Yosua 21

1 # Mar 34:17; Yos 14:1; 17:4. Kosodete ikapolok luka ikalia luka lukapapaa luka Ilebin aikunyakin mama ejai Eleasar esasedoti, ka Yosua okoku loka Nun, ka ikapolok luka ikalia luka lukapapaa luka atekerin nuka idwe luka Isirael; 2#Mar 35:1-8; Yos 18:1; Esk 48:9-18; Mat 10:10; Gal 6:6; 1 Tim 5:17,18. Kotemasi kes koSilo kakwap naka Kanaan atiar, “Abu EJAKAIT kicorak kama ka Musa ainakin sio ireria lukiboionono, ka ironyiakee kanuka ibarenekosi.” 3Apotu idwe luka Isirael koinakisi Ilebin ireria lu ka ironyiakee kotoma airumetekec, kwape ajaar aicorakinet naka EJAKAIT.

4 # Yos 24:33. Kobeik eroet ikekia luka Ikokatin: kobeik eroet idwe luka Aaron esasedoti, luaraas Ilebin, kotoma ateker naka Yuda, ka ateker naka Isimeonin, ka ateker naka Benyamin, ireria itomon ka luuni,

5Kobeik eroet idwe luka luedeuna luka Kokat kotoma okekia luka ateker naka Epuraim, ka ateker naka Dan, ka atutubet naka ateker naka Manase, ireria itomon.

6Kobeik eroet idwe luka Gereson kotoma okekia luka ateker naka Isakar, ka ateker naka Aser, ka ateker naka Naputali, ka atutubet naka ateker naka Manase koBasan, ireria itomon ka luuni.

7Kodumut idwe luka Merari kwape ajaatar ikekiakec kotoma ateker naka Reuben, ka ateker naka Gad, ka ateker naka Sebulun, ireria itomon ka luarei.

8 # Age 49:7; Mar 35:2,3; Yos 18:6; Awa 16:33. Koinakis idwe luka Isirael Ilebin ireria nul ka ironyiakee kailamilam eroet, kwape ecorakinitor EJAKAIT kama ka Musa.

9Koinakis kotoma ateker naka idwe luka Yuda, ka ateker naka idwe luka Simeon, ireria lu luebilitai kane ikecekiroria, 10Koraas luka idwe luka Aaron, luka ikekia luka Ikokatin, luaraas luka idwe luka Lebi: naarai abu eroet losodit kobeik kes. 11#1 Siit 6:55; Age 23:2; Yos 14:15; 15:13; 2 Sam 2:1-3; Luk 1:39. Apotu koinakis kes Kiriat-araba, Araba ŋol ŋes papa loka Anak, (nopenol ŋes Keburon) kakwap nakiukon naka Yuda, ka ironyiake lualukunito. 12#Yos 14:14. Konye imanikoria luka ere ka ireriake ludidik, apotu kesi koinakis Kaleb okoku loka Yepune airum.

13 # Mar 35:13-15; Yos 20:7-9; 1 Siit 6:57; Yos 15:54; 10:29; 15:42; Isa 37:8. Apotu koinakis idwe luka Aaron esasedoti Keburon ka ironyiake, ere loekuianari ikaaran, ka Libuna ka ironyiake; 14#Yos 15:48,50. ka Yatir ka ironyiake, ka Esitemoa ka ironyiake; 15#1 Siit 6:58; Yos 15:49. ka Kolon ka ironyiake, ka Debir ka ironyiake; 16#1 Siit 6:59; Yos 15:10,55. ka Ain ka ironyiake, ka Yuta ka ironyiake, ka Bet-semes ka ironyiake, ireria ikanykaoŋon kotoma atekerin nun nuarei. 17#Yos 18:24,25. Kotoma ateker naka Benyamin, Gibeon ka ironyiake, Geba ka ironyiake; 18#1 Siit 6:60. Anatot ka ironyiake, ka Alumon ka ironyiake; ireria iwoŋon, 19Ireria kere luka idwe luka Aaron, isasedotin, emwaasi itomon ka luuni ka ironyiakec,

