Ikatubok 20
20
1 #
Ikis 13:12; Yos 22:12; Tub 21:5; 1 Sam 11:7; 3:20; Tub 10:17; 11:11. Kosodete idwe kere luka Isirael alomar, kotukokin ekodet bala ediopetunanan, ageun koDan kiton Beer-seba, kakwap da naka Gilead, mama ejai EJAKAIT Misipa. 2#Tub 8:10; 2 Sam 24:9; 2 Ika 3:26. Kitodiaros ijaka luka ituŋa kere, kes atekerin kere nuka Isirael, katukot naka ituŋa luka Edeke, ituŋa ilukumin akwat aoŋon luelosete kakeje luautunito ikileŋa. 3(Apotu idwe luka Benyamin kopuput ebe alototo idwe luka Isirael Misipa.) Kotemasi idwe luka Isirael atiar, “Kolimokinai sio, ekonakini ai aronis na iswamaun?” 4#Tub 19:15. Koboŋok Elebit, okilenike loka aberu naaaritai ebe, “Abu kadol Gibea loerai loka Benyamin, eoŋ ka akabusiat kapero nen. 5#Tub 19:22-26. Kosodete ituŋa luka Gibea anyoun asurokin eoŋ, kalukakis eoŋ togo kuare; aomitos aiar eoŋ, apotu komunaut akabusiat, kotwana. 6#Tub 19:29; Age 34:7; Yos 7:15. Abu kayana akabusiat, katubutub ŋes, kejuka akwap kere naka airumet naka Isirael: naarai eswamata nukasilianut nukabanaanut da kotoma Isirael. 7#Any 19:5,6; Yos 9:14; Tub 19:30; Awa 13:10. Koanyutu, yes idwe luka Isirael, yes kere, kolimutu akusikirot, kinerut.”
8Konyout ituŋa kere bala ediopetunanan, kotemasi ebe, “Mam idiopet kaoni elosi owemake, karaida idiopet kaoni aboŋor togoke, 9Konye kiswamakini oni Gibea kwanata; kilosi asurokin ŋes kailamilam keroet. 10Kiseuni ituŋa itomon ka ninikwatat katekerin kere nuka Isirael, ka akwatat kotoma elukumit, ka elukumit kotoma olukumin itomon, aomikin ituŋa inyamat, tetere iswamaete, naedolioto Gibea loka Benyamin, kwape ejaar abaŋaanut kere naeswamata koIsirael.” 11Kwaŋin kotukokinos ituŋa kere luka Isirael asurokin ere kimorikikina nepepe bala ediopetunanan,
12 #
Ikis 13:14; Yos 22:13,16; Mat 18:15-18; Rom 12:18. Kiiukasi atekerin nuka Isirael ituŋa anatar ateker kere naka Benyamin ebe, “Anyoin aronis na naaponi kiswamai kamakus? 13#Ikis 13:13; Tub 19:22; 1 Sam 30:22; 2 Sam 20:1; 23:6; 1 Ika 21:13; 2 Siit 13:7; 2 Kor 6:15; Ikis 13:5; 17:12; 1 Kor 5:13; 2 Siit 25:16; Rom 1:32. Aso do koyautu ituŋa odwe luka Belial, lueiaas Gibea, tetere kiari kes, kalemas aronis koIsirael.” Konye apotu Ibenyamin koneroto apupun eporoto loka Iinacanakec idwe luka Isirael. 14Kotukokinos idwe luka Benyamin anyoun koreria kopotu Gibea, alomar aitiji idwe luka Isirael. 15Aponi kimarai idwe luka Benyamin kapaaran kaŋin koreria, ituŋa ilukumin akaisaarei ka lukanykape luautunito ikileŋa, kogelara lueboiete koGibea, luemwaasi akwat akanykaarei, ituŋa luaseunitai. 16#Tub 3:15; 1 Siit 12:2. Ajaas otuŋa nul kere ituŋa luaseunitai akwat akanykaarei inodialik; nolidiopet apedor aporoeikin etimat da alicait, komam ediaki, 17Aponi kimarai ituŋa luka Isirael kogelara Benyamin, ituŋa ilukumin akwat aoŋon Iuautunito ikileŋa; nul kere araas ikaiiok,
18 #
Any 28:30; Mar 27:21; Yos 9:14; Tub 1:1; 1 Sam 23:9; Esr 8:21. Konyout idwe luka Isirael koloto Betel, kinitata Edeke kotemasi ebe, “Iŋai kiŋarenikini sio alosit aitiii idwe luka Benyamin?” Kotema EJAKAIT atiar, “Yuda ŋes iŋareni.”
