1 Samuel 21

1 # Mat 12:3-4; Mk 2:25-26; Luk 6:3; 1 Sam 22:19; Nek 11:32; Isa 10:32; 1 Sam 14:3. Kosodi Daudi abunore Nob mama ejai Akimelek esasedoti: kobu Akimelek airiamun kaDaudi komarani, kotema ŋes atiar, “Kanu kinyo iiaar ijo bon, komamei etuŋanan kajo?” 2#Age 27:20-24; 1 Sam 19:11; 22:22; 1 Ika 13:18; Sab 119:29; 141:3; Awa 29:25; Gal 2:12,13; Kol 3:9. Kotema Daudi Akimelek esasedoti atiar, “Keeorakinit ekabaka eoŋ aswam, katema eoŋ atiar, ‘Kinyek idiotuŋanan ajenun akirot naka aswam nakejukaritor, nakecorakinit da: eeorakinit eoŋ ikatumunak abore kamutan. 3Aso do inyo bo ejai akanikon? Koinakinai imugatin ikany akanika, arai ieebore kere yenejai kaio.” 4#Any 25:30; Leb 24:5; Mat 12:4; Any 19:15; Sek 7:3. Koboŋok esasedoti Daudi ebe, “Emamei emugati lodue kakanika, konye ajaas imugatin lukalaunak; arai mam ca ikatumunak eperito kanor,’ 5#1 Ses 4:4; Leb 8:26. Koboŋok Daudi esasedoti atiar, “Abeit mam sio kiperit kanor apaarasia nu auni; naanyounio eoŋ alaete iboro luka ikatumunak, karaida kerai alosit nakadue; elaete do noi ikeeeboro lolo,” 6#Leb 24:5-9; Mat 12:3; Mk 2:25; Luk 6:3. Koinak do esasedoti ŋes imugatin lukalaunak; naarai amamei emugati dimarai imugatin luka aitodikin, lualemunio kakonyen nuka EJAKAIT ibwaikinio imugatin luemwaka kapaaran naelemarere ŋul.

7 # 1 Sam 22:9. Ajai etuŋanan loka ikejaanakinak luka Saul nen kapaaran kaŋin, loetapaikinitai akonyen nuka EJAKAIT; ekekiror Doeg Edomait, ekapolon Ioka ikeeokok luka Saul.

8Kotema Daudi Akimelek atiar, “Emamei kane kakanikon akwara atai ekileŋ? Naarai mam ayaunit ekakileŋ karaida lujiisika, naarai abu aswam naka eka baka kesuburia.” 9#1 Sam 17:51; 31:10. Kotema esasedoti atiar, “Ekileŋ loka Goliat Epilisitiat, loiari ijo kaditot naka Ela, koany, ejai ne ienienitai kegoe kokau kepod: arai ikoto ayaŋaar, koyana: naarai emamei ece kane dimarai ŋol.” Kotema Daudi atiar, “Emamei ece loeputotor ŋol; koinakinai.”

10Konyou Daudi koker kapaaran kaŋin kanuka ayoŋit Saul, kolot mama ejai Akis eka baka loka Gat, 11#1 Sam 18:7; 29:5. Kotemasi ikejaanakinak luka Akis ŋes atiar, “Mere lo Daudi ekabaka loka akwap? Mam kes apotu koyeonokinos kokosio ebe,

“Aar Saul ilukuminike,

Ka Daudi da ikelukumin itomon?”

12 # Sab 56:1. Kibwaik Daudi akiro ŋun otauke, kokurianar noi Akis eka baka loka Gat. 13#Sab 34:1. Kijulak ejauteneke kakonyenekee, kosub bala ebaŋ kakaninikee, koram ikirigin lukorute, kojalak akeimul eleleete kopenekike. 14Kosodi Akis atemar ikekejaanakinak atiar, “Okwe ikatuŋa, kianyut ebe ebanaana etuŋanan ŋol: kanukinyo kiinuniata? 15Emameete eoŋ ibaŋiok, tape iyaunete etuŋanan lo asubit ebaŋ kakonyeneka? Elomuni kereka etuŋanan lo oreka?”

Currently Selected:

1 Samuel 21: AOV1961

Highlight

Copy

Compare