Matayo 19
19
Yesu nakiegesabe mamano ku̱wai̱
(Maliko 10:1-12)
1Yesu ndia adhakia onga kima injo, atuka ka Galilaya naki̱ya ka kyalo ndia ka Yu̱deya, ndia ali naseke ndietolo se tu̱li̱ Yolodani. 2Bi̱ya bhakpa nibhakintomba du̱mbi̱ nakibhulami̱sa ndibha yabhalwali̱o.
3Bemoti̱ ka Bhafali̱sayo nibhaki̱bi̱ka kindia Yesu lengesaki nibhakimuolu̱li̱a bhiyo; “Ali ka kilagilo ndia Mambombi̱ ampesi̱a Musa muluku bhiya nkali̱ mindiaki nanga nsonga poni?”
4Yesu naki̱bhu̱si̱ki̱aku̱ bhiyo; “Bhu̱ku̱somi̱mbebe Ndia Bhahandika eti, ka teketa Muhangi̱ amuhanga muluku na nkali̱, 5toli̱ nakigia eti, muluku ada kinduwa abaki na amaki alungane na nkali̱ mindiaki, bhebhali bhada kibha kozo moti̱?#Teketa 2:24 6Toli̱ bhakibha ndia bhakali bhebhali, no kozo moti̱. Toli̱ ndia Mambombi̱ alungesi̱ imamoti̱ ka mamano, kalakibhabe mindia akikudha.”
7Andu̱lu̱ Bhafali̱sayo ndia bhatodha olu̱li̱aki bhiyo; “Toli̱ ndia adhua Musa nakilagilia eti muluku ampesi̱age nkali̱ mindiaki bbaluwa sa bhiyaki andiki?”
8Yesu naki̱bhu̱si̱ki̱aku̱ bhiyo; “Musa abhubhali̱sana bhiyaga bhakali̱ ndibhanu̱ nanga mulima ndianu̱ yamoti̱kanagi̱a, no kabhi̱ bhinjo ka teketa. 9No nikibhutolia eti muluku poni mindia akimbiya nkali̱ mindiaki bhuai̱be nali nsonga sa li̱ana, toli̱ amuama nkali̱ mindietolo, akibha nali̱ani̱ dhe.”
10Bhaegi̱ ndibhaki nibhakingia bhiyo; “Kabha nali bhinjo, abhongi̱ nkali̱ na muluku li̱ka ndia bhakaʼmanani̱.”
11Yesu naki̱bhu̱si̱ki̱aku̱ bhiyo; “Bhakali bhakpa poni ndibha bhakibhalaga ndie ni̱ongi̱o, no ndibha Mambombi̱ abhupesi̱ mani̱ sa kenga bhokaka. 12Ni̱bhu̱toli̱ yoho nanga alibe bhaluku ndibha bhakibhokotuanaga mbili nabhu̱dhoti̱, ndibhetolo bhakpa bhadhua mbili abhudhota, na ndibhetolo bhatinaku̱ li̱kabho bhinjo nanga kusali̱a ndia Mambombi̱. Mindia akitoka bhala ndie nibhuegesi̱o yoho abhale.”
Yesu na bhani̱ki̱ bhabenje
(Maliko 10:13-16; Luka 18:15-17)
13Du̱mbi̱ bhakpa bemoti̱ nibhaki̱bhu̱i̱sa bhani̱ki̱ bhabenje kindia Yesu bi̱sabhobe kibhoko na sabiliabho, no bhaegi̱ ndibhaki nibhakibhusogosa.
14Yesu nakibhugia bhiyo; “Bhubhubhali̱sane bhani̱ki̱ bhabenje bhabi̱ke kindie nilio bhukulukubhukomi̱sa, nanga sia bhenjo kusali̱a ndia gulu ali ndiabho.” 15Ndia adhakia bi̱sabhobe kibhoko ndiaki na pesi̱abho nki̱sa, du̱mbi̱ naki̱ya.
Ntabhana ngudha
(Maliko 10:17-31; Luka 18:18-30)
16Tolo moti̱ ntabhana ai̱ya kindia Yesu abhi̱o nakimuolu̱li̱a bhiyo; “Mwegesi̱, nikole kima ti̱na mabhonga andu̱lu̱ nitunge bwomezi̱ ndia kadaki̱si̱abe?”
