Ikatubok 13

1 # Tub 2:11; 3:7; 4:1; 6:1; 10:6; 1 Sam 12:9. Kiswamata bobo idwe luka Isirael nueroko kakonyen nuka EJAKAIT: kiiaik EJAKAIT kes akan naka Ipilisitian ikar akaisaoŋon, 2#Yos 15:33; 19:41. Ajai etuŋanan loka Sora loka ekek loka Idanin, ekekiror Manoa; arai akeberu arakan, mam aurie. 3#Age 16:7-13; 22:16; Any 3:2-6; Tub 6:12; Kos 12:3-5; Mal 3:1; Luk 1:11,13,28,31; Asw 7:30. Kitakanikin emalaika loka EJAKAIT aberu, kotema ŋes atiar, “Aso koany, irai ijo arakan, mam iwurie; konye ipotuuni, iwuruuni ikoku yenisapat. 4#Mar 6:2,3; Luk 1:15. Aso cado kocoite, kenainait, sirikimat ebino karaida nuitemerete, sirikinyam da idiobore yenimam elai: 5#Mar 6:1-5; 1 Sam 1:11; 7:13; 2 Sam 8:1; 1 Siit 18:1. Naarai koany, ipotuuni ijo, iwuruuni ikoku yenisapat; mam eiutet icaki akouke: naarai eraun ikoku Enasirit loka Edeke ageun kakoik: egeuni da ŋesi ai tajar Isirael kakan naka Ipilisitian.” 6#Ikis 33:1; 1 Sam 2:27; 9:6; 1 Ika 17:24; Mat 28:3; Luk 9:29; Asw 6:15. Kosodi aberu abunore alimokin okilenike ebe, “Abu etuŋanan loka Edeke kobu neaiai, akekonven koputos bala akonyen nuka emalaika loka Edeke, loeyoŋitai; mam abu kenitu ŋes neabunio, karaida ŋes alimokin eoŋ ekekiror. 7Konye abu katema eoŋ atiar, ‘Koany, ipotuuni, iwuruuni ikoku yenisapat; sirikimat ebino karaida nuitemerete, sirikinyam da idiobore yenimam elai: naarai eraun ikoku Enasarit loka Edeke ageun kakoik kiton apaaran naka atwanareke.’’’

8Kosodi Manoa ailip EJAKAIT ebe, “Wu EJAKAIT, kenainait, koboŋ bobo etuŋanan loka Edeke loibu kiiuk mamakosi, kisisianak isio nukiswamakini ikoku yeneuruunio.” 9Kopup Edeke eporoto loka Manoa; koboŋ emalaika loka Edeke mama ejai aberu iboie komanikor: konye mam okilenike Manoa ajaas kaŋes. 10Kiwonya aberu koker, kolimok okilenike, kotema ŋes atiar, “Koany, ketakanikin eoŋ etuŋanan loabunit neajai eoŋ apaaran ya,” 11Konyou Manoa, kotup akeberu, kodol neejai etuŋanan, kotema ŋes atiar, “Ŋo ŋes etuŋanan loineras kaberu?” Koboŋok ebe, “Eoŋ lopelo.” 12Kotema Manoa atiar, “Aso kedolot akonikiro, kekonakisi ai ikoku, ido anyoin aswamuke?” 13Kotema emalaika loka EJAKAIT Manoa atiar, “Koeoite aberu ŋun kere nuabu kalimok ŋes, 14Siri ŋes kenyam ibore yenelomuni komusabibu, karaida aimat ebino, arai nuitemerete, karaida ainyam idiobore yenimam elai; koric ŋesi kere nuecorakinit ŋes.”

15 # Age 18:5; Tub 6:18. Kotema Manoa emalaika loka EJAKAIT ebe, “Keŋaiŋait kosalak ber ijo tetere sio kipuikini jo ikalol.” 16Kotema emalaika loka EJAKAIT Manoa atiar, “Karaida kasala, mam anyami atapakon: arai ikoto apuikin ainakinet naicweio, ibusakinit ijo ainakin ŋes EJAKAIT.” Naarai mam Manoa ajeni ebe erai ŋesi emalaika loka EJAKAIT. 17Kotema Manoa emalaika loka EJAKAIT atiar, “Iŋai bo ekonikiror, tetere kitopoloori jo kedolot akonikiro?” 18#Age 32:30; Isa 9:6. Kotema emalaika loka EJAKAIT ŋes atiar, “Kanukinyo inisitor ijo ekakiror, naarai erai lokaumokin?” 19#Tub 6:19,20; 1 Ika 18:30-38. Koyana Manoa ikalol ka ainakineteke naka akiria, koinak EJAKAIT komoru: kiswama emalaika nukaumokin, kosesenata Manoa ka akeberu. 20#Leb 9:24; 1 Siit 21:16; Esk 1:28; Dan 10:9; Kos 12:4,5; Mat 17:6. Naarai kedoka akim kiton akuj anyoun kotem, abu emalaika loka EJAKAIT kodokaria kakim naka etem: kosesenata Manoa ka akeberu; kibiroros kwap ebuburia.

21 # Tub 6:22. Konye mam bobo emalaika loka EJAKAIT abu kitakanikin Manoa karaida akeberu. Kojen do Manoa ebe kerai ŋesi emalaika loka EJAKAIT, 22#Age 32:30; Any 33:20; Ikis 4:3; 5:26; Tub 6:22; Isa 6:5. Kotema Manoa akeberu atiar, “Abeit kitwaki, naarai kianyu Edeke.’ 23#Sab 25:14; Awa 3:22; Yok 14:20-23. Konye kotema akeberu ŋes atiar, “Arai kitojokit EJAKAIT aiar oni, timam keeamu ainakinet naicweio ka ainakinet naka akiria kakaniwok, timam da kiitodik oni akiro nu kere, timam kiilimok oni kapak kana akiro nuikote nen.” 24#Bur 11:32; 1 Sam 3:19; Luk 1:80; 2:52. Kouru aberu ikoku yenisapat, komaik ekekiror Samuson: kopoloor ikoku, kisireren EJAKAIT ŋes. 25#Tub 3:10; 6:34; 11:29; 1 Sam 11:6; Mat 4:1; Yok 3:34; Yos 15:33. Kogeu emoyo loka EJAKAIT aijukit ŋes koMakanedan, kidin Sora ka Esitaol.

Currently Selected:

Ikatubok 13: AOV1961

Highlight

Copy

Compare