20 # 1 Siit 6:66. Apotu ikekia luka idwe luka Kokat, Ilebin, kes idwe kere luedeuna luka Kokat, kodumut ireria luka eroetekec kotoma ateker naka Epuraim. 21#Age 33:19; Yos 20:7; Tub 9:1; 1 Ika 12:1. Apotu koinakis kes Sekem ka ironyiake kakwap nakiukon naka Epuraim, ere loekuianari ikaaran, ka Geser ka ironyiake; 22ka Kibisaim ka ironyiake; ka Bet-koron ka ironyiake; ireria iwonon, 23Kotoma ateker naka Dan, Eliteke ka ironyiake, Gibeton ka ironyiake; 24Aiyalon ka ironyiake, Gatrimon ka ironyiake; ireria iwonon, 25Kotoma atutubet naka ateker naka Manase, Taanak ka ironyiake, ka Gat-rimon ka ironyiake; ireria iarei. 26Ireria kere luka ikekia luka idwe kere luedeuna luka Kokat emwaasi itomon ka ironyiakec.

27 # 1 Siit 6:71; Ikis 1:4; 4:43; Yos 20:8; 1 Siit 6:71,76. Apotu koinakis idwe luka Gereson, loka ikekia luka Ilebin, kotoma atutubet naka ateker naka Manase, Golan koBasan ka ironyiake, ere loekuianari ikaaran, ka Be-esetera ka ironyiake; ireria iarei. 28Kotoma ateker naka Isakar, Kision ka ironyiake, Daberat ka ironyiake, 29Yaramut ka ironyiake; En-ganim ka ironyiake; ireria iwonon. 30Kotoma ateker naka Aser, Misal ka ironyiake, Abudon ka ironyiake; 31Kelekat ka ironyiake; ka Rekob ka ironyiake; ireria iwoŋon. 32#Yos 20:7. Kotoma ateker naka Naputali, Kedes koGalilaya ka ironyiake, ere loekuianari ikaaran, ka Kamot-dor ka ironyiake, ka Karutan ka ironyiake; ireria iuni. 33Ireria kere luka Igeresonin kwape ajaatar ikekiakee emwaasi ireria itomon ka luuni ka ironyiakec.

34 # 1 Siit 6:77. Apotu koinakis ikekia luka idwe luka Merari, luedeuna luka Ilebin, kotoma ateker naka Sebulun, Yokoneam ka ironyiake, ka Karuta ka ironyiake, 35Dimuna ka ironyiake, Nakalal ka ironyiake; ireria iwonon, 36Kotoma ateker naka Reuben, Beser ka ironyiake, ka Yakas ka ironyiake; 37Kedemot ka ironyiake, ka Mepaat ka ironyiake, ireria iwonon, 38#Ikis 4:43; 1 Ika 4:13; Age 32:1; 2 Sam 2:8; 17:27. Kotoma ateker naka Gad, Ramot koGilead ka ironyiake, ere loekuianari ikaaran, ka Makanaim ka ironyiake; 39Kesibon ka ironyiake, Yaser ka ironyiake, ircria kere iwcnon. 40Ŋul kere araas ireria luka idwe luka Merari kwape ajaatar ikekiakec, kes luedeuna luka ikekia luka Ilebin; kobeikis kes ireria itomon ka luarei.

41 # Age 49:7; Mar 35:7; Ikis 33:10. Ireria kere luka Ilebin kotoma airumeta nuka idwe luka Isirael emwaasi ireria akaisaoŋon ka lukanykauni ka ironyiakee. 42Alukunito ireria ŋul ironyiakec: ekote nen ireria nul kere.

43 # Age 13:15; 15:18; 26:3. Kwaŋin koinak EJAKAIT Isirael akwap kere naeyapoikinit ainakin lukapapaakec: apotu kiruma ŋes, kiboioto kotoma. 44#Yos 11:23; 22:4; Ikis 7:24. Kisiyen EJAKAIT kes kowaitin kere, kwape ajaatar kere nueyapoikinit lukapapaakec: mam edio kalukasurupokee kere loabu kobwoik kes; abu EJAKAIT kijaik lukasurupokec kere akanikec. 45#Yos 23:14; Any 3:7,8; 23:23,31; 1 Ika 8:56; Isa 49:7,8,15,16; Mat 24:35; Luk 21:33. Emamei akirot namam abu kodol kakiro nuejok nuabu EJAKAIT kolimokinite ekek loka Isirael; apotu kere kodoloto.

Currently Selected:

Yosua 21: AOV1961

Highlight

Copy

Compare