiyogata Epaineto lominataka, loerai losodit loko Asia kotoma Kristo. 6Kiyogata Mariam, nakitaaritoi noi kanukus. 7#2 Kor 8:23. Kiyogata Anderoniko ka Yunia ipajenaka ka ikijoreoritono nepepe keoŋ; luejenikina kokiyakia, lukageikinete eoŋ toma Kristo. 8Kiyogata Amupiliato lominataka toma Ejakait. 9Kiyogata Urubano ekeswaman aupawok toma Kristo, ka Sitakus lominatakaŋ. 10Kiyogata Apele, loecamunitai toma Kristo. Kiyogata lukokale loka Arisitobolo. 11Kiyogata Kerodion epajenaka, Kiyogata lukokale loka Narakiso luejaas toma Ejakait. 12Kiyogata Turupaina, ka Turuposa nuitaaritos toma Ejakait. Kiyogata Perisida naminat, naitaaritoi noi toma Ejakait. 13#Mk 15:21. Kiyogata Rupo loseuna toma Ejakait, ka totoke ka nakaŋ da. 14Kiyogata Asunikirito, ka Pelegon, ka Kereme, ka Pataroba, ka Kerema, ka iinacan luejaas nenipe kakes. 15Kiyogata Pilologo ka Yulia, ka Nerea ka inacike, ka Olumupa, ka lukalaunak kere luejaas kakes. 16#1 Kor 16:20; 1 Pet 5:14. Kiyoganakinos bonik ka bonik kainu nakalaunan. Kiyogaete yes ikanisan kere luka Kristo.

17 # Mat 7:15; Tit 3:10. Keŋaiŋait yes iinacan, kocoito ŋul lueyaunete atiaketa ka nuitiguikinete, asurokin aisisianakin naipotu yesi kisisiata; kinacata kes. 18#Pil 3:19; Esk 13:18; Kol 2:4; 2 Pet 2:3. Naarai luikote kwaŋin mam ijaanakinete Ejakaitiwok Kristo, dimarai akecekoikes; iŋalaarete itauon luka luemamei akirot kanuka akecekiro nuejijim nuijodijodete. 19#Rom 1:8; Mat 10:16; 1 Kor 14:20. Naarai adolok akusirima ituŋa kere. Aso aleli kanukus, konye akoto yes koraas lukacoa kotoma akiro kanuejok, ka luiyapaara kotoma akiro kanueroko. 20#Rom 15:33; Age 3:15. Edeke da loka ainapakin idecideci Satan atipet kwap kakejenekus.

Asianut naka Ejakaitiwok Yesu Kristo kojai kayes.

21 # Asw 16:1; 19:22; 20:4; Pil 2:19. Kiyogai yes Timoteo ekeswaman aupaka; ka Lukio ka Yason ka Sosipater, ipajenaka.

22Eoŋ Teretio, ekewadikan ebalua lo, keyogai yes toma Ejakait.

23 # Asw 19:29; 1 Kor 1:14; 2 Tim 4:20. Kiyogai da Gaio lokesipejo eoŋ ka ekanisa kere. Erasito, ekeŋadan loka ere, ka Kuarito onacewok, kiyogaete.

[ 24Asianut naka Ejakaitiwok Yesu Kristo kojai kayes kere.]

25 # Pes 1:9; 3:5,9; Kol 1:26. Mama ejai ŋol loepedori aitogogoŋ yes kwape ejaatar Akakiro Nukajokak, ka alimonokinio naka Yesu Kristo, kwape ejaar apukokinio naka aiyeiyea naimunonitai ameun ikar lupeŋo, 26#2 Tim 1:10; Rom 1:5. konye kwana itakanunitai, ido kanuka aiwadikaeta nuka inabin itejenunitai mama ejaas atekerin kere kwape kicorakinitor Edeke loka ikar kere tetere erimarete aiyuun— 27#1 Tim 1:17; Yud 1:25. Mama ejai Edeke bon lokacoa kojai aibuses kotoma Yesu Kristo ikar ka ikar. Amen.

Currently Selected:

Iromayon 16: AOV1961

Highlight

Compare

Copy