2 Samuel 17

1Bobo da kotema Akitopel Abisalom atiar, “Kisiikinai kaseu ituŋa ilukumin itomon kaluarei, anyouni eoŋ arukitori Daudi akuare na:

2 # Ikis 25:18; 2 Sam 16:14; 1 Ika 22:31; Yok 11:50; Sek 13:7; Mat 21:38. Adolokini ŋes kepas, kitegito da akaninike, etukuriani ŋes: ekerete do ituŋa kere luejaas kaŋes; kenomi do ekabaka bon: 3#Yer 6:14. Enyakuni ituŋa kere mamakon: kwape eboŋunia aberu ore mama ejai okilenike. Imoot ijo aiiar naka ediopetuŋanan bon: inapakinos do ituŋa kere.” 4Kitojok noi Abisalom akirot ŋin, ka imakio kere luka Isirael.

5Kosodi Abisalom atemar atiar, “Konyarakinai cani Kusai Earikit, kapuputu nuenera ŋesi da.” 6Kebu Kusai mama ejai Abisalom, kotema Abisalom ŋes atiar, “Ener Akitopel kwaŋin: kiswamai kereka kwape eneria ŋesi? Arai mere kwaŋin, kiner ijo.” 7Kotema Kusai Abisalom atiar, “Akiro nuener Akitopel apak kana mam ejokuka.” 8#Tub 18:25; Kos 13:8. Bobo da kotema Kusai atiar, “ljeni ijo papakon ka ituŋake, ebe eraas lukagogoŋok, enyunyurasi kotauonokec, kwape adubu naedemaritai ludidikike kais: erai papakon ekaijot, mam eperete kituŋa. 9Koany, eŋopit ŋesi kwape kwana kaipany, arai kaibois ace: kosodi kanen, naegeuniata ice kakesi aibiror, ŋin yenepupi ŋun etemari ebe, ‘Ejai earit otuŋa luetupito Abisalom.’ 10Ŋol da loetitiŋ, loesubit etauke bala etau loka eŋatuny, ipirisiar piris; naarai ejeni Isirael kere ebe egogoŋ papakon, ka ŋul da luejaas kaŋes eraas ituŋa lukatitiŋiok. 11#Age 22:17. Konye eoŋ kabala jo ebe kotukokin Isirael kere mama ijai, anyoun koDan kiton Beerseba, kwape asiŋe naejai kariri naka aŋolol kaipues: kolot ijo da elopet ojie. 12Kwaŋin kidolokini oni ŋes kaibois neetakanunia, kidoikini ŋes kwape edoioto akopyo kwap: mam kinyeini kaŋes ka ituŋa kere luejaas kaŋes ‘karaida idiopet. 13Bobo da, arai keloma ore, ŋes konyet eyauniata Isirael kere aunoi ore ŋol, kiriari ŋes ocor, aitodol naemameunia alicait adiopet kaŋina.” 14#2 Sam 15:31,34; Sab 9:15. Kotema Abisalom ka ituŋa kere luka Isirael atiar, “Ainerun naka Kusai Earikit eteleka ainerun naka Akitopel.” Naarai etemoki EJAKAIT aitapalun ainerun naejok naka Akitopel, tetere eyauni EJAKAIT aronis mama ejai Abisalom,

15Kosodi Kusai atemar Sadok ka Abiatar isasedotin atiar, “Kotema Akitopel kwana kwana mama ejai Abisalom ka imakio luka Isirael: kasodi eoŋ da atemar kwana kwana. 16Aso do kijuka atipet, kolimokis Daudi ebe, ‘Sirikiper kakuare kana kaneedokarere amodiŋ, konye kotuboros cut; kinyek ekabaka ailikorio, ka ituŋa kere luejaas kaŋes.’’’ 17#2 Sam 15:27,36; Yos 2:4; 15:7; 1 Ika 1:9. Kiboioto Yonatan ka Akimaas En-rogel; kolosenenei akejaanakinan alimonokin kes; koloto kesi kolimokis ekabaka Daudi: naarai mam akotos ituŋa aanyun kes elomarete ore. 18#2 Sam 3:16; 16:5. Konye koany esapat kes, kolimok Abisalom: kiwonyasi kesi kere iarei, kopotu Bakurim togo loka etuŋanan lokejai atan alaroke; kijesaros toma. 19#Yos 2:6. Kolem aberu arapetait kopesik da aituk naka atan, koloik akima nuicomom kujuke; mam akirot abu kojenun. 20#Any 1:19; Yos 2:4; 1 Sam 19:14-17; 21:2. Kopotu ikejaanakinak luka Abisalom mama ejai aberu togo; kotemasi atiar, “Alu bo Akimaas ka Yonatan?” Kotema aberu kes atiar, “Atuboros kaguurut naka akipi.” Kemoata kes, mam apotu kodumutu, koboŋosi Yerusalem. 21Kosodi kanen, kedaut alosit, kodokut kesi katan, koloto kolimokis ekabaka Daudi; kotemasi kesi Daudi atiar, “Konyoutu, kiwonyasi kotuboros kakipi: naarai eneru Akitopel kwana aluikin yes.” 22Kosodi Daudi anyoun, ka ituŋa kere luajaas kaŋes, kotuboros koYorodan: kiwala akwap emamei ediopet kakesi loabu kokurwok atubor Yorodan.

23 # 2 Sam 15:12; 2 Ika 20:1; 1 Sam 31:4,5; Sab 55:23; Yob 31:3; Mat 27:5. Keanyu Akitopel ebe mam ainerunike atupitai, kopetanak lupetan asigiriake, konyou, kolot obukec, oreke, kitemonok eketogo, komiedakin; kotwana, konukai kates naka papake.

24 # Age 32:2; Yos 13:26; 2 Sam 2:8. Kosodi Daudi abunore Makanaim. Kotubor Abisalom ko Yorodan, ŋes ka ituŋa kere luka Isirael. 25Kodakak Abisalom Amasa ayait ajore aibois naka Yoab. Kerai Amasa okoku loka etuŋanan, ekekiror Itira loka Isirael, loalomari mama ejai Abigal akoku naka Nakas, inac naka Seruia totoke ka Yoab. 26Kidukuroto Isirael ka Abisalom akwap naka Gilead,

27 # 1 Sam 11:1; 2 Sam 10:1; 12:30; Esr 2:61; 2 Sam 9:4; 19:31,32; 1 Ika 2:7. Kosodi kanen, kebu Daudi Makanaim, apotu Sobi okoku loka Nakas loka Raba loka idwe luka Amon, ka Makir okoku loka Amiel loka Lo-debar, ka Barisilai Egileadit loka Rogelim, 28#1 Sam 25:18; Awa 11:25; Mat 5:7. Koyaut iitadan, ka abesenin, ka amoti nuka elupe, ka akima, ka esairi, ka akiria, ka imumwa luikaworitai, ka imare, ka epone ece loegelara loka alos, ka ekirididi loikaworitai, 29#Ikis 15:7; Tub 8:4-6; Sab 34:8-10; Awa 21:26; Lim 11:1; Isa 58:7-12; Luk 6:30-36; Rom 12:13. Ka esik, ka akinyet, ka amerekekin, ka ikamonon luka akile lueokito luka aituk, tetere enyamete Daudi ka ituŋa luajaas kaŋes, naarai abalas ebe, “Eriebi eteŋei ituŋa, ilworuna ejakit akur kamodiŋ.”

Currently Selected:

2 Samuel 17: AOV1961

Highlight

Copy

Compare