Matayo 20
20
Nsi̱mo ndia bhakoli̱ ka ti̱ko sa muzabbi̱bbu̱
1Yesu abhutolia ka nsi̱mo bhiyo; “Kusali̱a ndia gulu ali bhia nkuma ti̱ko mindia akelela maki i̱ya kabha bhakoli̱ ndibha bhakikola ka ti̱ko ndiaki sa muzabbi̱bbu̱. 2Ndia adhakia bhaliana nabho sasulabho dinali̱#20:2 Dinali̱ Abhi̱ ndu̱lu̱ mbangana ndia Bhaloma yabhabhusasulaga bhapaghasi̱ ka tolo moti̱. moti̱ sa tolo, du̱mbi̱ naki̱bhu̱i̱sa ka ti̱ko i̱ya kola.
3“Ndia aduwa saha salo ndia u̱ma-u̱ma, nkuma ti̱ko ai̱ya nakibhudwana bhaluku ndibhetolo nibhatelemagi̱ ka si̱mana ndia bhakali na kima poni ndia bhali ka kolai̱. 4Nakibhugia bhiyo; ‘Na bhenu̱ bhu̱ye bhukole ka ti̱ko ndiamo sa muzabbi̱bbu̱, toli̱ nikibhusasula kulungi.’ 5Du̱mbi̱ nibhaki̱ya.
“Muluku miyo atodha naki̱si̱ki̱aku̱ saha nkaga na saha sobhi̱ ndia ntangali̱ nalia kikola kima andiahau̱ moti̱.
6“Nali bi̱ya duwai̱ saha komi̱ na moti̱, atodha naki̱ya nakibhudwana ndibhetolo dhe nibhatelemagi̱. Nakibhuolu̱li̱a bhiyo; ‘Ndia adhu̱ nibhutelemagi̱ mehe tolo poni ndio bhukuli na ndio bhukukola andiki?’
7“Nibhaki̱nsi̱ki̱aku̱ bhiyo; ‘Kitelemagi̱ mehe nanga kalibe nkpa poni mindia akipesi̱ mulimo sa kolai̱.’
“Nakibhugia bhiyo; ‘Na bhenu̱ bhu̱ye bhukole ka ti̱ko ndiamo sa muzabbi̱bbu̱.’
8“Ndia aduwa tamabhugo-bhugo, nkuma ti̱ko sa muzzabbi̱bbu̱ nakingia mindia abhutelemi̱li̱ bhakoli̱ ndibhaki bhiyo; ‘Obhueke bhakoli̱ nibhusasule musala ndiabho, otekete na bhenjo ndibhe nidhaki̱li̱li̱ bi̱ki̱sabho du̱mbi̱ odhakililie na bhenjo ndibhe niteketi̱ bi̱ki̱sabho.’
9“Bhakoli̱ ndibha bhabhu̱bi̱ki̱sa saha komi̱ na moti̱ bhabi̱ka nakibhusasula dinali̱ moti̱. 10Bhenjo ndibha bhateketa ka ti̱ko ndia bhabi̱ka, nibhakyeli̱li̱kana eti bhakibhusasula mbangana bi̱yai̱ koli̱sa bhadabho. No nabho bhatunga dinali̱ moti̱ moti̱. 11Ndia bhabhupesi̱a mbangana yoho, nibhakitandika sani̱ na nkuma ti̱ko. 12Nibhakigia bhiyo; ‘Bhenjo ndibho obhu̱bi̱ki̱si̱ kola ka ti̱ko ka dhakililia bhakoli̱ dhakia saha moti̱ u̱kaka. Toli̱ mbangana ndio obhusasu̱li̱o akinganani̱ na ndiasu̱ ndibhe kiesei̱ nikikikola na mani naki̱ki̱bhi̱nda tolo poni.’
