1 Samuel 31
31
1 #
1 Sam 28:1,15; 29:1; 1 Siit 10:1; 1 Sam 28:4. Kitijioto Ipilisitian Isirael: kokerata ituŋa luka Isirael kakonyen nuka Ipilisitian, koarakinai moru Giliboa. 2#1 Siit 8:33. Kodapata noi Ipilisitian Saul ka odweke; koarata Ipilisitian Yonatan, ka Abinadab ka Maliki-sua, odwe luka Saul. 3#2 Sam 1:6. Kipikoroi Saul kojie, kodolokis ŋes ikagumak imalia; kobur noi kanuka ikagumak imalia. 4#Tub 9:54; 1 Sam 14:6; 17:26; 2 Sam 1:10. Kosodi Saul atemar loadakit lujiisike atiar, “Kout ekonikilen, kieumia eoŋ; kinyeis lumam ekepep lu abunore aicum eoŋ, aitisil eoŋ,” Konye koner loadakit lujiisike; naarai akuriana noi. Kanuka ŋun kolem Saul ekekileŋ, kicumakinor. 5Keanyu loadakit lujiisike ebe atwana Saul, kieumakin ŋesi da kekekilen, kotwana nepepe kaŋes. 6#1 Sam 12:25; 1 Siit 10:6; Rom 6:23. Kwaŋin kotwana Saul, ka odweke iuni, ka loadakit luiiisike, ka iketuŋa kere, kapaaran kaŋin kere nepepe. 7Keanyut ituŋa luka Isirael luajaas juwai naka aditot, ka ŋul luajaas juwai naka Yorodan ebe akerata ituŋa luka Isirael, atwana da Saul ka odweke, koialata ireria, kokerata; kopotu Ipilisitian kiboikinos toma.
8Kosodi kanen tupuruc kepotu Ipilisitian aiŋat lukearitai, kodumut Saul ka odweke iuni etwakikinito moru Giliboa. 9#2 Sam 1:20. Koiepasi akekou, konatasi Iuiiisike, kijukasi akwap naka Ipilisitian naerimorit, ayaŋaar akiro togo loka aputosiakee nuegerer, kotuna da. 10#1 Sam 21:9; Tub 2:13; Yos 17:11; Tub 1:27. Kibwaikis lujiisike togo loka Asitarot: koenikis akekuan arwatat naka Bet-san, 11Kepuput lueboienenete koYabes-Gilead nuken nuapotu Ipilisitian kiswamakis Saul. 12#1 Sam 11:1-11; 2 Sam 2:4-7; 2 Siit 16:14; Yer 34:5; Amo 6:10. Konyout ituŋa kere luatitiŋ, koloto akuare kere, kolemut akuan naka Saul ka awat nuka odweke karwatat naka Bet-san; kopotu Yabes, kicweata kes kanen. 13#2 Sam 21:12-14; Age 50:10; Yob 2:13. Koyanaasi akojokee, konukakis kwap kepeduru koYabes, kikanyata eteŋei apaarasia akanykaarei.
Currently Selected:
1 Samuel 31: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.