2 Ikorinton 12
12
1Kebusakinit aolobob, karaida mam eyauni ajokis; konye adolokini aitegelikineta nuka emoyo, ka apukoreta nuka Ejakait, 2Ajeni etuŋanan kotoma Kristo, atuboros kwana ikar itomon kaluoŋon,—arai kejai toma akuan, arai kejai kiŋa kakuan, mam ajeni, ejeni Edeke, kowuruporoi loikoni nen kiton akuj nakiwuniet, 3Ido ajeni etuŋanan loikoni nen-arai kotoma akuan, arai komamei akuan, mam ajeni, ejeŋi Edeke,– 4#Luk 23:43; Apu 2:7. ebe kowuruporoi kiton Paradais, kiira akiro numam inerunos, numam ibus etuŋanan einer. 5#2 Kor 11:30. Aoloboboi kanuka loikoni nen, kwabo mam aoloboboi kanukaŋ, dimarai nuka akalanyanurukaŋ. 6#2 Kor 10:8; 11:16. Naarai arai kakoto aolobob, timam arai lobaŋ, naarai enera abeit. Konye etikokina, kinyek ituŋanan aomit kamakaŋ nuedeparito nueseseni ka nuiirari kamakaŋ, 7#Yob 2:6. Ido kenyek aiturokina kanuka apukoreta nuidilas noi, aponi kainakin ekukwai kotoma akuan, ekiyakia loka Satan, tetere kebuŋai, kenyek aiturokina adepar. 8Abu keŋaiŋa Ejakait irwan auni kanuka ibore kaŋin, tetere elemario kamakaŋ. 9Konye abu katema eoŋ atiar, “Akasianut kidaunit jo, naarai itodolitoi akapedor kotoma akalanyanut.” Aso aoloboboi kaiyalama naepol kanuka akalanyanutukaŋ, tetere karapari apedor naka Kristo. 10#Pil 4:13. Ŋes esiyalamikinitor akalanyanut, aikonakinio nukepali, ailwaritoi, areio, ka aridakinio da, kanuka Kristo; naarai naakalanyanar, nepenen agogoŋoror,
11 #
2 Kor 11:5. Abu karau ebaŋ! Yes kitiŋaikinito. Naarai yes tiibusakinit aiturit eoŋ. Naarai mam eoŋ eŋoŋara kadiokirot nakejaatar ikiyakia lukapolok noi, karaida mam arai ibore. 12#Rom 15:19. Abeit aponi kiswamai aanyuneta nuka ekiyakia kokidiŋikus, kotoma aŋirikin kere, kanuka aanyuneta, ka nukaumokin ka nukapedor. 13#2 Kor 11:19. Naarai inyo kereka ibore yeniŋoŋara kamakus itia ikanisan ice, dimarai mam eoŋ abu kalaŋirik yes? Kitimoi eoŋ aibucaret ŋin!
14 #
2 Kor 13:1. Koany na ŋes irwan nakiwuniet naakapakina abunore mamakus. Ido mam kalaŋirikinete, naarai mam amoot iborokus, dimarai yes; naarai mam tiibusakinit idwe aiŋadanakin kanuka ikauriakakec, dimarai ikauriak kanuka idwekec. 15#Pil 2:17. Konye akori ido kakorakinio kaiyalama naepol kanuka aijarakus. Arai kamina yes aitelekarit, eŋoŋar kereka eoŋ aminunio? 16Konye kikona nen, mam kalaŋirikinit yes, konye karai loepiriana, abu kalok yes kaimod. 17Abu kereka kadum ameda kamakus kotoma edio kaŋul lukeiukakinit yes? 18#2 Kor 8:6,16-18. Abu kecor Tito, kejuk da onac ŋol nenipe kaŋes, Abu kereka Tito kodum ameda kamakus? Mam kereka kilosenenei kOmoyo ediopet? Mam kereka kitupit ikukut ŋupeŋul?
19Iwomitos kereka apak na kere ebe kiiyari bonik kamakus? Kakonyen nuka Edeke kinera isio toma Kristo. Konye luminan, eraas kere adukio yes. 20#2 Kor 10:2; 1 Kor 4:6. Naarai acoikina ebe motoko abuni kadum yes ijaas kwape mam akotor, yes da kidumunete eoŋ ajai kwape mam ikototor; kinyeis ipegeta ajaut, ka ekokote, ka anyunyura, ka aŋolopa, ka esiomit, ka aideideonokin, ka adakunun, ka iceleta da. 21#2 Kor 2:1; 13:2. Kinyek Ekadeke aitisil eoŋ kakonyenekus, naabunio bobo, kakuudian luipu luadiakasi sek, komam itoronikinos kanuka amamus ailakec, ka adoteu, ka abenyanut, naapotu kiswamata.
Currently Selected:
2 Ikorinton 12: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.