Yosua 3

1 # Mar 25:1; 33:49; Yos 2:1. Konyou Yosua tupuruc sek, konyout koSitim, kodoloto Yorodan, ŋes ka idwe kere luka Isirael; koperoto nen eroko kedoka. 2#Yos 1:10,11. Kosodi kanen ketuboros apaarasia auni, kitoro ijaka kidiŋ kiidukurun; 3#Mar 10:33; Ikis 31:9. Kicorakis ituŋa ebe, “Naianyuniata asaduku naka aitutuket naka EJAKAIT Ekusideke, ka isasedotin Ilebin edakitos ŋes, inyounete do kaiboisiokus, kotupasi ŋes. 4#Any 19:12; Ikis 28:58; 1 Siit 16:30; Sab 2:11; 96:9; Bur 12:28. Konye ejaun apak kidiŋikus ka ŋes, aitemis naka ikubitin #3:4 ekubit itemi aojau bala 1’ 6” ilukumin iarei: sirikikunyakis ŋes, tetere ijenunete erot lokibusakinit aitor; naarai mam ber lem yes itorito orot lo.” 5#Any 10:10; Leb 20:7; Mar 11:18; Yos 7:13; 1 Sam 16:5; Yok 2:16. Kotema Yosua ituŋa atiar, “Kitalaunos, naarai iswamai moi EJAKAIT nukaumokin kamakus.” 6#Mar 4:15. Kotema Yosua isasedotin atiar, “Kodakata asaduku naka aitutuket, kiŋarenikis ituŋa adokar.” Apotu kodakata asaduku naka aitutuket, kiŋarenikis ituŋa alosit.

7 # Yos 4:14; 1 Siit 29:25; 2 Siit 1:1. Kotema EJAKAIT Yosua atiar, “Ageuni eoŋ lolo aitopoloor jo kakonyen nuka Isirael kere, tetere ejenunete ebe kwape ajaar kolo ka Musa, ajaikin kwape kwaŋin kajo da. 8Icorakini ijo isasedotin luedakito asaduku naka aitutuket ebe, ‘Naidolioto ariri kakipi nuka Yorodan, ibwoete kopalarito koYorodan.’ ”

9Kotema Yosua idwe kere luka Isirael atiar, “Kopotu ne, kopuput akiro nuka EJAKAIT Ekusideke.” 10#Ikis 5:26; 1 Sam 17:26; 2 Ika 19:4; Kos 1:10; Mat 16:16; 1 Ses 1:9; Any 33:2; Ikis 7:1; Sab 44:2. Kotema Yosua atiar, “Ijenunete kanu ebe ejai Edeke lokajaran mamakus, ebe da mam ekurwori cut aireŋear Ekanaanit, ka Ekitit, ka Ekibit, ka Eperisit, ka Egirugasit, ka Emorait, ka Eyebusit kakonyenekus. 11#Sab 24:1; Yob 41:11; Mik 4:13; Sek 4:14; 6:5. Koany, kiŋarenikinit yes asaduku naka aitutuket naka EJAKAIT loka akwap kere adokar Yorodan. 12#Yos 4:2. Aso do koseutu ituŋa itomon ka luarei luka atekerin nuka Isirael, etuŋanan kanuka ŋiniteker. 13#Any 15:8; Sab 78:13; 114:3; Kbk 3:15. Kosodi kanen, naicakiata akeje nuka isasedotin luedakito asaduku naka EJAKAIT, EJAKAIT loka akwap kere, akipi nuka Yorodan, itikorio akipi nuka Yorodan, ka neeleleununiata; esipokinos atukit adiopet.”

14 # Any 25:10; 26:30; Mar 10:3; 2 Siit 6:41; Sab 132:8; Asw 7:45; Bur 9:4. Kosodi kanen, naanyounioto ituŋa kowemanakec aidok Yorodan, apotu isasedotin luadakito asaduku naka aitutuket kiŋarenikinito ituŋa: 15#1 Siit 12:15; Yer 12:5; 49:19; Yos 4:18; 5:10,12. Kedoloto luadakito asaduku Yorodan, kicakata akeje nuka isasedotin luadakito asaduku akipi, (naarai ilelebunun Yorodan kiton aririke kere, apak kere naka aisak,) 16#1 Ika 4:12; 7:46; Ikis 3:17; Age 14:3; Mar 34:3. Kosipokinos akipi nualeleunete, koraunos atukit adiopet, kaneelwana noi, koAdam, ere loidunyas ka Saretan: akipi da nueleleete aŋolol naka Araba, ŋes Aŋolol naka Abalaŋ, kitikoroi; kotuboros ituŋa kiton Yeriko. 17#Any 14:29; Bur 11:29. Kobwaata isasedotin luadakito asaduku naka aitutuket naka EJAKAIT kaneonit, kokidiŋ Yorodan, kotubor Isirael kere kaneonit, aitodol neatuboror cut ateker kere koYorodan.

Currently Selected:

Yosua 3: AOV1961

Highlight

Copy

Compare