17Yesu naki̱nsi̱ki̱aku̱ bhiyo; “Okuniolu̱li̱a ka kima ndia abhongi̱o nangeki? Mindia abhongi̱o andi moti̱ yekaka. Kabha nokukabha tunga bwomezi̱ ndia kadaki̱si̱abe, ogbe kilagilo ndia Mambombi̱ ampesi̱a Musa.”
18Ntabhana nakimuolu̱li̱a bhiyo; “Kilagilo ti̱na?”
Yesu naki̱nsi̱ki̱aku̱ bhiyo; “Kolokuola, koloku̱li̱ana, koloku̱i̱bha, kolokumuhabhi̱li̱li̱a dako, 19ombi̱seku̱ abako na amako ngu̱ko,#Teketa 20:12-16; Kilagilo 5:16-20 onkude dako nesi̱ weku̱ndi̱o nku̱mi̱.”#Bhalevi̱ 19:18
20Ntabhana naki̱nsi̱ki̱aku̱ bhiyo; “Injo poni ni̱gbei̱ya, Andiki ndietolo ndia alia nani̱bhu̱li̱be?”
21Yesu naki̱nsi̱ki̱aku̱ bhiyo; “Kabha nokukabha bha nkpa mindia abhongi̱o kei̱soa Mambombi̱, oye osumbese ndio oli nai̱ poni toli̱ mbangana ndio okubhuwaku̱ obhupesi̱e bhanako toli̱ okubha na tungo gulu. Du̱mbi̱ obi̱ke oyage nemi.”
22Ntabhana ndia aoka yoho, ai̱ya ndia kadhedhelu̱, nanga abhi̱ na tungo bi̱yai̱.
23Du̱mbi̱ Yesu nakibhugia bhaegi̱ ndibhaki bhiyo; “Ka mazima nikibhutolia eti, ati̱gi̱kani̱ si̱ni̱ nkpa ngudha godha ka kusali̱a ndia gulu. 24Nikitodha tolianu̱ eti, adhoti̱a ngamiya tombaki ka mpolo sa nkinjo koli̱sa ngudha godhaki ka kusali̱a ndia Mambombi̱.”
25Bhaegi̱ ndibhaki ndia bhaoka yoho, nki̱li̱ abhutina toli̱ nibhakimuolu̱li̱a bhiyo; “Andi nkpa ti̱na mindia Mambombi̱ akinzuna?”
26Yesu naki̱bhu̱zi̱ba tonono nakigia bhiyo; “Kowa bhakpa, yoho kakitokikana no kowa Mambombi̱ kima poni akitokikana.”
27Petelo naki̱nsi̱ki̱aku̱ bhiyo; “Ki̱dhu̱ kima poni ni̱ki̱ki̱ya newe toli̱ kikibhuwaku̱ eki?”
28Yesu nakibhugia bhiyo; “Ka mazima nikibhutolia eti, Mambombi̱ kagali̱a kima poni bhai̱ mpiaka, Mi̱ki̱ mindia Nkpa kali̱kaki ka mbata ndiaki sa kusali̱a toli̱ sa ngu̱ko si̱ni̱, bhenu̱ bhaegi̱ ndibhamo, bhu̱ku̱li̱ka ka mbata komi̱ na bhali sa kusali̱a ka lema ntu̱la komi̱ na bhali ndia ka Isaleli̱. 29Toli̱ nkpa poni mindia adhu̱ ndabho ndiaki kedha bhanamaki kedha abaki kedha amaki kedha nkali̱ mindiaki kedha bhani̱ki̱ kedha dhudhu nanga emi akitunga tabhi ndia adhu̱wo dou̱ ki̱ku̱mi̱ toli̱ Mambombi̱ ada kimpesi̱a bwomezi̱ ndia kadaki̱si̱abe. 30No bi̱yabho ndibha kateketa bhakidhakililia, na ndibha kadhakililia bhatekete.”
