1 Samuel 7
7
1 #
2 Sam 6:2-4; 1 Siit 13:5-7; 1 Sam 6:21; Sab 132:6. Kopotu ituŋa luka Kiriat-yearim, koomut asaduku naka EJAKAIT, koyanaasi oukot togo loka Abinadab, kitalaut Eleasar okokuke aidar asaduku naka EJAKAIT.
2Kosodi kanen ageun kapaaran kaŋin kiboi asaduku koKiriat-yearim apaarasia nuipu: naarai kes ikar akaisaarei: komony ekek kere loka Isirael mama ejai EJAKAIT.
3 #
Ikis 30:2; 1 Ika 8:48; Isa 55:7; Kos 6:1; Yok 2:12; Age 35:2; Yos 24:14; Tub 2:13; 2 Siit 30:19; Mat 4:10; 15:8; Luk 4:8. Kotema Samuel ekek kere loka Isirael atiar, “Arai ibonunito mama ejai EJAKAIT kikusitauon kere, kolemasi idekesio lumo ka Asitarot kamakus, kitemokis ikusitauon mama ejai EJAKAIT, kijaanakis ŋes bon: ŋes da kiyuuni yes kakan naka Ipilisitian.” 4Kosodete idwe luka Isirael alemar Ibaalin ka Asitarot, kijaanakis EJAKAIT bon.
5 #
Tub 10:17; 11:11; 1 Sam 10:17; 2 Ika 25:23. Kotema Samuel atiar, “Kotukokin Isirael kere Misipa, elipakini eoŋ yes kama ejai EJAKAIT.” 6#2 Sam 14:14; Nek 9:1,2; Dan 9:3; Yok 2:12; Leb 26:40; Tub 10:10; 1 Ika 8:47; Yob 33:27,28; Sab 106:6. Kotukokinos Misipa, kookut akipi, kobukosi kakonyen nuka EJAKAIT, kolunata apaaran ŋin, kobalas kanen ebe, “Kidiaka kama ejai EJAKAIT.” Kirabak Samuel idwe luka Isirael koMisipa. 7Kepuput Ipilisitian ebe etukokina idwe luka Isirael Misipa, koloto iiaka luka Ipilisitian asurokin Isirael. Kepuput idwe luka Isirael, apotu kokuriakata Ipilisitian, 8#Isa 37:4. Kobalas idwe luka Isirael Samuel ebe, “Sirikitanan aimony mama ejai EJAKAIT Ewokodeke kanukosi, tetere kitaiari isio kakan naka Ipilisitian.” 9#Sab 99:6; Yer 15:1. Kolem Samuel imerekek yenenaki, koinak ŋes araun ainakinet naicweio mama ejai EJAKAIT: komony Samuel mama ejai EJAKAIT kanuka Isirael; Koboŋok EJAKAIT ŋes, 10#Yos 10:10; Tub 4:15; 1 Sam 2:10; 2 Sam 22:14,15. Napeinakini Samuel ainakinet naicweio, kikunyut Ipilisitian aitiii Isirael: konye kiretak EJAKAIT Ipilisitian kairetun naepol kapaaran kanin, kitiean kes; kodanyai kes kakonyen nuka Isirael. 11Kolomasi ituŋa luka Isirael koMisipa, kodapata Ipilisitian, kodanya kes, kiton naadolioto Bet-car.
12 #
1 Sam 4:1. Kosodi Samuel alemun amoru, kosipok kidin Misipa ka Sen, komaik ekekiror Eben-eser, kobala ebe, “Kiŋarak EJAKAIT oni aitodol lolo,” 13#Tub 13:1; 1 Sam 13:5. Kwaŋin kitononokai Ipilisitian, mam bobo apotu kolomut oikorun luka Isirael: koluik akan naka EJAKAIT Ipilisitian apaarasia kere nuka Samuel. 14Kinyakakinai Isirael ireria luanatarito Ipilisitian kamakec, anyoun koEkuron kiton Gat; koyu Isirael eikoruke kakan naka Epilisitian. Kinapakina Isirael ka Imorain.
15 #
1 Sam 12:11; Tub 2:16. Kotubok Samuel Isirael apaarasia kere nuka aiiarake. 16Kirimonori kanolikaru Bet-el, ka Giligal, ka Misipa; kotubok Isirael kaiboisio kanun kere. 17#Tub 21:4. Kobononori Rama, naarai nina ajai eketogo; kotubok Isirael kanen: kodukok nen etem loka EJAKAIT.
Currently Selected:
1 Samuel 7: AOV1961
Highlight
Copy
Compare
Share
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.