13“No nkuma ti̱ko naki̱nsi̱ki̱aku̱ moti̱ kowabho bhiyo; ‘Bhotuami, oʼkiane kili ka nyagako, nanga kibhaliani̱ eti nikibhusasula dinali̱ moti̱. 14Ogbe mbangana ndiako oye, nikikabha sasula na minjo mindie ni̱mbi̱ki̱si̱ ka dhakililia mbangana ndia akinganani̱ na ndiako ndie ni̱ku̱pesi̱o. 15Alibe mindia akinikomi̱sa koli̱sa mbangana ndiamo nesi̱ nikabhi̱o? Kedha okunigbelia i̱ni̱ nanga bhuenge ndiamo?’
16“ Ti̱-no mindia ka dhakililia ada kiteketa ndiye, toli̱ mindia ka teketa ada kidhakililia ndiye.”
Yesu nakitodha ongabe ku̱wa ndiaki dou̱ ndia kesalo
(Maliko 10:32-34; Luka 18:31-34)
17Yesu ndia abha kayaki ka tau̱ni̱ ndia ka Yelusalemu, abhu̱i̱sa bhaegi̱ ndibhaki komi̱ na bhebhali nekpengbu̱ nakionga nabho nibhalia ki̱ya. 18Nakibhugia bhiyo; “Bhuokiane, kili kayasu̱ ka Yelusalemu kindia bhakimpesi̱aku̱ Mi̱ki̱ mindia Nkpa kowa bhabhembi̱ bhangbeku na bhaegesi̱ sa kilagilo ndia Mambombi̱ ampesi̱a Musa. Bhakincuelia musango sa ku̱wa, 19toli̱ bhakimpesi̱aku̱ kowa Bhakpa ndibha kali Bhayu̱daya ndibha bhakintebiaga na bhi̱ndaki toli̱ bhambambe ka musalaba. Ka tolo ndia kesalo, Mambombi̱ aki̱mu̱hu̱mbu̱la.”
Kunga ndia ama Yakobbo na Yohana
20Du̱mbi̱ ama bhani̱ki̱ ndibha Zebedayo ai̱ya nabho kindia Yesu, naki̱su̱ku̱mana kei̱soaki toli̱ nakinkunga eti ankolilie kima ndia akinkunga.
21Yesu nakimuolu̱li̱a bhiyo; “Okukabha eki?”
Nkali̱ miyo naki̱nsi̱ki̱aku̱ Yesu bhiyo; “Onilaki̱sane eti, kobha Sali̱a, bhani̱ki̱ ndibhamo bhalu̱ku̱abho bhaki̱li̱kaga bi̱ya newe, moti̱ ka kibhoko ndiako sa kuluku na mindietolo ka kibhoko ndiako sa kulegu̱.”
22Yesu naki̱bhu̱si̱ki̱aku̱ bhiyo; “Bhu̱ku̱i̱bi̱ ndio bhuli ka kungai̱. Bhukutoka kolilianu̱ ka ena bhu̱su̱ ndie ni̱ki̱ya koliliai̱ku̱?”
Bhani̱ki̱ bhehe nibhaki̱nsi̱ki̱aku̱ Yesu bhiyo; “Kikitoka.”
23Yesu nakibhugia bhiyo; “Bhukutoka kolilianu̱ ka ena bhu̱su̱ ndie ni̱ki̱ya koliliai̱ku̱, no li̱kaga ka kibhoko ndiamo sa kuluku kedha sa kulegu̱ kikitinaku̱ ndimi. Kikalo yoho ali ndia bhenjo ndibha Aba abhutekani̱li̱zi̱o.”
24Bhaegi̱ ndibha Yesu komi̱ ndia bhaoka yoho, bhabhugbelia bhatua kunama bhebhali bhehe ki̱ni̱ga. 25Du̱mbi̱ Yesu nakibhueka bhaegi̱ ndibhaki bhoponi imamoti̱ nakibhugia bhiyo; “Bhu̱i̱bi̱ nesi̱ bhalemi ndibha Bhakpa ndibha kali Bhayu̱daya bhakibhulemaga zidhi toli̱ na ndibha bhabhukoli̱ bhalemi bhenjo mani̱ bhakibhulagiliaga bhakpa na mani̱ bi̱yai̱. 26No bhenu̱ bhukukubha bhinjo. Bhuai̱be nkpa poni mindia akikabha bhaki ntua mani̱ kowa bhenu̱ agbokiliani̱ abhe nkoli̱ mindianu̱, 27toli̱ mindia akikabha bhaki mindia kateketa kowa bhenu̱ agbokiliani̱ abhe gele mindianu̱, 28nesi̱ Mi̱ki̱ mindia Nkpa kabi̱ka eti bhankolilie no abi̱ka ndiye kolilia bhakpa, na pesi̱aku̱ bwomezi̱ ndiaki andu̱lu̱ bhabhugani̱li̱e bhakpa kibi ndiabho.”
