2 Ikorinton 11
11
1Arai koŋirikinito eoŋ kotoma abaŋaanut naedit; eebo, koŋirikinito eoŋ! 2#Pes 5:26,27. Naarai ekokotikinit yes kekokote loka Edeke, naarai abu kesinerik yes ekiliokit ediopet, tetere ketodiari kwape abekot naelai mama ejai Kristo, 3#Age 3:1-5,13. Konye acoit kinyeis akusiwomisio aitapaario kama ka aipioror ka alaunit nuka Kristo, kwape ejodijodio emun Keba kotoma apirianutuke. 4#Gal 1:8,9. Naarai arai ebuni ituŋanan elimonokini Yesu ece lomam sio kilimonokinit, arai bo idumunete emoyo ece lomam idumunito, arai bo icamunito Akiro Nukajokak nuegelara kanuipotu kocamut, iŋirikinete ejok, 5#2 Kor 12:11; 1 Kor 15:10; Gal 2:6,9. Naarai aomit ebe mam eoŋ eŋoŋara kadiokirot nakejaatar ikiyakia lukapolok noi.
6 #
1 Kor 2:1,2,13; Pes 3:4. Konye karaida arai eoŋ lomam ajeni einer, mere kwaŋin kotoma acoa; konye koponesio kere kitodia ŋin kakiro kere mamakus,
7 #
1 Kor 9:12,18. Adiakarit kereka eoŋ aitasonikin tetere yes kitopoloorio, naarai abu kalimonok yes Akiro Nukajokak nuka Edeke, komam eropit? 8#Pil 4:10,15. Abu kaŋat ikanisan ice adumunio aropio kamakec tetere kejaanakini yes. 9#Pil 4:15-18; 2 Kor 12:13. Ido nakijaar kayes, elwaritoi da, mam abu kalaŋirik ituŋanan, naarai apotu iinacan lukepote koMakedonia kainakis lukepuda. Bon da kotoma akiro kere abu kedarakina kenyek alaŋirikin yes, ido edarakina, 10#1 Kor 9:15. Kwape ejaar abeit naka Kristo tomakaŋ, emamei ituŋanan yeniketubutaari kotoma aolobobot ŋin kotoma atutubeta nuka Akaia. 11Kanukinyo? Naarai mam kamina yes? Ejeŋi Edeke.
12Konye nueswamai, eyatakini aswam, tetere egaliori einer loka ŋul kaluekotosi einer, tetere kotoma kaŋin naeolobobototor kotakanete araut kwape kasio, 13#2 Kor 2:17; Pil 3:2. Naarai luikote nen eraas ikiyakia lukeŋalak, ikeswamak aimod, luituluoros bonik bala ikiyakia luka Kristo. 14Mam erai nakaumokin, naarai Satan da ituluonor bon bala emalaika loka aica. 15Aso mam erai naepol arai ikekeiaanakinak da ituluoros bonik kwape ikejaanakinak luka abeit. Eraun awasiakec kwape akeceswamisio.
16 #
2 Kor 12:6. Enera bobo ebe kinyek ituŋanan aomit eoŋ araut ebaŋ; konye arai kiwomito eoŋ kwaŋin, kocamunitos eoŋ kwape ebaŋ, tetere eoŋ da aoloboboi nuikidioko. 17Naenera, mam enera kaicorakinet naka Ejakait, konye kwape toma abaŋaanut, kotoma atitiŋ na naka aolobobot. 18Naarai eolobobotos luipu kopone loka akuan, eoŋ da aoloboboi. 19Naarai iŋirikinitos luebaŋaka kaiyalama, iraas yesi lukacoal 20Naarai iŋirikinitos arai kiitubulesen yes ituŋanan, arai kiiliko yes, arai kiiŋata, arai kedakunun, arai kiibapana yes akonyen. 21Enera kanuka aitisilikin, ebe kirai isio lukalanyak.
Konye arai etitiŋikini ituŋanan akirot kere,—enera kabaŋaanut,—eoŋ da atitiŋ. 22#Pil 3:5. Eraas kereka kesi Iburanian? Eoŋ da. Eraas kereka kesi Isiraelin? Eoŋ da, Eraas kereka kesi aur naka Aburaam? Eoŋ da. 23#Asw 16:23; 1 Kor 15:10. Eraas kereka kesi ikejaanakinak luka Kristo? Enera bala loikerepikinit-eoŋ adeparit-kotoma aitaaritoi naedeparit noi, kotoma aenio naedeparit noi, kotoma aleconorio numam imarunos, irwan ipu kotoma atwanare. 24#Ikis 25:3. Irwan akany aponi kaleconor koYudayan idas akais aoŋon alemar idiopet. 25#Asw 16:22; 14:19. Irwan auni aponi kaleconor kasureta; irwan atipet aponi kebiribirii kamor. Irwan auni abu ataker kobwaŋa; ajai ataro akuare ka apaaran; 26#Asw 9:23; 14:15. irwanipu kotoma alosit, karonis naka icorin, karonis naka ikaŋatak, karonis naka Iukatekereka, karonis naka Imo, karonis kotoma oreria luepolok, karonis nakotoma amodiŋ, karonis nakotoma aŋolol, karonis naka iinacan lukeŋalak; 27#2 Kor 6:5. kaitaaritoi ka ailolony, irwan ipu kotoma aikoler, kotoma eteŋei ka akure, irwan ipu kotoma ailuŋ, kaaterot ka amujalal da. 28#Asw 20:18-21. Komam imarakinit nukokiŋa, ejai nakalanirikinit tiritir, ŋes aiyaloŋoŋ kanuka ikanisan kere. 29#1 Kor 9:22. Iŋai bo ekalanyana, komam eoŋ da akalanyana? Iŋai bo kitiguikinitai, komam eoŋ da anoki?
30 #
2 Kor 12:6. Arai kebusakinit aolobob, aoloboboi kanuka akiro nuka akalanyanutuka. 31#2 Kor 1:23. Edeke Papa loka Ejakait Yesu loituritoi ikar kere ejeŋi ebe mam eŋalai, 32#Asw 9:23-25. Ko Damasiko, abu ekayaiton loka Areta ekabaka kidar ere loka Damasiko tetere kekamuni, 33#Asw 9:24,25. konye kejoluluun kotoma obukit kadirisa naka arwatat, kakuu kotoma akaninike.
Currently Selected:
2 Ikorinton 11: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.