1 Samuel 30
30
1 #
Any 17:8-16; Mar 24:20; Ikis 25:17,19; 1 Sam 27:8; 28:18; 1 Siit 4:43; Esk 25:15. Kosodi kanen, kepotu Daudi ka iketuŋa Sikilag kapaaran nakiwuniet, apotu Imalekain kosurokinito ari naka Eŋalakimak, ka Sikilag, konatasi luka Sikilag, kicweikisi ere kakim; 2#Yob 38:11; Sab 76:10; 89:9; Isa 27:8; Kbk 3:2. Kijoreosi aŋor ka luajaas toma kere Iudidik ka lukapolok da: mam apotu koarata idioda, konye koyanaasi kes, koloto. 3Kepotu Daudi ka iketuŋa ore, koany, ecweitai kakim; ejoreoritai aŋorokec, ka ikecedwe lusap ka lupesur. 4#Mar 14:1. Kosodi Daudi ka ituŋa luajaas kaŋes adelor, komonyata, aitodol naekarakiniata aimony. 5#1 Sam 25:42-43; 2 Sam 2:2. Eioreoritai aŋor aarei nuka Daudi, Akinoam Ayesereelit, ka Abigail aberu kolo naka Nabal Akaramelit. 6#Any 17:4; Yok 8:59; Tub 18:25; 2 Sam 17:8; Sab 31:24; 33:18; 39:7; Yer 17:7,17; Yok 3:16; Rom 4:20. Koiaikini Daudi oean luipu noi: naarai alimitos ituŋa aibiribir ŋes kamor, naarai akadakinito itauon luka ituŋa kere, ŋolituŋanan kanuka ikedwe lusap ka lupesur: konye kogogonior Daudi kotoma EJAKAIT Ekedeke.
7 #
1 Sam 22:20-23; 23:6,9. Kotema Daudi Abiatar esasedoti, okoku loka Akimelek, atiar, “Kenainait, koinunai epod.’ Koinu Abiatar Daudi epod. 8#1 Sam 23:2,4; Sab 22:4,5; 28:6. Kinit Daudi EJAKAIT ebe, “Arai kebwap eoŋ erioŋet lo, adolokini kereka eoŋ kes?” Koboŋok ebe, “Kibwap: naarai abeit idolokini ijo kes, mam kikurwokini ainyakun kere.” 9Kolot Daudi, ŋes ka iketuŋa akwat akanykape luajaas kaŋes, kodoloto aleles Besor, neasalakinete nul Iuelanyakinio, 10Konye kibwap Daudi, ŋes ka ituŋa akwat aoŋon: naarai apotu akwat aarei kosalakis, luelolonyito komam epedorete aitub aleles Besor,
11 #
Sab 111:2; Awa 3:5,6. Kodumut Emisiriat kokitui, koyaut ŋes neejai Daudi, koinakis ŋes inyamat, konyam; koinakis ŋes akipi aimat: 12#Tub 15:19; 1 Sam 14:27. Koinakis ŋes atutubet naka aluŋuret naka itinin, ka aibuneta aarei nueokito nuka imusabibun. Kedau ŋesi ainyam, kikwar: naarai mam anyamit atap, karaida aimat akipi apaarasia auni ka akuaresia auni. 13Kotema Daudi ŋes atiar, “Lokanai ijo? Ido lali bo kibunio?” Kotema atiar, “Arai eoŋ esapat Emisiriat, ebulesit loka Emalekait; kajal ejakaitika eoŋ, naarai apenata apaarasia auni adeka, 14#2 Sam 8:18; 1 Ika 1:38,44; Esk 25:16; Sep 2:5; Yos 14:13; 15:13. Apotu kasurokisi ari naka eŋalakimak naka Iceretitin, ka ari naka Yuda, ka Eŋalakimak naka Kaleb; kecweata Sikilag kakim.” 15Kotema Daudi ŋes atiar, “Kiyanaari ijo eoŋ orionet ŋol?” Kotema ŋes atiar, “Kiyapoikinoi kolimite Edeke, ebe mam jo kiari eoŋ karaida aijaikin eoŋ akanin nuka ekajakait, kayanaari jo orionet ŋol.”