Yesu nakimulami̱sa bhaluku bhebhali ndibha yabhadhakani̱ i̱so
(Maliko 10:46-52; Luka 18:35-43)
29Yesu na bhaegi̱ ndibhaki ndia bhabha katukabho ka tau̱ni̱ ndia ka Yeli̱ko, bi̱ya bhakpa bhabhutomba. 30Bhaluku bhebhali ndibha yabhadhakani̱ i̱so bhabha nibhali̱kagi̱ nekpengbu̱a nesi̱yo toli̱ ndia bhaoka eti Yesu ali kakoliaki, nibhakihabhaga bhiyo; “Sali̱a, nana Dhau̱dhi̱ okigbelie kobhu̱.”
31Bi̱ya bhakpa bhenjo nibhakibhutanuka toli̱ nibhakibhugia bhaluku bhehe eti bhadake. No bhaluku bhehe nibhakihabhaga na mani̱ bhiyo; “Sali̱a nana Dhau̱dhi̱, okigbelie kobhu̱.”
32Yesu nakitelema, nakibhueka toli̱ nakibhuolu̱li̱a bhiyo; “Bhukukabha nibhukolilie eki?”
33Nibhaki̱nsi̱ki̱aku̱ bhiyo; “Sali̱a, kikikabha kitodhe ki̱zi̱be.”
34Yesu abhugbelia bhaluku bhehe kobhu̱ toli̱ nakibhugba ke i̱so. Menjo i̱so naki̱bhu̱oku̱dhana du̱mbi̱ nibhakintomba Yesu.
Currently Selected:
Matayo 20: KWAMBA
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025
Matayo 20
20
Nsi̱mo ndia bhakoli̱ ka ti̱ko sa muzabbi̱bbu̱
1Yesu abhutolia ka nsi̱mo bhiyo; “Kusali̱a ndia gulu ali bhia nkuma ti̱ko mindia akelela maki i̱ya kabha bhakoli̱ ndibha bhakikola ka ti̱ko ndiaki sa muzabbi̱bbu̱. 2Ndia adhakia bhaliana nabho sasulabho dinali̱#20:2 Dinali̱ Abhi̱ ndu̱lu̱ mbangana ndia Bhaloma yabhabhusasulaga bhapaghasi̱ ka tolo moti̱. moti̱ sa tolo, du̱mbi̱ naki̱bhu̱i̱sa ka ti̱ko i̱ya kola.
3“Ndia aduwa saha salo ndia u̱ma-u̱ma, nkuma ti̱ko ai̱ya nakibhudwana bhaluku ndibhetolo nibhatelemagi̱ ka si̱mana ndia bhakali na kima poni ndia bhali ka kolai̱. 4Nakibhugia bhiyo; ‘Na bhenu̱ bhu̱ye bhukole ka ti̱ko ndiamo sa muzabbi̱bbu̱, toli̱ nikibhusasula kulungi.’ 5Du̱mbi̱ nibhaki̱ya.
“Muluku miyo atodha naki̱si̱ki̱aku̱ saha nkaga na saha sobhi̱ ndia ntangali̱ nalia kikola kima andiahau̱ moti̱.
6“Nali bi̱ya duwai̱ saha komi̱ na moti̱, atodha naki̱ya nakibhudwana ndibhetolo dhe nibhatelemagi̱. Nakibhuolu̱li̱a bhiyo; ‘Ndia adhu̱ nibhutelemagi̱ mehe tolo poni ndio bhukuli na ndio bhukukola andiki?’
7“Nibhaki̱nsi̱ki̱aku̱ bhiyo; ‘Kitelemagi̱ mehe nanga kalibe nkpa poni mindia akipesi̱ mulimo sa kolai̱.’
