Ikatubok 19
19
1 #
Tub 17:6,7. Kosodi kanen, kapaarasia kanun naamamear ekabaka koIsirael, ajai Elebit loiboie kosane loka akwap nakiukon naka Epuraim, loabu koyana abusiat koBet-lekem-yuda. 2Kolot akebusiat eporo bala naadote, konyou kamake, kolot togo loka papake Bet-Iekem-yuda, kiboi kanen ilapio iwonon, 3Konyou okilenike, kibwapa ŋes, aimaima ŋes, ainyakun ŋes, kojai ebulesitike kaŋes, ka asigiria aarei: koyana nin ŋes togo loka papake: keanyu papa loka apese ŋes, abu kolakar airiamun kaŋes. 4Kosodi ekamuranike, papa loka apese aitapaikin ŋes; kiboioto kaŋes apaarasia auni: konyamata, komatata, koperoto nen. 5#Age 18:5. Kosodi kanen kapaaran nakiwononet, kodilokis anyoun tupuruc, konyou alosit: kotema papa loka apese ekamuranike atiar, “Kitalaka ekonitau kidionyamat, kosodi konyet alosit.” 6Kiboikinos, konyamata, komatata, kes kere iarei: kotema papa loka apese etuŋanan atiar, “Kenainait, kocam kitiwala akuare kere, kiyalamikin ekonitau.” 7Konyou etuŋanan alosit; konye kimaima ekamuranike, kopere bobo nen. 8Kodilok anyoun alosit tupuruc kapaaran nakikanyet; kotema papa loka apese atiar, “Kitalaka ekonitau kenainait, kidareu aitodol ajotet”; konyamata kesi kere iarei. 9Kosodi kenyou etuŋanan alosit, ŋes ka akebusiat ka ekebulesit, kotema ekamuranike, papa loka apese ŋes atiar, “Koany, etibon kwana akwap, kenainait kitiwala akuare kere: koany, eapie apaaran adaun, kopero ne, kolakar ekonitau; kodilok moi alosit, tetere ilosi ore.”
10 #
Yos 18:28; 2 Sam 5:6. Konye koner etuŋanan aitiwalar akuare nin konye abu konyou kolot, kodol Yebus (nopenol ŋes Yerusalem): ajaas ŋes asigiria aarei nuapesikinitai aibwanenisio; ajai da abusiatake kaŋes. 11#Age 10:15,16; Any 33:2; Mar 13:29; Yos 15:8,63; Tub 1:21; 2 Sam 5:6; 24:16; 1 Siit 1:13,14. Naaapikiniata kesi Yebus, kitibonite akwap eut; kotema ebulesit ekejakait atiar, “Keŋaiŋait, bia kapaasi ore lo loka Iyebusin, kaperoto nen.” 12#Yos 18:28; 1 Sam 10:26; Isa 10:29; Kos 5:8. Kotema ekejakait ŋes atiar,
“Mam oni kipaari ore loka emoit, lomam erai loka idwe luka Isirael; konye kitubor kiton Gibea.” 13Kotema ŋesi ekebulesit atiar, “Bia, kekunyakisi adiopet kaiboisio kanu; kiperi da Gibea, arai Rama.” 14Kwaŋin kotuboros koloto; kowarik kes akwap eiduny keGibea, loerai loka Benyamin, 15#Mat 25:43; Bur 13:2. Kopaasi ŋina, alosit apero Gibea: abu koloma, kiboikin orot loka ere: naarai amamei ituŋanan yenabu koyana kes togoke apero.
