Yosua 22
22
1Kosodi Yosua anyaraun Ireubenin ka Igadin ka atutubet naka ateker naka Manase, 2#Mar 32:20-32; Yos 1:12-15,16,17; Ikis 3:18. Kotema kes atiar, “Ipotu kidarata kere nuabu Musa ekejaanakinan loka EJAKAIT kicorak yes, ipupoto da ekaporoto kotoma kere nuabu kecorak yes: 3Mam ijalakinito ikusiinacan kapaarasia kanu nuipu, kiton lolo, konye ipotu kidarata akirot naka aicorakinet naka EJAKAIT Ekusideke. 4#Mar 32:33; Ikis 29:8; Yos 13:8. Kwana esiyenu EJAKAIT Ekusideke ikusiinaean, kwape alimokinitor kes: asa do, kobonosi, koloto owemanakus, akwap nairumito yesi, naabu Musa ekejaanakinan loka EJAKAIT koinak yes kokekwa loka Yorodan. 5#Ikis 6:6,17; 11:22; 2 Ika 10:31; Sab 119:4; Mat 22:36; Rom 13:10; 1 Tim 1:5; Ikis 10:12; Yos 23:11; Luk 11:42; Yok 15:9,10; 1 Yok 5:3; 2 Yok 1:6; Yud 1:21. Konye koeoito kojokan aiswamaenen aicorakinet ka ekisil, loabu Musa ekejaanakinan loka EJAKAIT kicorak yes, aminenen EJAKAIT Ekusideke, alosenen korotinike kere, aidar aicorakinetake kere, ka aimorikikin kaŋes, ka aiiaanakin ŋes kikusitauon kere ka akusiijar kere.” 6#Age 47:7; Any 39:43; Yos 14:13; 2 Sam 6:18; Luk 24:50. Kwaŋin abu Yosua kilipak kes arereŋ, kotwar kes: koloto owemanakec.
7 #
Yos 17:5. Abu Musa koinakinite atutubet naka ateker naka Manase airumet koBasan: konye abu Yosua koinak nacetutubet kama ejaas iinaeanakee kokekwa loka Yorodan kari nakoto. 8#Mar 31:27; 1 Sam 30:14. Kotema kes atiar, “Koboŋosi kabar naepol owemanakus, ka ibaren luipu noi, ka epuesa, ka esabu, ka aisinit, ka asua, ka igoen luipu noi: komorata kikusiinaean lunatuna kaneejaas lukasurupokus.” 9#Mar 32:26,29. Kobonosi idwe luka Reuben, ka idwe luka Gad, ka atutubet naka ateker naka Manase, konyout koSilo loejai akwap naka Kanaan neejaas idwe luka lsirael, alosit akwap naka Gilead, akwap naka airumetekec, naerumito kesi, kwape ajaar aicorakinet naka EJAKAIT kama ka Musa.
10Kedoloto kesi akwap naidunyas ka Yorodan, naejai akwap naka Kanaan, apotu idwe luka Reuben ka idwe luka Gad ka atutubet naka ateker naka Manase kodukoto etem ariri naka Yorodan, etem loepol noi loetakani.
11 #
Leb 17:8; Ikis 13:12; Tub 20:12. Kopuput idwe luka Isirael ebakai ebe, “Koany, apotu idwe luka Reuben, ka idwe luka Gad, ka atutubet naka ateker naka Manase kodukoto etem loiteos kakwap naka Kanaan, kotoma akwap naidunyas Yorodan, kowai loerai loka idwe luka Isirael.” 12#Tub 20:1. Kepuput idwe luka Isirael nun, kotukokin ekodet kere loka idwe luka Isirael Silo, alosit aitiji kes.
13 #
Ikis 13:14; Tub 20:12; Any 6:25; Mar 25:7. Kijukasi idwe luka Isirael Pinekas okoku loka Eleasar esasedoti mam ejaas idwe luka Reuben ka idwe luka Gad ka atutubet naka ateker naka Manase, akwap naka Gilead; 14#Mar 1:4. Kijukasi nepepe kaŋes ikapolok itomon, ekapolon ediopet loka ekal loka lukapapaa loka niniteker naka Isirael; ara ŋinituŋanan kakesi ekapolon loka ikalia luka lukapapaakee kolukumin luka Isirael. 15Kodoloto mama ejaas idwe luka Reuben, ka idwe luka Gad, ka atutubet naka ateker naka Manase, akwap naka Gilead, kotemasi kes atiar, 16#Ikis 12:13-14; Leb 17:8,9; 1 Sam 15:23. “Inera kwanata ekodet kere loka EJAKAIT ebe, ‘Naanyoin aibucaret na naibucasi yesi kaneejai Edeke loka Isirael, aibelokin lolo ainyein atupit EJAKAIT, naarai idukut etem, aipaliikin lolo EJAKAIT?’ 17#Mar 25:1-9; Ikis 4:3. Kikidiokikinito kereka oni numam adolit nuka Peor, nuerina oni kitalauna kiton lolo, karaida kejauna atular okodet loka EJAKAIT, 18#Age 18:23,25; Mar 16:22; Yos 7:11,12; 2 Sam 1:17; 1 Siit 21:1,14. Yes aibelokin lolo ainyein atupit EJAKAIT? Kosodi do kanu naarai ipaliikis yesi EJAKAIT lolo, enyunyurikini do ŋesi moi ekodet kere loka Isirael, 19#Leb 17:8,9; Yos 18:1. Aso do, arai mam akwap naka airumetekus elai, kodokasi yesi akwap naka airumet naka EJAKAIT, neiboio ewema lokalaunan loka EJAKAIT, kirumata nepepe kasio; konye sirikipaliikis EJAKAIT, karaida aipaliikin sio, adukun etem loegelara ketem loka EJAKAIT Ewokodeke. 20#Yos 7:1-26; 1 Siit 2:6,7. Mere abu Akan okoku loka Sera kibuca koboro luetateleoritai, kobunok anyunyura ekodet kere loka Isirael? Mam etuŋanan ŋol abu kotwana bon kotoma numam adoliteke.”