19Konyout idwe luka Isirael tupuruc, kidukuroto asurokin Gibea. 20Kolomasi ituŋa luka Isirael aitiji Benyamin; kiderakinos ituŋa luka Isirael aitiji kes koGibea, 21#Age 49:27; Ikis 23:9; Lim 9:1,11. Kolomut idwe luka Benyamin koGibea, kibirokis kwap kapaaran kaŋin luka Isiraelin ituŋa ilukumin akaisaarei ka luarei. 22Kosodete ituŋa, kes ituŋa luka Isirael, atitinior, kiderakinos ejie kaibois naederakina kesi kapaaran nasodit. 23#Sab 78:34-36; Kos 5:15. Koloto idwe luka Isirael komonyata kakonyen nuka EJAKAIT kiton eboŋ; kinitata EJAKAIT ebe, “Ekunyakini bobo eoŋ lolo aitiii idwe luka Benyamin onaceka?” Kotema EJAKAIT atiar, “Kolot kosurok ŋes.”
24Kikunyakis idwe luka Isirael asurokin idwe luka Benyamin kapaaran nakiareit, 25#Yob 9:12; Sab 66:18; 97:2; Kos 10:9; Mik 3:4; Yok 9:31. Kolom Benyamin asurokin kes koGibea kapaaran nakiareit, kibirokis bobo kwap luka idwe luka Isirael ituŋa ilukumin itomon ka lukanykauni; nul kere autunito ikileŋa. 26Kosodete idwe kere luka Isirael, ka ituŋa kere alosit, kodoloto Bet-el, komonyata, kiboioto kanen kakonyen nuka EJAKAIT, kikanyata eteŋei apaaran ŋin kiton eboŋ; koinakis ainakineta nuicwcio, ka ainakineta nuka ainapakin mama ejai EJAKAIT, 27#Yob 22:27; Sab 50:15; 91:15; Awa 3:6; Yos 18:1; 1 Sam 4:3,4; Sab 78:60,61; Yer 7:12. Kiŋitata idwe luka Isirael EJAKAIT, (naarai ajai asaduku naka aitutuket naka Edeke nen kapaarasia kanun, 28#Any 6:25; Mar 25:7,11; 31:6; Yos 22:13; 24:33; Sab 106:30,31; Ikis 10:8; 18:5. Pinekas, okoku loka Eleasar, okoku loka Aaron, ŋes abwoi kakonyeneke kapaarasia kanun) ebe, “Alomari kereka eoŋ bobo aitiii idwe luka Benyamin onaceka, arai bo apalari?” Kotema EJAKAIT atiar, “Koloto; naarai ciaikini ŋes moi akanikon.”
