Ikatubok 14

1 # Age 38:13; Yos 15:10; Age 34:2; Sab 119:37. Kolot Samuson Timuna, koany apese koTimuna naka adwe nuka Ipilisitian. 2#Age 21:21; 34:4. Koboŋ, kolimok papake ka totoke atiar, “Aany apese koTimuna naka adwe nuka Ipilisitian: aso do komanyakinai ŋes. 3#Age 24:3,4; Any 34:16; Ikis 7:3. Kosodete papake ka totoke atemar ŋes atiar, “Emamei do apese kadwe nuka iinaeanakon, arai kotunaka kere, tape jo ilosi aimany aberu naka Ipilisitian lumam ekepep?” Kotema Samuson papake atiar, “Komanyakinai ŋes; naarai kesiyalamikinit eoŋ noi.”

4 # Yos 11:20; 2 Siit 10:15. Konye mam papake ka totoke ajenete ebe kerai akirot naka EJAKAIT: naarai amoot ŋesi akirot naasurokinet Ipilisitian. Kapak kaŋin ayaito Ipilisitian Isirael.

5Kosodi Samuson alosit. Ka papake ka totoke Timuna, kodol amanat nuka emusabibu nuka Timuna: ido koany, abu eŋatuny losorokany kogat asurokin ŋes. 6#Tub 3:10; 13:25; 1 Sam 11:6. Kodoik ŋes emoyo loka EJAKAIT kagogon, kopooia ŋes kwape tikepooiara ikalol, komamei ibore kakanike: konye mam abu kolimok papake karaida totoke nuabu kiswama, 7Kolot, kinerata kapese; abu ŋesi kisiyalamik noi Samuson. 8Ketubor apak, abu kobono ayaŋaar ŋes, kopaa aanyun akuan nakatwan naka eŋatuny: ido koany, ajai enene loka ao akuan naka eŋatuny, ka esik. 9Kitin ŋes kakaninike, kiyatak alosit, konyami kolosi, kodolok papake ka totoke, koinak kes, konyamata: konye mam abu kolimok kes ebe alemuni ŋesi esik kakuan naka eŋatuny.

10Kolot papake neejai apese: kipo Samuson epucit kanen; naarai atapit ikatumunak aswam kwaŋin. 11Kosodi kanen, keanyut ŋes, apotu koyaut ipaup akaisauni ajaut kaŋes. 12#1 Ika 10:1; Esk 17:2; Luk 14:7; Age 29:27; 45:22; 2 Ika 5:22. Kotema Samuson kes atiar, “Akoto eoŋ alimokin yes asogol: arai kipedosi yesi aitejenun ŋes kotoma apaarasia akanykaarei nuka epucit, ka aitebeikin ŋes, kainakini do yes igoen akaisauni luka ebaputa, ka inapen akaisauni luibusiak: 13Konye arai mcm ipedorete aiteienun ŋes, kiinakinete do yesi eoŋ igoen akaisauni luka ebaputa, ka inapen akaisauni luibusiak.” Kotemasi ŋes atiar, “Kolim cani asogol, kapuputu.” 14Kotema kes atiar,

“Alom akiriŋ kaneejai yenikanyaman,

Alom da awiiny kaneejai yenikagogonon.”

Mam apotu kopedosi aiteienun asogol kotoma apaarasia auni.

15 # Age 3:6; Tub 16:5; Awa 6:26; Mik 7:6; Tub 15:6. Kosodi kapaaran nakikanyetekaarei, kotemasi aberu naka Samuson atiar, “Kijodijod okilenikon, tetere kitebeikini sio asogol, kenyeis aicwe jo ka ekal loka papakon kakim: kinyaraunito sio aitaraun lukican? Mere kwaŋin?” 16#Tub 16:15. Komony aberu naka Samuson kakonyeneke, kotema atiar, “Kilait ijo eoŋ, mam kimina eoŋ: ilimok idwe luka ikatuŋa asogol, komam kilimokinit eoŋ.” Kotema ŋes atiar, “Koany, mam alimokinit papaka karaida totoka, ido konyet jo ŋes kalimokini?” 17Komony kakonyeneke apaarasia akanykaarei nuajaar epueit: kosodi kanen kapaaran nakikanyetekaarei, abu kolimok ŋes, naarai abu kimaima ŋes noi: kolimok nin idwe luka iketuŋa asogol. 18Kapaaran nakikanyetekaarei eroko akoloŋ kelomara, apotu ituŋa lukore kolimokis ŋes ebe,

“Inyo bo ewiny adepar esik?

Inyo bo egogoŋ adepar enatunyr”

Kotema kes atiar,

“Kedim yes aitokor ataokoka,

Timam kitejenut akasogol.”

19 # Mar 11:17; 27:18; Tub 3:10; 13:25; 1 Sam 10:6; 11:6; 16:13; 1 Kor 12:4,11. Kodoik ŋes emoyo loka EJAKAIT kagogon, kolot Asukelon, kodany ituŋa akaisauni kakesi, koyana lunatuna kamakec, koinak luetejenunete asogol inapen luibusiak. Kinep anyunyurake, kolot togo loka papake. 20#Tub 15:2; Yok 3:29. Konye aponi aberu naka Samuson kokorakinai aupake, loanaikinit araut opaperoke.

Currently Selected:

Ikatubok 14: AOV1961

Highlight

Copy

Compare