“Nakibhugia bhiyo; ‘Na bhenu̱ bhu̱ye bhukole ka ti̱ko ndiamo sa muzabbi̱bbu̱.’
8“Ndia aduwa tamabhugo-bhugo, nkuma ti̱ko sa muzzabbi̱bbu̱ nakingia mindia abhutelemi̱li̱ bhakoli̱ ndibhaki bhiyo; ‘Obhueke bhakoli̱ nibhusasule musala ndiabho, otekete na bhenjo ndibhe nidhaki̱li̱li̱ bi̱ki̱sabho du̱mbi̱ odhakililie na bhenjo ndibhe niteketi̱ bi̱ki̱sabho.’
9“Bhakoli̱ ndibha bhabhu̱bi̱ki̱sa saha komi̱ na moti̱ bhabi̱ka nakibhusasula dinali̱ moti̱. 10Bhenjo ndibha bhateketa ka ti̱ko ndia bhabi̱ka, nibhakyeli̱li̱kana eti bhakibhusasula mbangana bi̱yai̱ koli̱sa bhadabho. No nabho bhatunga dinali̱ moti̱ moti̱. 11Ndia bhabhupesi̱a mbangana yoho, nibhakitandika sani̱ na nkuma ti̱ko. 12Nibhakigia bhiyo; ‘Bhenjo ndibho obhu̱bi̱ki̱si̱ kola ka ti̱ko ka dhakililia bhakoli̱ dhakia saha moti̱ u̱kaka. Toli̱ mbangana ndio obhusasu̱li̱o akinganani̱ na ndiasu̱ ndibhe kiesei̱ nikikikola na mani naki̱ki̱bhi̱nda tolo poni.’
13“No nkuma ti̱ko naki̱nsi̱ki̱aku̱ moti̱ kowabho bhiyo; ‘Bhotuami, oʼkiane kili ka nyagako, nanga kibhaliani̱ eti nikibhusasula dinali̱ moti̱. 14Ogbe mbangana ndiako oye, nikikabha sasula na minjo mindie ni̱mbi̱ki̱si̱ ka dhakililia mbangana ndia akinganani̱ na ndiako ndie ni̱ku̱pesi̱o. 15Alibe mindia akinikomi̱sa koli̱sa mbangana ndiamo nesi̱ nikabhi̱o? Kedha okunigbelia i̱ni̱ nanga bhuenge ndiamo?’
16“ Ti̱-no mindia ka dhakililia ada kiteketa ndiye, toli̱ mindia ka teketa ada kidhakililia ndiye.”
Yesu nakitodha ongabe ku̱wa ndiaki dou̱ ndia kesalo
(Maliko 10:32-34; Luka 18:31-34)
17Yesu ndia abha kayaki ka tau̱ni̱ ndia ka Yelusalemu, abhu̱i̱sa bhaegi̱ ndibhaki komi̱ na bhebhali nekpengbu̱ nakionga nabho nibhalia ki̱ya. 18Nakibhugia bhiyo; “Bhuokiane, kili kayasu̱ ka Yelusalemu kindia bhakimpesi̱aku̱ Mi̱ki̱ mindia Nkpa kowa bhabhembi̱ bhangbeku na bhaegesi̱ sa kilagilo ndia Mambombi̱ ampesi̱a Musa. Bhakincuelia musango sa ku̱wa, 19toli̱ bhakimpesi̱aku̱ kowa Bhakpa ndibha kali Bhayu̱daya ndibha bhakintebiaga na bhi̱ndaki toli̱ bhambambe ka musalaba. Ka tolo ndia kesalo, Mambombi̱ aki̱mu̱hu̱mbu̱la.”
Kunga ndia ama Yakobbo na Yohana
20Du̱mbi̱ ama bhani̱ki̱ ndibha Zebedayo ai̱ya nabho kindia Yesu, naki̱su̱ku̱mana kei̱soaki toli̱ nakinkunga eti ankolilie kima ndia akinkunga.
21Yesu nakimuolu̱li̱a bhiyo; “Okukabha eki?”