21 #
Awa 15:1; 18:3. Kosodete idwe luka Reuben, ka idwe luka Gad, ka atutubet naka ateker naka Manase aboŋokin, kotemasi kesi ikapolok luka ilukumin luka lsirael atiar, 22#Any 15:11; Ikis 10:17; Sab 82:1; Dan 2:47; Apu 19:16; 1 Ika 8:39; Yob 10:7; Sab 44:21; Yer 12:3; Yok 2:25; 21:17; 2 Kor 11:11,31; Bur 4:13; Apu 2:23.“EJAKAIT, Edeke loka idekesio, EJAKAIT, Edeke loka idekesio, ŋes ejeŋi, Isirael da ejenuni; arai kanuka epali, arai kanuka aibucaret mama ejai EJAKAIT, (siri jo kiitajar sio lolo.) 23#Ikis 18:19; 1 Sam 20:16; Sab 7:3,5; 10:13,14. Kidukunio isio etem aibelokin ainyein atupit EJAKAIT; arai ainakin kanen ainakinet naicweio, arai ainakinet naka akiria, arai ainakin asuban nuka ainakineta nuka ainapakin kanen, kitepesen EJAKAIT elopet; 24Arai mam sio kiswamat nun kaiyaparit, kaomitos ebe, Kapaarasia nuepote epedorete ikusidwe atemar ikosidwe atiar, ‘Inyo bo ejai yes ka EJAKAIT, Edeke loka Isirael? 25Naarai etuluo EJAKAIT Yorodan eikorukosi kayes, yes idwe luka Reuben ka idwe luka Gad; emamei yes akorakinet kaneejai EJAKAIT: kwaŋin isimikete ikusidwe ikosidwe ayoŋit EJAKAIT. 26Ŋes kitemaria ebe, ‘Ketemokinos oni aiduk etem, mere kanuka ainakinia ainakinet naicweio, karaida asubanit: 27#Age 31:48; Yos 24:27; 1 Sam 7:12; Ikis 12:5-27. Konye eraun ekajenan mamakosi kayes, mama ejaas aturiowok nukitupanakinete, tetere kijaanakini kakonyen nuka EJAKAIT kainakinetawok nuieweio ka asubanawok, ka ainakinetawok nuka ainapakin; tetere mam ikusidwe etemarete ikosidwe kapaarasia nuepote atiar, “Emamei yes akorakinet kama ejai EJAKAIT.” 28Ŋes kitemaria ebe, ejaun do ebe naetemariata sio arai aturiokosi kwaŋin kapaarasia nuepote, kitemari do isio ebe, ‘Koany aput naka etem loka EJAKAIT, loadukunete lukapapaakosi, mere kanuka ainakinia ainakinet naicweio, karaida asubanit; konye erai ekajenan mamakosi kayes.’ 29#Ikis 12:13,14. Madi akuj, arai kiipaliiki isio EJAKAIT, aibelokin lolo ainyein atupit EJAKAIT, aiduk etem ainakinia ainakinet naicweio, ka ainakinet naka akiria, arai asubanit, kogelara kaneejai etem loka EJAKAIT Ewokodeke loejai owemake lokalaunan.”
30Kepupu Pinekas esasedoti, ka ikapolok luka ekodet, kes ikapolok luka ilukumin luka Isirael luajaas kaŋes, akiro nuapotu idwe luka Reuben, ka idwe luka Gad, ka idwe luka Manase kinerata, apotu kesi kitojokata noi, 31#Any 25:8; 29:45; Leb 26:11,12; 1 Ika 15:13-15; 2 Siit 15:2; Sek 8:23; 1 Kor 14:25; Apu 21:3. Kotema Pinekas okoku loka Eleasar esasedoti idwe luka Reuben, ka idwe luka Gad, ka idwe luka Manase atiar, “Kijeni lolo ebe ejai EJAKAIT kidiniwok, naarai mam yes ibuearito aibucaret ŋin kaneejai EJAKAIT: iyuut do yesi idwe luka Isirael kakan naka EJAKAIT.”
32Koboŋo Pinekas okoku loka Eleasar esasedoti, ka ikapolok, kaneejaas idwe luka Reuben, ka idwe luka Gad, anyoun kakwap naka Gilead, alosit akwap naka Kanaan, mama ejaas idwe luka Isirael, kinyakakis kes akiro. 33#1 Siit 29:30; Nek 8:6; Dan 2:19; Luk 2:28. Kitojokata idwe luka Isirael akirot; kituroto idwe luka Isirael Edeke, mam bobo apotu kinerata nuka alosit aitiji kes, amudiar akwap naeboiononoto idwe luka Reuben ka idwe luka Gad, 34#Yos 24:27. Komaikisi idwe luka Reuben ka idwe luka Gad etem Ed,#22:34 * Ed Apolouke Ekajenan naarai abakas ebe, erai ekajenan kamawok ebe EJAKAIT ŋes Edeke.
Currently Selected:
Yosua 22: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