Currently Selected:
Matayo 19: KWAMBA
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025
Matayo 19
19
Yesu nakiegesabe mamano ku̱wai̱
(Maliko 10:1-12)
1Yesu ndia adhakia onga kima injo, atuka ka Galilaya naki̱ya ka kyalo ndia ka Yu̱deya, ndia ali naseke ndietolo se tu̱li̱ Yolodani. 2Bi̱ya bhakpa nibhakintomba du̱mbi̱ nakibhulami̱sa ndibha yabhalwali̱o.
3Bemoti̱ ka Bhafali̱sayo nibhaki̱bi̱ka kindia Yesu lengesaki nibhakimuolu̱li̱a bhiyo; “Ali ka kilagilo ndia Mambombi̱ ampesi̱a Musa muluku bhiya nkali̱ mindiaki nanga nsonga poni?”
4Yesu naki̱bhu̱si̱ki̱aku̱ bhiyo; “Bhu̱ku̱somi̱mbebe Ndia Bhahandika eti, ka teketa Muhangi̱ amuhanga muluku na nkali̱, 5toli̱ nakigia eti, muluku ada kinduwa abaki na amaki alungane na nkali̱ mindiaki, bhebhali bhada kibha kozo moti̱?#Teketa 2:24 6Toli̱ bhakibha ndia bhakali bhebhali, no kozo moti̱. Toli̱ ndia Mambombi̱ alungesi̱ imamoti̱ ka mamano, kalakibhabe mindia akikudha.”
7Andu̱lu̱ Bhafali̱sayo ndia bhatodha olu̱li̱aki bhiyo; “Toli̱ ndia adhua Musa nakilagilia eti muluku ampesi̱age nkali̱ mindiaki bbaluwa sa bhiyaki andiki?”
8Yesu naki̱bhu̱si̱ki̱aku̱ bhiyo; “Musa abhubhali̱sana bhiyaga bhakali̱ ndibhanu̱ nanga mulima ndianu̱ yamoti̱kanagi̱a, no kabhi̱ bhinjo ka teketa. 9No nikibhutolia eti muluku poni mindia akimbiya nkali̱ mindiaki bhuai̱be nali nsonga sa li̱ana, toli̱ amuama nkali̱ mindietolo, akibha nali̱ani̱ dhe.”
10Bhaegi̱ ndibhaki nibhakingia bhiyo; “Kabha nali bhinjo, abhongi̱ nkali̱ na muluku li̱ka ndia bhakaʼmanani̱.”
11Yesu naki̱bhu̱si̱ki̱aku̱ bhiyo; “Bhakali bhakpa poni ndibha bhakibhalaga ndie ni̱ongi̱o, no ndibha Mambombi̱ abhupesi̱ mani̱ sa kenga bhokaka. 12Ni̱bhu̱toli̱ yoho nanga alibe bhaluku ndibha bhakibhokotuanaga mbili nabhu̱dhoti̱, ndibhetolo bhakpa bhadhua mbili abhudhota, na ndibhetolo bhatinaku̱ li̱kabho bhinjo nanga kusali̱a ndia Mambombi̱. Mindia akitoka bhala ndie nibhuegesi̱o yoho abhale.”
Yesu na bhani̱ki̱ bhabenje
(Maliko 10:13-16; Luka 18:15-17)
13Du̱mbi̱ bhakpa bemoti̱ nibhaki̱bhu̱i̱sa bhani̱ki̱ bhabenje kindia Yesu bi̱sabhobe kibhoko na sabiliabho, no bhaegi̱ ndibhaki nibhakibhusogosa.
14Yesu nakibhugia bhiyo; “Bhubhubhali̱sane bhani̱ki̱ bhabenje bhabi̱ke kindie nilio bhukulukubhukomi̱sa, nanga sia bhenjo kusali̱a ndia gulu ali ndiabho.” 15Ndia adhakia bi̱sabhobe kibhoko ndiaki na pesi̱abho nki̱sa, du̱mbi̱ naki̱ya.
