Matayo 4
4
1 #
Mk 1:12,13; Luk 4:1-13. Kosodi Emoyo kitodoka Yesu amodiŋ tetere Satan ecoduni ŋes. #Bur 2:18; 4:15. 2#Any 34:28; 1 Ika 19:8. Koluŋ apaarasia akaisaoŋon apaaran ka akuare, kosodi konyet korieb eteŋei,
3 #
Age 3:1-7. Kobu ekacodan, kotema ŋes atiar, “Arai tope irai ijo Okoku loka Edeke, kicorak amor nu koraunos atap.” 4#Ikis 8:3. Konye Koboŋok ebe, “Iwadikatai ebe, Mam ituŋanan ejari kanuka atap bon, nabarai kanuka ŋinikirot naelomuni kaituk naka Edeke.” 5#Mat 27:53. Kosodi Satan ayaŋaar ŋes ore lokalaunan; kisibwo koswi loka eyekalu, 6#Sab 91:11-12. kolimok ebe, “Arai tope irai ijo Okoku loka Edeke, kosomari kwap: naarai iwadikatai ebe,
Einakini ikemalaikan aidar jo, Kidakete jo kakaninikec,
Kinyek amoru aiguikin akonikeju.”
7 #
Ikis 6:16. Kotema Yesu atiar, “Iwadikatai bobo ebe, Sirikodununei Ejakait Ekonideke.” 8Koyaŋa bobo Satan ŋes oroŋat loicelelei noi, kitodianak ajakanuto kere nuka akwap, ka aibusesukec; 9kotema ŋes atiar, “Kainakini ŋun kere, arai kibiror aima eoŋ.” 10#Ikis 6:13. Kosodi kotema Yesu atiar, “Irwa, Satan; naarai iwadikatai ebe,
Komaenenei Ejakait Ekonideke, Kijaanakinenei ŋes bon.”
11 #
Yok 1:51; Bur 1:6,14. Kosodi kinye Satan ŋes; ido koany, kopotu imalaikan kijaanakis ŋes. 12#Mk 1:14,15; Luk 4:14,15. Nakepupunio ŋes ebe ekamar Yokana, kolot Galilaya; #Mat 14:3; Mk 6:17; Luk 3:19-20. 13#Yok 2:12. konyou koNasaret, kobu kiboikin Kaparanaum, loidunyas aŋolol, koikorun luka Sebulun ka Naputali, 14#Isa 9:1. tetere itodolikinio akirot naenerit Isaia enabi ebe, 15“Akwap naka Sebulun, ka akwap naka Naputali,
Abear aŋolol, kokekwa Yorodan,
Galilaya naka Imo,
16Ituŋa lueboiete kamuton, Aanyut aica naepol,
ŋul da lueboiete kakwap ka etoribe loka atwanare, Eliyaiki aica.”
17 #
Mat 3:2. Agear kapak kaŋin kogeu Yesu alimonokin, ebala ebe, “Kitoronikinos; naarai aapu ajakanut naka akuj.”
18 #
Mk 1:16-20; Luk 5:1-11. Nakitoritor ariri kaŋolol naka Galilaya, koany iinacan iarei, Simon loenyaritai Petero, ka Anderea onaceke, ecakakinete eboi aŋolol; naarai keraas ikalokak. #Yok 1:40. 19#Mat 13:47; Esk 47:10. Kotema kes atiar, “Kotupunai, eoŋ da ketaraun yes ikalokak ituŋa.” 20#Mat 19:27. Atipet kinyeis iboyanakec, kotupasi ŋes. 21Kikunyak kiŋaren koany iinacan ice iarei, Yakob okoku loka Sebedayo, ka Yokana onaceke, lukejaas ataker nepepe ka Sebedayo papakec, erucete iboyanakec; konyarau kes. 22Atipet kinyeis ataker ka papakec, kotupasi ŋes.
23 #
Mat 9:35; Mk 1:39; Luk 4:15,44; Asw 10:38. Kimanimani Yesu Galilaya kere, kisisianakini kotoma atukosiakec, kolimonokini da akiro nukajokak nuka ajakanut, kitaŋaleununei ŋinidek, ka akalanyanut kere kotoma otuŋa. 24#Mk 6:55. Kikaikin ekeemut Suria kere: koinunai ituŋa kere lukedekas, lukikamunito iponesio luegelegela luka adekesia, ka ariebo, lukajokina, ka lukipumu, ka lukasenyak da; kitaŋaleu kes. 25#Mk 3:7,8; Luk 6:17-19. Kotupasi ŋes ikodeta luipu lukepote koGalilaya ka Dekapoli, ka Yerusalem, ka Yudaya, ka okekwa Yorodan da.
Currently Selected:
Matayo 4: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.