1 Samuel 2
2
1 #
Luk 1:46-55; Pil 4:6; Sab 9:14; 13:5; 20:5. Kilip Kana, kobala ebe:
“Elakara ekatau kotoma EJAKAIT,
Itopolooritai akamumwarat kotoma EJAKAIT:
Italalara akaituk kaneejaas lukasurupoka;
Naarai eyalama kotoma aitajarakon.
2 #
Any 15:11; Isa 6:3; 57:15; Ikis 4:35; Sab 73:25. “Emamei loelaunit kwape EJAKAIT;
Naarai emamei ice dimarai ijo:
Ido emamei atiiba naeputos ka Edekewok.
3 #
Mal 3:13. Sirineras bobo nukaiwonoonut;
Karaida nukailepanut alomun kaitukekus;
Naarai erai EJAKAIT Edeke loka aijen,
Ido ŋes loitemi aswamisio.
4Abilas akabwai nuka ituŋa lukirigin,
Ŋul da lueguikinito itanapio agogoŋ,
5 #
Luk 1:53; Sab 113:9; Isa 54:1; Gal 4:27. Ŋul luemokos kolo ewoteoto inyamat;
Ka ŋul da luariebi kolo eteŋei ebworasi:
Eebo, auru arakan ikanykaarei;
Ka nin da naejaas idwe luipu esilikinit.
6 #
Ikis 32:39; Yob 5:18; Kos 6:1; Yok 5:25-29; 11:25,26; Apu 1:18. Eari EJAKAIT, itajaruni da:
Itolomari toma okatwak, itolomuni da.
7 #
Yob 1:21; 5:11; Sab 102:10; 75:7. Ipapeli EJAKAIT, ido itabari:
Iiesari, ikeuni da.
8 #
Dan 4:17; Age 41:14; 1 Sam 15:17; Yob 36:7; Yak 2:5; Apu 1:6; 3:21; Bur 1:3. Itonyouni lukican alemun kotoma apua,
Itonyouni luilwaritos alemun kotoma otut,
Aisiboikin kes nepepe kikapolok,
Airum da eicoloŋ loka aibuses:
Naarai ipirin luka akwap eraas luka EJAKAIT,
Ido esipokinit akwap kujukec.
9 #
Sab 91:11; 1 Sam 14:6. “Idari akeie nuka lukalaunakake,
Konye isililini ikaronok kotoma amuton;
Naarai emamei etuŋanan loipikori kanuka agogoŋ,
10 #
Sab 96:13. Ŋul luitepegete EJAKAIT ebilibilio;
Iretuni kotoma akuj aluikin kes;
Irabakini EJAKAIT kiton owaitin luka akwap,
Einakini ekabakake agogoŋ,
Itopoloori amumwarat naka lokinyonyoikitonike akinyet.”
11 #
1 Sam 3:1. Kolot Elukana togoke loajai Rama. Ido kijaanak ikoku EJAKAIT kakonyen nuka Eli esasedoti.
12 #
Ikis 13:13; Rom 1:28. Keraas odwe luka EH odwe luka Belial; mam ajenete EJAKAIT. 13Ekoni kwanata epone loka isasedotin mama ejaas ituŋa ebe, naeinakinia ituŋanan asubanit, abuni ebulesit loka esasedoti itinit kakanike egolu loajaas ikel iuni, napekulai akiriŋ; 14Kosodi akiinor toma asepulia, arai abinika, arai amot, arai atido; kere naeeumuni egolu nm ayaŋaari esasedoti. Kiswamanakinai kwaŋin Isiraelin kere luapote nen Silo. 15Eebo, eriŋa icweikina asiepai, kobuni ebulesit loka esasedoti, kobala ituŋanan yeneinakini asubanit ebe, “Koinakinai akiriŋ, kapeik esasedoti; naarai mam ekoto akiriŋ naipoo kamakon, konye naejon.” 16Arai kelimoki ŋes ituŋanan ebe, “Abeit icweikinio asiepai kwape kwana, ŋes konyet iyaŋaaria naipuda akoniijar kere”: eboŋokini ŋesi da ebe, “Mam, konye kiinakini ijo eoŋ kwape kwana: arai kiner, ayaŋaari kagogon.” 17#Age 6:11; Mal 2:8; Rom 2:24. Kopoloor aronis naka ikatumunak kakonyen nuka EJAKAIT: naarai kitapianata ituŋa ainakinet naka EJAKAIT,
18 #
Any 28:4. Konye kijaanak Samuel kakonyen nuka EJAKAIT: korai ikoku, konapenenei epod #2:18 epod ŋes anapito naka esasedoti. loka ebaputa. 19Ido kodonyonokini totoke ŋes anapito naedit, koinununei ŋes nolikaru, nakeupanarotor kokilenike ainakin asubanit naka nolikaru. 20Kilipak EH Elukana ka akeberu arereŋ, kobala ebe, “EJAKAIT koinak ijo ka aberu na aur kanuka ayuunet naayuunia EJAKAIT.” Kobonosi orekec.
