1 Samuel 8
8
1 #
Ikis 16:18; Tub 10:4; 12:14. Kosodi kanen kemoion Samuel, kodakak odweke atubokin Isirael. 2Ekiror loka ekiyaike ŋes Yoel; ka ekiror loka lokiareit Abiya: keraas ikatubok koBeer-seba. 3#Lim 2:19; Yer 22:15; Any 18:21; Ikis 16:19; 1 Tim 3:3; 6:10; Sab 15:5. Mam odweke apotu kotupasi ikeponesio, konye apotu kopaasi adumun apesan, apotu kijaut ainakineta nuitumudakete akonye, kitirioto etube.
4Kosodete imakio kere luka Isirael atukokin, kopotu Rama neaiai Samuel. 5#Ikis 17:14; 1 Sam 12:13; Kos 13:10; Asw 13:21. Kolimokis ŋes atiar, “Koany, imoion ijo, odwekon da mam etupito ikoniponesio: asa koseikinai sio ekabaka atubonokin sio kwape katekerin kere.” 6#Any 32:31,32; 1 Sam 15:11; Awa 3:5. Konye kitakadik akirot Samuel, naalimunioto ebe, “Koseikinai sio ekabaka atubonokin sio.” Kilip Samuel mama ejai EJAKAIT, 7#Any 16:8; Mat 10:24,25; Luk 10:16; Yok 13:16; 1 Sam 10:19. Kotema EJAKAIT Samuel atiar, “Kopupok eporoto loka ituŋa kakiro kere nukilimokinete: naarai mam kinerito jo, konye kaŋeroto eoŋ, kenyek araut ekabakakee. 8Kwape ejaatar aswamisio kere nueswamata ageun kapaaran naetolomunia kes koMisiri aitodol lolo, kwape kajaliata eoŋ, ejaanakiniata ieedekesio, kikonakis jo kwaŋin. 9Aso do kopupok ekeceporoto: konye iteienikini kes kaitebeikin, itodikini da epone loka ekabaka loeyai kes.”
10Kolimok Samuel ituŋa luelipitos ŋes ekabaka akiro kere nuka EJAKAIT. 11#Ikis 17:16; 1 Sam 10:25; 14:52; 2 Siit 26:10-15. Kotema atiar, “Ikoni neta ekabaka lokiyai yes: eyaŋaari odwekus, eseuni kes kanuka agalinike, araun ikebwanenok ibalasinike; ekerete da koinaren kagalinike: 12Eseuni kes araun ikapolok luka ilukumin, ka ikapolok luka akaisakany; eseuni ice akor akelup, ka aisak ikenyamat, aiswamaun da iboroke lujiis, ka iboro luka agalinike. 13Eyaŋaari adwekus araun nuinyalete nueur maa, araun da akepook, araun akapeok imugatin. 14#1 Ika 21:7. Eyaŋaari da imanikoriakus, ka amanatakus nuka emusabibu, ka amanatakus nuka iseitunin, nuitelekarit ajokis kakesi, einakini kes ikekejaanakinak. 15Eyaŋaari idiopet kotomon yenika ikinyomokus, yenika amanatakus da nuka emusabibu, einakini ijakake ka ikekeiaanakinak. 16Eyaŋaari ibulesinikus, ka abulesinikus, ka ikatumunakakus luejok noi, ka asigiriakus, aitwasam akeswam. 17Eyaŋaari idiopet kotomon yenika isipaninikus: yesi da iraunos ikebulesin. 18#Yob 27:9; Sab 18:41; Awa 1:25; Isa 1:15; Mik 3:4; Luk 13:25. Imonyete yesi kapaaran kaŋin kanuka ekabakakus loiseunete yesi; mam EJAKAIT kibonokini yes kapaaran kaŋin.”
19 #
Isa 66:4; Yer 44:16. Konye konero ituŋa apupokin eporoto loka Samuel; kotemasi atiar, “Mam; konye kikoto ekabaka lokiyai sio; 20Tetere kiputokin katekerin kere; tetere da ekosikabaka kitubokini sio, kinarenenokini da, ejie ijiisiokosi.” 21Kopup Samuel akiro kere nuka ituŋa, kitatam kes kaki nuka EJAKAIT. 22#Kos 13:11. Kotema EJAKAIT Samuel atiar, “Kopupok ekeeeporoto, koseik kes ekabaka.” Kotema Samuel ituŋa luka Isirael atiar, “Aso kolototo, ninituŋanan oreke.”
Currently Selected:
1 Samuel 8: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
