Yosua 2

1 # Bur 11:31; Yak 2:25; Mar 25:1; Mat 1:5. Kijuka Yosua okoku loka Nun ituŋa iarei anyoun koSitim airot akwap kaiyeiyea, kobala ebe, “Koloto korota akwap, ka Yeriko.” Apotu koloto kodoloto togo loka naadote ekekiror Rakab, koperoto nen. 2#Sab 127:1; Awa 21:30. Kolimokinai ekabaka loka Yeriko ebe, “Koany, elomunito ituŋa ne luka idwe luka Isirael akuare na airot akwap,” 3Kijukak ekabaka loka Yeriko Rakab atiar, “Kitolom ituŋa lueponito neijai ijo, lualomasi togokon: naarai eponito airot akwap kere.” 4#2 Sam 17:19; 2 Ika 6:19. Koyaŋa aberu ituŋa ŋul luarei, kibwa kes; kotema atiar, “Eebo, aponito ituŋa neajai eoŋ, konye mam ajeni neaponiata: 5Kosodi kapak naagolere erute, kemutonor akwap, apotu ituŋa kolomasi: mam ajeni neapotu koloto: aso kibwapakisi kes atipet; naarai idolokinete kes.”

6 # Any 1:17. Konye abu ŋesi koyaŋa kes oswi, kibwa kes kakopit nuka abirai nualoikinit ŋesi oswi. 7Kibwapata ituŋa kes korot loebei Yorodan, kiton odoket: napelomarete luebwapito kes kiŋa kogolokinoi erute.

8Eroko kes kepero, abu aberu kolot oswi neajaas kesi; 9#Age 35:5; Any 15:15; 23:27; Ikis 2:25; 11:25. Kotema ŋesi ituŋa atiar, “Ajeni ebe kiinak EJAKAIT yes akwap, kibunok da isio etasurokus, luiboiete kakwap kere eburunito kakonyenekus. 10#Any 14:21; Mar 21:21-35; Yos 4:23. Naarai kipupu kwape etoonio EJAKAIT akipi nuka Aŋolol Nakareŋan kakonyenekus, nailomuniata koMisiri; ka nuipotu yesi kiswamakis ikabakan iarei luka Imorain, luajaas okekwa loka Yorodan, kes Sikon ka Og, luipotu yesi komudiasi cut. 11#Any 15:14,15; Yos 5:1; 7:5; Isa 13:7; Ikis 4:30; 1 Ika 8:60; Sab 83:18; 105:21; Yer 16:19,21; Dan 4:34,35; Sek 8:20,23. Napekipupunio isio ŋun, apotu ikositauon koburut, kipirisiar etau loka ŋinituŋanan kanukus: naarai EJAKAIT Ekusideke, ŋes Edeke kokuju toma akuj, kokwap da toma akwap. 12#1 Sam 20:14-17; Pes 6:1,2; 1 Tim 5:8. Aso do, keŋaiŋait, kiyapoikinoi eoŋ, kolimitos EJAKAIT, naarai kekonak yes nukasianut, yes da kikonakis ekaloka papaka nukasianut, koinakis eoŋ aanyunet nakabeit: 13Ebe itajarete papaka; ka totoka, ka iinacanaka, ka ainacanaka, kere da luejaatar kesi, iyuunete aijarakosi kotoma atwanare.” 14#Tub 1:24; Mat 5:7. Kotemasi iruŋa ŋes atiar, “Akosiijar itia nakus, arai mam ilimorete akosikiro nu; ejaun do ebe, nakiinakinia EJAKAIT sio akwap, kikonakini jo nukasianut ka nukabeit.”

15 # Asw 9:25; Bur 11:31. Kosodi do ŋesi aijoluluun kes kauno kadirisa; naarai ajai etogoke arwatat naka ere, kiboienenei ŋesi karwatat. 16Kotema kes atiar, “Kodokasi oroŋat, kinyeis lukibwapito adumun yes; koŋopata kanen apaarasia auni aitodol naeboŋunioto lukibwapito: akaulo kaŋun ilosete konyet.” 17#Any 20:7. Kotemasi ituŋa ŋes atiar, “Emamuunete nukibeikinete sio kanuka aiyapositikon na nakisiyapo ijo sio. 18#Age 7:1; 19:12,17; Est 8:6; Asw 11:14; 2 Tim 1:16. Koany, nakilomunia isio akwap, ienikini auno na nakareŋan adirisa nakijolulunio ijo sio: itukokini papakon ka totokon ka iinacanakon, ka lukokaloka papakon kere togo mama ijai. 19#Mar 35:26,27; Mat 27:25. Ejaun do ebe, nin yenelomuni kotogokon alosit orot, ejaunos aokotoke akouke, emamuunete nukibeikinete sio: ŋin yenejai kajo togo, ejaunos aokotoke akoukosi, arai kesuroki ŋes adiokan. 20Konye arai kilimo ijo akosikiro nu, emamuunete do nukibeikinete sio kanuka aiyapositikon nakisiyapo sio.” 21Kotema ŋesi atiar, “Kikote nepenen, kwape ejaatar akusikiro.” Kotwar kes, konyout: koenik auno nakareŋan adirisa.

22Koloto, kodoloto oroŋat, kiboikinos nen apaarasia auni, aitodol naaboŋunioto lukibwapito: komoata lukibwapito kes orot kere, konye mam apotu kodumut kes, 23Kosodete ituŋa luarei aboŋor, kodokut koroŋat, kikwaŋaros, kodoloto neajai Yosua okoku loka Nun; kolimokis ŋes kere nuapotu kodoikis kes. 24#Any 23:31; Yos 6:2; 21:44; Any 23:27; Ikis 2:25; 11:25. Kotemasi Yosua atiar, “Abeit kijaik EJAKAIT akwap kere akaniniwok; bobo da eburunito luiboienenete kakwap kakonyenewok.”

Currently Selected:

Yosua 2: AOV1961

Highlight

Copy

Compare