16 #
Sab 104:23. Ido koany, abu emojoŋ kobu kaswamuke komanikor eboŋ; erai etuŋanan ŋol loka akwap nakiukon naka Epuraim, eboie da koGibea: konye ituŋa luka aibois araas Ibenyamin. 17Kiteluo akekonye koany ekaloton korot loka ere; kotema emoion atiar, “Ai bo ilosi ijo? Lali da kibunio?” 18#Yos 18:1; Tub 18:31; 20:18; 1 Sam 1:3,7. Kotema ŋes atiar, “Kilosi anyoun kolset-lekem-yuda kiton osaŋe loka akwap nakiukon naka Epuraim; bukosi nina, abu kalosite Bet-lekem-yuda: ido alosi kwana togo loka EJAKAIT; konye emamei etuŋanan loketolomari eoŋ togoke. 19Kwabo ejaas anya ka inyamat luka asigiriakosi; ejaas da imugatin ka ebino kanukan, ka akejaanakinanikon, ka ekatumunan loejaas ka ikejaanakinakakon: emamei eipud idiobore.” 20#Age 43:23; Tub 6:23; Age 19:2. Kotema emoion atiar, “Kinapakin ijo; konye kabe eoŋ eipudakon kere; konye sirikiper orot.” 21#Age 24:32; 43:24; 18:4; Luk 7:38,44; Yok 13:5; 1 Tim 5:10. Kwaŋin koyana ŋes togoke, koinak asigiria anya: kilotata kesi akeicnekee, konyamata, komatata da.
22 #
Age 19:4,5-8; Tub 20:5; Kos 9:9; 10:9; Ikis 13:13; 1 Sam 2:12; 1 Ika 21:10; 2 Siit 13:7; 2 Kor 6:15; Age 19:5; Rom 1:26,27. Kelakaros ikecetauon, koany, kolukut ituŋa lukore etogo, kes odwe luka Belial, konanananata ekirigi; kotemasi kesi emojoŋ elopet etogo atiar, “Kitolom etuŋanan loaloma togokon, kaienata ŋes.” 23#Age 19:6; 2 Sam 13:12. Koloma etuŋanan, elopet etogo, mamakee, kotema kes atiar, “Mam, ikainacan, kenainaito, sirikiswamata aronis naetia nen; naarai alomu etuŋanan ŋol togoka, sirikiswamata nun nuka abaŋaanut. 24#Age 19:8; 34:2; Ikis 21:14. Koany, akokuka na apese, ka abusiatake; etolomuni eoŋ kes kwana, kitisiloto yesi kes, kiswamakis kes nuitojokito yesi; konye sirikiswamakis etuŋanan ŋ nun nukola abaŋaanut.” 25#Age 4:1. Konye koneroto ituŋa apupun ŋes: kwaŋin kitiŋ etuŋanan akebusiat, koina kes; koienutu ŋes, komunautu ŋes akuare kia kiton tupuruc: keeila kide, koosikis ŋes. 26Kosodi aberu abunore keeila kide, kibirokin okek loka etogo loka etuŋanan loajai ejakaitike, aitodol naaeaunia akwap,
27Konyou ejakaitike tupuruc, konaa ikekia luka etogo, koloma alosit: ido koany, ebirokina aberu akebusiat okek loka etogo, kojaas akaninike okek, 28#Tub 20:5. Kotema ŋesi ŋin atiar, “Konyou, kaloto”; konye mam yenabu Koboŋok: kosodi ŋesi adakakin ŋin asigiria; konyou etuŋanan, kolot aiboisike. 29#1 Sam 11:7; Tub 20:6. Kedol togoke, abu kolem ekileŋ, kitiŋ akebusiat, kotubutub inerioke atutubeta atomon ka nuarei, kijuka nin oikorun kere luka Isirael. 30#Tub 20:7; Awa 11:14; 13:10. Kojaun kwanata ebe, apotu kere luapotu koanyutu ŋun kotemasi ebe, “Mam apeŋo eswamatai ibore yenetia nen, karaida aanyun, ageun kapaaran naanyounioto idwe luka Isirael kakwap nako Misiri kiton lolo: koomoomata nuke, kinerut, kolimosi.”
Currently Selected:
Ikatubok 19: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.