16 #
Any 32:6; 1 Sam 25:36-38; 2 Sam 13:28; Dan 5:1-4; Luk 12:19,20; 21:34; 1 Ses 5:3; Apu 11:10,13. Kedau ŋesi ayaŋaar ŋes, koany, esiarakina akwap kere, enyamete, emasete, ekosiete, kanuka lunatan kere luipu luapotu koyaut kakwap naka Ipilisitian ka akwap naka Yuda. 17#Yob 20:5. Kodany Daudi kes ageun napimukokini akwap aitodol atiboŋ naka apaaran naatupakini: mam idiotuŋanan abu koku kakesi, dimarai ikatumunak akwat aoŋon luapotu kibwanenoto akaalai kokerata. 18#Age 14:16; Sab 34:9. Kinyak Daudi kere luanatarito Imalekain: koyuu Daudi akenor aarei. 19Komamei koborokec yenaoliorit, yenepol karaida yenedit; karaida ikeeedwe lusap ka lupesur, karaida lunatan, karaida iboro kere luanatarito: kinyak Daudi kere. 20Koyana Daudi isipanin kere luka amerekekin ka luka aituk, luameeto koinaren kibaren ice, kobala ebe, “Lu kes iŋatan luka Daudi.”
21 #
Tub 18:15. Kobu Daudi mama ejaas ituŋa kwi akwat aarei, luapotu kilolonyata tape mam epedorete atupar Daudi, luaponi kitasalikinai aleles Besor: koloto airiamun ka Daudi, airiamun da kituna luaupas kaŋes: kosodi kedoloki Daudi ituŋa, kiyoga kes, 22#Ikis 13:13; Tub 19:22; 1 Sam 22:2; 25:17; 1 Ika 21:10. Kosodete ituŋa kere lukaronok ka ituŋa luka Belial, kotoma kanul kalualosito ka Daudi aboŋokin ebe, “Kanu naarai mam apotu koloto kaoni, mam kiinakini kes idiobore kotoma lunatan lukinyaku, dimarai koyana ninitunanan akeberu ka ikedwe, koloto.” 23Kosodi Daudi atemar atiar, “Ikainaean, mam iswamakinete kwaŋin iboro lukiinak EJAKAIT oni, lokidar oni, loabu kijaik erioŋet lokisurokinit oni akaniwok. 24#Mar 31:27; Yos 22:8; Sab 68:12. Iŋai kipupokini yes kakirot kaŋin? Naarai kwape ejaar akorakinet naka ŋol kaloelosi oiie, kwape kwaŋin da eiaar akorakinet naka ŋol kaloidari iboro: ekorokoroete koriakas.” 25Koiaun kwaŋin amear kapaaran kaŋin ka aiyatanakin, kisilak araun ekisil ka aicorakinet mama ejaas idwe luka Isirael, kiton lolo.
26Kedol Daudi Sikilag, kijukak imakio luka Yuda, ikepapero, ice kotoma lunatan, ebe, “Koany, ainakinetekus kotoma lunatan kaneejaas lukasurupo luka EJAKAIT.” 27#Age 12:8; Yos 19:8; 15:48. Ainakinet mama ejaas luka Bet-el, ka luajaas Ramot loka Eŋalakimak, ka Iuajaas Yatir; 28#Yos 13:16; 15:50. Ka luajaas Aroer, ka luajaas Sipimot, ka luajaas Esitemoa; 29#1 Sam 27:10; Tub 1:16. Ka luajaas Raeal, ka luajaas oreria luka Iyerameelin, ka luajaas oreria luka Ikenin; 30#Tub 1:17. Ka luajaas Koruma, ka luajaas Kor-asan, ka luajaas Atak; 31#Yos 14:13; 2 Sam 2:1. Ka luajaas Keburon, ka mama ejaas aiboisio kere nuatapit Daudi alosenen ka iketuŋa.
Currently Selected:
1 Samuel 30: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.