Matayo 3
3
1 #
Mk 1:1-8; Luk 3:3-18. Kapaarasia kaŋun kobu Yokana Ekebatisan, elimonokini kamodiŋ naka Yudaya, #Luk 1:13. 2#Mat 4:17; Mk 1:15. ebala ebe, “Kitoronikinos; naarai aapu ajakanut naka akuj.”
3 #
Isa 40:3; Yok 1:23. Naarai ŋol ŋes lokinerai kama ka Isaia enabi ebe,
“Eporoto loka loiworoi kamodiŋ ebe,
Kitemonokisi erot loka Ejakait,
Kitetenata ikesokono.”
4 #
2 Ika 1:8. Konapenenei Yokana ŋol egoe loka ajul nuka ekaala, ka amunyo kaŋabetekeŋ; ikenyamat da keraas emaase ka esik loka ais. 5Kosodete kolomasi mama ejai lukoYerusalem ka luko Yudaya kere, ka lukakwapin kere nuidunyas Yorodan; 6kibatisa ŋesi kes kocor Yorodan, kolimonorete akecediakanareta.
7 #
Mat 12:34; 23:33; Age 3:15. Konye nakeanyunia ŋesi epote Iparisayon ka Isadukayon luipu aibatisao, kolimok kes ebe, “Yes aur naka imusagan, iŋai bo kiikwenyari yes akerit anyunyura naebunit? 8Aso koraata araito nuibusakinito aitoronikin: 9#Yok 8:33,39; Rom 2:28,29; 4:12. kwabo siriwomito kotauonokus ebe, ‘Ejai oni Aburaam papaawok’: naarai kalimokini yes ebe epedori Edeke aitonyoikin Aburaam idwe kotoma amoru kanu. 10#Mat 7:19; Luk 13:6-9; Yok 15:6. Nati kwape kwana da ibwaikinitai aep atoromin nuka ikito: aso ŋolikitoi lomam erai araito nuejok ejepario, ka acakakin akim.
11 #
Yok 1:15,26,27,33; Asw 1:5. “Abeit eoŋ ebatisai kakip kanuka aitoronikin: konye loebuni atupakin eoŋ ketelekarit eoŋ agogoŋ, mam kebusakinit akodit akemuk; kibatisai ŋol yes kEmoyo Lokalaunan, ka akim. 12#Mat 13:30. Ejai ekeritei akanike, epiari cut ekepejal; etukonokini akimake odula, konye icwei agugu kakim namam itudeŋio.”
13 #
Mk 1:9-11; Luk 3:21-22; Yok 1:31-34. Kosodi konyou Yesu koGalilaya, kobu Yorodan mama ajai Yokana aibatisao. 14Konye kokoto Yokana aitikokin, ebala ebe, “Epuda jo aibatis eoŋ, ijo da ibuni mamakaŋ?” 15Konye Koboŋok Yesu, kolimok ŋes ebe, “Kocam do kwana; naarai kwaŋin ibusakinitor oni aitodol adolit kere.” Kosodi kocam. 16Nakedaunia Yesu aibatisao, atipet kodoku kakipi: ido koany, kopukokin akuj, koany Emoyo loka Edeke ijesun kwape ajele, ebuni mamakeŋ; 17#Age 22:2; Sab 2:7; Isa 42:1; Mat 12:18; 17:5; Mk 1:11; Luk 9:35. ido koany, kobu eporoto kokuju ebe, “Lo ŋes Okokuka lominat, loalelia eoŋ noi.”
Currently Selected:
Matayo 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.