21 #
Age 21:1; Luk 2:40. Koanyana EJAKAIT Kana, kopotuu, kidou isap iuni ka apesur aarei. Kopolok ikoku Samuel akonyen nuka EJAKAIT.
22Kemoion noi Eli; kopup kere nueswamanakinete odweke Isirael kere, ido kwape aperioto kanor nuejaanakinete kokek loka ewema loka airiamunun. 23Kotema kes atiar, “Kanukinyo iswamaata akiro ŋun? Naarai keteienikis eoŋ ituŋa lu kere akusiswamisio nueroko. 24Okwe, odweka; naarai nueira mam eraas nuejok: itapaasi ituŋa luka EJAKAIT. 25#Mar 15:30; Ikis 2:30; Awa 15:10; Yok 12:39,40. Arai kediaka ituŋanan mama ejai yenieeke, etubokini ŋes Edeke: konye arai kediaka ituŋanan mama ejai EJAKAIT, iŋai epurokini ŋes?” Konye mam apotu kiirasi eporoto loka papakee, naarai akoto EJAKAIT aiar kes.
26 #
Luk 2:52; Awa 3:4; Luk 2:40; Asw 2:47; Rom 14:18. Kiyatak ikoku Samuel apoloor, kodum asianut kama ejai EJAKAIT, kama ejaas ituŋa da.
27 #
1 Ika 13:1; Any 4:14. Kosodi kobu etuŋanan loka Edeke mama ejai Eli, kobala ŋes ebe, “Inera kwanata EJAKAIT atiar, Mere abu kapukokin bon okek loka papaakon, naajaatar Misiri obulesene kotogo loka Parao? 28#Any 28:1-4; Leb 7:35-36; 2:3. Mam abu kaseu ŋes katekerin kere nuka Isirael, araun ekasasedoti, adokanar otemuka aisupuruunun lukisupurununo, anapenen da epod kakonyeneka? Mam abu kainak ekek loka papakon ainakineta kere nuka idwe luka Isirael nueinakinere kakim? 29#Ikis 32:15; Mal 1:12; Ikis 12:5. Kanukinyo ipetonoriata asubanaka ka ainakinetaka, nuabu kecorak kaiboisika; koyon odwekon aitelekarit eoŋ, kotumakis nuitelekarito ajokis nuka ainakineta kere nuka ikatuŋa Isirael? 30#1 Siit 15:2; Yer 18:9; Sab 18:20; 91:14; Yok 5:44; 12:26; 1 Pet 1:7; Mar 11:20; 2 Sam 12:9,10; Mal 2:9. Ŋes enerar EJAKAIT, Edeke loka Isirael atiar, ‘Abeit abu kener ebe elosenenei ekekikon ka ekek loka papakon, kakonyeneka apaarasia kere’: konye kwana inera EJAKAIT atiar, ‘Madi eoŋ: naarai nul Iukayonito eoŋ, etopoloori, ka nul da lukamenito mam enyarao idiobore. 31#1 Sam 4:11. Koany, eponito apaarasia, nuajeparia akonikan, ka akan naka ekek loka papakon, kinyek ajaun ekimat kotogokon. 32#Sek 8:4. Ido ianyuni aitieanitoi naka aiboisika, toma abar kere naeinakini Edeke Isirael: kwabo emameunun ekimat kotogokon ikar kere. 33Ka etunananikon lomam amudiari alemar kotemuka, eraun loikokoori akiyo kakonyekon, ka aitakadikin ekonitau: ka aur da naka ekekikon etwakenenete napekurunanete. 34#1 Sam 4:11. Eraun na da aanyunet kamakon, naedoikini odwekon luarei, Kopuni ka Pinekas; etwakete kere apaaran ‘adiopet. 35#1 Ika 2:35; 1 Siit 29:22; Bur 2:17; 7:26-28; 2 Sam 7:11; 1 Ika 11:38; Sab 2:2. Eoŋ da etonyouni esasedoti lomunot, loiswamaenenei kwape ejaatar nun nuejaas otauka ka aomisioka: adukokini ŋes ekek loieasit: ido elosenenci kakonyen nuka lokinyonyoikitonoka akinyet ikar kere. 36#1 Ika 2:27. Kosodi kanen, ebuni ŋin yenideuna kokekikon akukonokin ŋes ailip atutubet naka epuesa ka idionyamat, ebe, “Keŋaiŋait, kitaraunai ediopet kotoma aswam naka isasedotin, tetere apedori ainyam idionyamat.”’”
Currently Selected:
1 Samuel 2: AOV1961
Highlight
Share
Copy
Want to have your highlights saved across all your devices? Sign up or sign in
Ateso Old Version Bible © United Bible Societies, 1961.