29 #
Yos 8:4; 2 Sam 5:23. Kibwaik Isirael ikaperunok alukun Gibea. 30Koloto idwe luka Isirael asurokin idwe luka Benyamin apaaran nakiwuniet, kiderakinos asurokin Gibea, kwape kapakio ace. 31Kolomas idwe luka Benyamin asurokin ituŋa, kinalaarai kes kore; kogeut aiar ka aidany kotuna kwape kapakio ace, korotin lukapolok, ediopet loelosi Bet-el, loce da loelosi Gibea, koitela, ituŋa luka Isirael kwape akaisauni. 32Kotemasi idwe luka Benyamin atiar, “Kidanya kes kakonyenewok, kwape lem.” Konye kotemasi idwe luka Isirael ebe, “Kakerata oni, kenalaasi kes kore kiton orotin lukapolok.” 33Konyout ituŋa kere luka Isirael kaiboisikec, kiderakinos koBaal-tamar: konemcsikinos ikaperunok kaiooisikec, ŋes Maare-geba. 34#Yos 8:14; Yob 21:13; Awa 4:19; 29:6; Lim 8:11; Isa 3:10,11; 47:11; Mat 24:44; Luk 21:34; 1 Ses 5:3. Kopotu ituŋa ilukumin itomon luaseunitai kotoma Isirael kere asurokin Gibea, kosisior ejie noi; konye mam kwi ajenete ebe eapikinit kes aronis. 35Kodany EJAKAIT Benyamin kakonyen nuka Isirael: komudiasi idwe luka Isirael kapaaran kaŋin luka Benyamin ituŋa ilukumin akaisaarei ka lukany, ka akwatat: ŋul kere autunito ikileŋa.
36 #
Yos 8:15. Kwaŋin kojenut idwe luka Benyamin ebe adanyi kes; naarai apotu iruna luka Isirael kojalakis Benyamin aibois, naarai amunos kesi ikaperunok luebwaikinito kesi asurokin Gibea. 37#Yos 8:19. Kisunyasi ikaperunok, kokerata Gibea; kikunyakis ikaperunok, kodanyata lukore kere kakwanis naka ekileŋ. 38Apotu ituŋa luka Isirael ka ikaperunok kinerunito aanyunet na ebe, itupuruunete kesi apuru naepol kore. 39Kibeleunos ituŋa luka Isirael kojie, kogeu Benyamin aiar ka aidany ituŋa luka Isirael kwape ituŋa akaisauni: naarai abalas ebc, “Abeit kidanyi kes kakonyenewok kwape kojie losodit.” 40#Yos 8:20. Konye kegeu apuru apuruun kore kosubite bala epir loka apuru, koŋoliasi Ibenyamin kau, ido koany, apurie ere kere kiton akuj. 41#Any 15:9,10; Awa 5:22; Isa 33:14; Luk 17:27,28. Kibeleunos ituŋa luka Isirael, koumokis ituŋa luka Benyamin: naarai ajenete ebe ebunokinit kes aronis. 42Kanuka ŋun apotu kibelooros kakonyen nuka idwe luka Isirael aibe orot loka amodiŋ; konye kodudun kes ejie; kosodete lualomunete koreria amudiar kes kanen. 43#Kos 9:9; 10:9. Apotu kolukakis Ibenyamin, kodapata kes, kicakaeakata kes kaiboisikee nakibworaret, kiton aibois naiteos koGibea kokide. 44Kotwakata luka Benyamin ituŋa ilukumin itomon ka lukanykauni; nul kere araas ituŋa lukirigin. 45#Yos 15:32. Kibelooros kokeriasi amodiŋ moru loka Rimon: kideput korotin ituŋa ilukumin ikany kakesi; kodudunata kes kiton Gidom, kodanyata ituŋa ilukumin iarei kakesi. 46Kwaŋin kere luapotu kotwaka kapaaran kaŋin luka Benyamin emwaasi ituŋa ilukumin akaisaarei ka lukany luautunito ikileŋa; nul kere araas ituŋa lukirigin. 47#Tub 21:13; Isa 1:9; Yer 14:9,10; Aku 3:32; Kbk 3:2. Konye apotu ituŋa akwat akanykape kibelooros kokeriasi amodiŋ, moru Rimon, kiboioto komoru Rimon ilapio iwonon, 48Kibeleunos bobo idwe luka Isirael mama ejaas idwe luka Benyamin kodanyata kes kakwanis naka ekileŋ, ere kere, ka ibaren, kere da luapotu kesi kodumut: bobo da apotu kicweata ireria kere luapotu kesi kodumut.
Currently Selected:
Ikatubok 20: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.