2 Samuel 2
2
1 #
Mar 27:21; Tub 1:1; 1 Sam 23:2-9; 30:7,8; 1 Ika 2:11. Kosodi kanen akaulo kaŋun, kiŋit Daudi EJAKAIT ebe, “Abwosi eoŋ mama ejai ediopet koreria luka Yuda?” Kotema EJAKAIT ŋes atiar, “Kobwot.” Kotema Daudi atiar, “Abwosi bo ai?” Kotema atiar, “Keburon.” 2Kwaŋin kobwot Daudi, ka akenor aarei da, Akinoam Ayesereelit, ka Abigail aberu kolo naka Nabal, Akaramelit. 3#1 Sam 27:2. Kitwobot Daudi ituŋa luajaas kaŋes, ŋinituŋanan ka ekaleke: kiboikinos oreria luka Keburon. 4#1 Sam 31:11-13; 2 Sam 5:5. Kopotu ituŋa luka Yuda, kinyonyoikis Daudi akinyet araun ekabaka loka ekek loka Yuda kanen.
Kolimokis Daudi ebe, “Ituŋa luka Yabes-gilead kes luanukete Saul.” 5#Sab 115:15. Kijuka Daudi ikiyakia mama ejaas ituŋa luka Yabes-gilead, kobala kes ebe, “Kisirereŋit yes EJAKAIT, naarai itodikis ejakaitikus, ŋes Saul, asianut na, inukata ŋes. 6#2 Tim 1:16; Mat 5:44. Kitodik kwana EJAKAIT yes asianut ka abeit: eoŋ da aropi yes asianut ŋin, naarai iswamata akirot ŋin. 7Aso do kogogoŋoto akaninikus, kotitiŋioto: naarai atwana Saul ekusijakait, bobo da abu ekek loka Yuda kenyonyoik eoŋ akinyet araun ekabakakec.”
8 #
1 Sam 14:50; 17:55; Age 32:2; 2 Sam 17:27. Abu Abiner okoku loka Ner ekapolon loka ajore naka Saul koyaŋa Isboset okoku loka Saul, kitodoka ŋes Makanaim; 9Kituluo ŋes ekabaka loka Gilead, ka Iasurin, ka Yesereel, ka Epuraim, ka Benyamin, ka Isirael kere, 10(Kerai Is-boset okoku loka Saul loka ikar akaisaoŋon naageunia airum Isirael, kirumak ikar iarei.) Konye kotup ekek loka Yuda Daudi. 11Apak naaraar Daudi ekabaka koKeburon irumit ekek loka Yuda emwaasi ikar ikanykaarei ka ilapio ikanykape.
12 #
Yos 9:3; 18:25; Isa 28:21. Koloma Abiner okoku loka Ner, ka ibulesin luka Is-boset okoku loka Saul, anyoun koMakanaim kolot Gibeon. 13#Yer 41:12. Koloma Yoab okoku loka Seruia ka ikeiaanakinak luka Daudi, kiriamunos kakes eiduny katapar naka Gibeon; kiboikinos, lu epuai katapar, kwi da epuai katapar, 14#Awa 10:23; 13:10. Kotema Abiner Yoab atiar, “Keŋaiŋait, konyout ikatumunak abolia kakonyenewok.” Kotema Yoab atiar, “Aso konyoutu.” 15Konyout kodokasi imaritai; itomon ka luarei kanuka Benyamin, ka Is-boset okoku loka Saul, ka itomon ka luarei luka ikejaanakinak luka Daudi, 16Kitiŋ ŋinituŋanan akou naka aupake, kicum kekileŋike osiep loka aupake; kibiroros nepepe: kanuka ŋun ŋes amaikinere aibois ŋin Kelakat-kasurim, #2:16 Kelakat-kasurim Apolouke Emanikor loka iltileŋa luekwaka. naejai Gibeon. 17#1 Ika 20:11. Kosisior ejie kapaaran kaŋin; kipikoroi Abiner ka ituŋa luka Isirael kakonyen nuka ikejaanakinak luka Daudi,
18 #
1 Siit 2:16; 12:8; Sab 18:33; Eko 2:17; 8:14. Ajaas kanen odwe iuni luka Seruia, Yoab ka Abisai, ka Asakel: ketirono Asakel akerit kwape kamori. 19Korukitor Asakel Abiner; mam abu kibelokin teten arai kediany kotoma alositeke naatupitor Abiner. 20Kosodi Abiner aŋoliar kauke, kotema atiar, “Ŋes ijo, Asakel?” Koboŋok ebe, “Eoŋ ca lo.” 21#1 Sam 17:42. Kotema Abiner ŋes atiar, “Kibelokin ijo teten arai kediany, kikam ediopet kokatumunak, kolem luijisike.” Konye koŋer Asakel aibelokin katupit ŋes, 22Kotema bobo Abiner Asakel ebe, “Kibelokin kinyek atupit eoŋ: kanukinyo kebirokinia jo kwap? Ekonakini ai aseseni onacekon Yoab?” 23#2 Sam 3:27; 4:6. Konye koŋer aibelokin: tape Abiner icumi ŋes akoik ekaukau kakwara, kipelun akwara kokauke; kibirokin nen, kotwanik aibois ŋin: kosodi kanen, luadolunete kere aibois naebirokin Asakel kotwanite, kobwout.
24 #
Yos 9:3; 10:2. Konye apotu Yoab ka Abisai korukioto Abiner: koloma akoloŋ nakedolioto kesi oukot loka Ama, loitei Gia korot loka amodiŋ naka Gibeon, 25Kotukonokinos idwe luka Benyamin neajai Abiner, koraut erioŋet ediopet, kobwaata kokuju keukot. 26#Yob 18:2; 19:2; Sab 4:2; Asw 7:26. Kosodi Abiner aiworo Yoab ebe, “Edanyi kereka ekileŋ ikar kere? Mam jo ijeni ebe awasiake ŋes adwaris? Aso do kitodoli ai eriŋa ieorakinia iluŋa aboŋor katupakin iinacanakec?” 27#Awa 17:14; 20:18; Luk 14:31,32. Kotema Yoab atiar, “Kwape ejaria Edeke, kemam jo einer, abeit tikeloto ituŋa tupuruc, komam ŋinituŋanan atupit onaceke.” 28Kokut Yoab arupepe, kobwoutu ituŋa kere, komam bobo erukitotor Isirael, karaida aitiji kes bobo.
29 #
Eko 2:17; Age 32:2; Yos 21:38; 2 Sam 17:24. Kotuboros Abiner ka ituŋake Araba, koloto akuare kia; kodokasi Yorodan, kotuboros Bituron kere, kodoloto Makanaim. 30Koboŋo Yoab katupit Abiner: kedau atukonokin ituŋa kere, komameut ituŋa itomon ka lukanykaoŋon ka Asakel kokejaanakinak luka Daudi. 31Konye apotu ikejaanakinak luka Daudi kodanyata luka Benyamin, ka ituŋa luka Abiner, tape etwakete ituŋa akwat auni ka akaisakanykape. 32#Age 47:29,30; 49:29; Tub 8:32; 2 Sam 17:23; 19:37. Kodakasi Asakal, kidaikis ŋes ates naka papake, naajai Bet-lekem, Kolot Yoab ka ituŋake akuare kia, kocila kide kojaas kesi Keburon.
Currently Selected:
2 Samuel 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.