1 Samuel 3
3
1 #
Sab 74:9; Amo 8:11. Kijaanakinenei ikoku Samuel EJAKAIT kakonyen nuka Eli. Ido kocicin akirot naka EJAKAIT kapaarasia kanun; amamei da ituŋanan yeneanyunit aitapoet.
2Kosodi kanen kapaarasia kanun, eperi Eli kaiboisike, (kowariwarete akekonye, komam epedori asesen.) 3#Any 27:21; 30:7,8; Leb 24:3. Korina cdunioro atala naka Edeke, koper Samuel kojotor, koyekalu loka EJAKAIT, neajai asaduku naka Edeke; 4Kiworo EJAKAIT Samuel: kobala ebe, “Eoŋ lo.” 5Koker neejai Eli, kotema atiar, “Eoŋ lo; naarai kiworot.” Kotema atiar, “Mam keworot; koper bobo.” Kolot koper. 6Kiworo ŋes bobo EJAKAIT nakiaret ebe, “Samuel.” Konyou Samuel kolot mama ejai Eli, kobala ebe, “Eoŋ lo, naarai kiworot.” Koboŋok ebe, “Mam keworot, ikakoku; koper bobo.” 7#Yer 9:24; Asw 19:2. Korina Samuel kejenuna EJAKAIT, ido korina epukokina ŋes akirot naka EJAKAIT. 8Kiworo bobo EJAKAIT Samuel nakiwuniet. Konyou kolot mama ejai Eli, kotema atiar, “Eoŋ lo, naarai kiworot.” Kojen Eli ebe EJAKAIT ŋes iworot ikoku. 9Kanuka nun kolimok Eli Samuel ebe, “Kolot, koper: kosodi arai kiiworo, kotema atiar, ‘Kiner, EJAKAIT; naarai epupi ekonibulesit.’’’ Kolot Samuel koper kaiboisike.
10 #
Sab 85:8; Asw 9:6. Kobu EJAKAIT, kobwo, kiworo kwape aatenak ace ebe, “Samuel, Samuel.” Kosodi Samuel atemar ebe, “Kiner; naarai epupi ekonibulesit.” 11Kotema EJAKAIT Samuel atiar, “Koany, abuni aswam akirot kolsirael, naisidelori aki kere nuka ninitunanan yeniirari. 12#1 Sam 2:30. Kapaaran kaŋin etodolikini Eli kere nuabu kener nuka ekekike, ageun ka nasodit aitodol nakawasia, 13#1 Sam 2:12. Naarai abu kalimok ŋes ebe atubokini ekekike ikar kere, kanuka numam adolit nuabu kojen, naarai einyanakinete odweke Edeke, komam ŋes itikokini kes. 14#Mar 15:30; Isa 22:14; Yer 7:16; Bur 10:26-31. Kanuka ŋun eyapoikinit ekek loka Eli ebe, numam adolit nuka ekek loka Eli mam elucio kasubanit karaida kainakinet ikar kere.”
15Koper Samuel aitiwalar akwap, konaana ikekia luka etogo loka EJAKAIT. Kokurianar Samuel alimokin Eli etapo, 16Kosodi kiworo Eli Samuel, kobala ebe, “Samuel, okokuka.” Kotema atiar, “Eoŋ lo,” 17#Rus 1:17; Mat 26:63. Kotema atiar, “Anyoin akirot nakilimok jo EJAKAIT? Kenaiŋait, sirikiimunonik eoŋ: kiswamak jo Edeke kwaŋin ka adepar da, arai kimunon adiokirot kakiro kere nukilimok ŋesi jo.” 18#Age 18:25; 1 Sam 16:10-12; Yob 1:21; 2:10; Sab 39:9; Isa 39:8; 1 Pet 5:6. Kolimok Samuel ŋes kere, mam abu kimunon adiokirot, Kotema atiar, “Ŋes EJAKAIT: kiswama ŋesi nuitoiokit.”
19 #
Age 39:2; 1 Sam 18:14; 2 Tim 4:22; 1 Sam 9:6. Kopoloor Samuel, koiai EJAKAIT kaŋes, komam ecamuni adio kakiroke apalun. 20#Tub 20:1. Kojen Isirael kere anyoun koDan kiton Beer-seba ebe etogogoŋi Samuel araun enabi loka EJAKAIT. 21#Age 12:7; 15:1; Mar 12:6; Amo 3:7; Bur 1:1. Kotakan EJAKAIT bobo koSilo: naarai abu EJAKAIT kopukokin Samuel koSilo kakirot naka EJAKAIT.
Currently Selected:
1 Samuel 3: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.