Ntabhana ngudha
(Maliko 10:17-31; Luka 18:18-30)
16Tolo moti̱ ntabhana ai̱ya kindia Yesu abhi̱o nakimuolu̱li̱a bhiyo; “Mwegesi̱, nikole kima ti̱na mabhonga andu̱lu̱ nitunge bwomezi̱ ndia kadaki̱si̱abe?”
17Yesu naki̱nsi̱ki̱aku̱ bhiyo; “Okuniolu̱li̱a ka kima ndia abhongi̱o nangeki? Mindia abhongi̱o andi moti̱ yekaka. Kabha nokukabha tunga bwomezi̱ ndia kadaki̱si̱abe, ogbe kilagilo ndia Mambombi̱ ampesi̱a Musa.”
18Ntabhana nakimuolu̱li̱a bhiyo; “Kilagilo ti̱na?”
Yesu naki̱nsi̱ki̱aku̱ bhiyo; “Kolokuola, koloku̱li̱ana, koloku̱i̱bha, kolokumuhabhi̱li̱li̱a dako, 19ombi̱seku̱ abako na amako ngu̱ko,#Teketa 20:12-16; Kilagilo 5:16-20 onkude dako nesi̱ weku̱ndi̱o nku̱mi̱.”#Bhalevi̱ 19:18
20Ntabhana naki̱nsi̱ki̱aku̱ bhiyo; “Injo poni ni̱gbei̱ya, Andiki ndietolo ndia alia nani̱bhu̱li̱be?”
21Yesu naki̱nsi̱ki̱aku̱ bhiyo; “Kabha nokukabha bha nkpa mindia abhongi̱o kei̱soa Mambombi̱, oye osumbese ndio oli nai̱ poni toli̱ mbangana ndio okubhuwaku̱ obhupesi̱e bhanako toli̱ okubha na tungo gulu. Du̱mbi̱ obi̱ke oyage nemi.”
22Ntabhana ndia aoka yoho, ai̱ya ndia kadhedhelu̱, nanga abhi̱ na tungo bi̱yai̱.
23Du̱mbi̱ Yesu nakibhugia bhaegi̱ ndibhaki bhiyo; “Ka mazima nikibhutolia eti, ati̱gi̱kani̱ si̱ni̱ nkpa ngudha godha ka kusali̱a ndia gulu. 24Nikitodha tolianu̱ eti, adhoti̱a ngamiya tombaki ka mpolo sa nkinjo koli̱sa ngudha godhaki ka kusali̱a ndia Mambombi̱.”
25Bhaegi̱ ndibhaki ndia bhaoka yoho, nki̱li̱ abhutina toli̱ nibhakimuolu̱li̱a bhiyo; “Andi nkpa ti̱na mindia Mambombi̱ akinzuna?”
26Yesu naki̱bhu̱zi̱ba tonono nakigia bhiyo; “Kowa bhakpa, yoho kakitokikana no kowa Mambombi̱ kima poni akitokikana.”
27Petelo naki̱nsi̱ki̱aku̱ bhiyo; “Ki̱dhu̱ kima poni ni̱ki̱ki̱ya newe toli̱ kikibhuwaku̱ eki?”
28Yesu nakibhugia bhiyo; “Ka mazima nikibhutolia eti, Mambombi̱ kagali̱a kima poni bhai̱ mpiaka, Mi̱ki̱ mindia Nkpa kali̱kaki ka mbata ndiaki sa kusali̱a toli̱ sa ngu̱ko si̱ni̱, bhenu̱ bhaegi̱ ndibhamo, bhu̱ku̱li̱ka ka mbata komi̱ na bhali sa kusali̱a ka lema ntu̱la komi̱ na bhali ndia ka Isaleli̱. 29Toli̱ nkpa poni mindia adhu̱ ndabho ndiaki kedha bhanamaki kedha abaki kedha amaki kedha nkali̱ mindiaki kedha bhani̱ki̱ kedha dhudhu nanga emi akitunga tabhi ndia adhu̱wo dou̱ ki̱ku̱mi̱ toli̱ Mambombi̱ ada kimpesi̱a bwomezi̱ ndia kadaki̱si̱abe. 30No bi̱yabho ndibha kateketa bhakidhakililia, na ndibha kadhakililia bhatekete.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025