Nkali̱ miyo naki̱nsi̱ki̱aku̱ Yesu bhiyo; “Onilaki̱sane eti, kobha Sali̱a, bhani̱ki̱ ndibhamo bhalu̱ku̱abho bhaki̱li̱kaga bi̱ya newe, moti̱ ka kibhoko ndiako sa kuluku na mindietolo ka kibhoko ndiako sa kulegu̱.”
22Yesu naki̱bhu̱si̱ki̱aku̱ bhiyo; “Bhu̱ku̱i̱bi̱ ndio bhuli ka kungai̱. Bhukutoka kolilianu̱ ka ena bhu̱su̱ ndie ni̱ki̱ya koliliai̱ku̱?”
Bhani̱ki̱ bhehe nibhaki̱nsi̱ki̱aku̱ Yesu bhiyo; “Kikitoka.”
23Yesu nakibhugia bhiyo; “Bhukutoka kolilianu̱ ka ena bhu̱su̱ ndie ni̱ki̱ya koliliai̱ku̱, no li̱kaga ka kibhoko ndiamo sa kuluku kedha sa kulegu̱ kikitinaku̱ ndimi. Kikalo yoho ali ndia bhenjo ndibha Aba abhutekani̱li̱zi̱o.”
24Bhaegi̱ ndibha Yesu komi̱ ndia bhaoka yoho, bhabhugbelia bhatua kunama bhebhali bhehe ki̱ni̱ga. 25Du̱mbi̱ Yesu nakibhueka bhaegi̱ ndibhaki bhoponi imamoti̱ nakibhugia bhiyo; “Bhu̱i̱bi̱ nesi̱ bhalemi ndibha Bhakpa ndibha kali Bhayu̱daya bhakibhulemaga zidhi toli̱ na ndibha bhabhukoli̱ bhalemi bhenjo mani̱ bhakibhulagiliaga bhakpa na mani̱ bi̱yai̱. 26No bhenu̱ bhukukubha bhinjo. Bhuai̱be nkpa poni mindia akikabha bhaki ntua mani̱ kowa bhenu̱ agbokiliani̱ abhe nkoli̱ mindianu̱, 27toli̱ mindia akikabha bhaki mindia kateketa kowa bhenu̱ agbokiliani̱ abhe gele mindianu̱, 28nesi̱ Mi̱ki̱ mindia Nkpa kabi̱ka eti bhankolilie no abi̱ka ndiye kolilia bhakpa, na pesi̱aku̱ bwomezi̱ ndiaki andu̱lu̱ bhabhugani̱li̱e bhakpa kibi ndiabho.”
Yesu nakimulami̱sa bhaluku bhebhali ndibha yabhadhakani̱ i̱so
(Maliko 10:46-52; Luka 18:35-43)
29Yesu na bhaegi̱ ndibhaki ndia bhabha katukabho ka tau̱ni̱ ndia ka Yeli̱ko, bi̱ya bhakpa bhabhutomba. 30Bhaluku bhebhali ndibha yabhadhakani̱ i̱so bhabha nibhali̱kagi̱ nekpengbu̱a nesi̱yo toli̱ ndia bhaoka eti Yesu ali kakoliaki, nibhakihabhaga bhiyo; “Sali̱a, nana Dhau̱dhi̱ okigbelie kobhu̱.”
31Bi̱ya bhakpa bhenjo nibhakibhutanuka toli̱ nibhakibhugia bhaluku bhehe eti bhadake. No bhaluku bhehe nibhakihabhaga na mani̱ bhiyo; “Sali̱a nana Dhau̱dhi̱, okigbelie kobhu̱.”
32Yesu nakitelema, nakibhueka toli̱ nakibhuolu̱li̱a bhiyo; “Bhukukabha nibhukolilie eki?”
33Nibhaki̱nsi̱ki̱aku̱ bhiyo; “Sali̱a, kikikabha kitodhe ki̱zi̱be.”
34Yesu abhugbelia bhaluku bhehe kobhu̱ toli̱ nakibhugba ke i̱so. Menjo i̱so naki̱bhu̱oku̱dhana du̱mbi̱ nibhakintomba Yesu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc., 2025